YOHANES 13:5 - JANJAI BLAU Lem Bahaso Jang Bebilai

⁵ Sesudo'o Si me'eng bioa moi lem do reseng ngen muloi mpuk kekea penotoa-penotoa-Ne lajau melapne ngen kain de tepeket neak pinggang-Ne o.

YOHANES 13:5 ပူးပေါင်းရင်းမြစ်များ

LUKAS 7:38

Si je neak belakang Yesus pa'ok kekea-Ne ngen ngindoi samo meleceak kekea Yesus ngen bioa mataine. Sesudo'o kekea Yesus ken'ing ngen bukne lajau si semiumne ngen mpek minyok um moi kekea Yesus.

LUKAS 7:44

Ngen samo jemling ngen selawei o, Si madeak ngen Simon, “Ko kemliak selawei yo? Uku masuk moi umeaknu, tapi ko coa melei Uku bioa utuk meleceak kekea-Ku, tapi si meleceak kekea-Ku ngen bioa matai ngen melapne ngen bukne.

YOHANES 13:10

Nadeak Yesus ngen Petrus, “Api bae de sudo mendai, si jibeak mpuk dirai igai tapi mpuk kekea ne, udi bi bersih, tapi coa kutene.” (

YOHANES 13:6

Lajau sapei ba Si ngen Simon Petrus. Nadeak Petrus ngen Si, “Tuhan, Ko lok mpuk kekeaku?”

YOHANES 13:8

Nadeak Petrus ngen Si, “Ko coa bakea mpuk kekeaku sapei seke'anne.” Jawab Yesus, “Amen Uku coa mpuk kekeanu, ko coa dapet bagiak lem Uku.”

YOHANES 19:34

Tapi suang kunei antaro prajurit o temikem lambung-Ne ngen tumbok, segro ngeluea daleak ngen bioa.

KISAH RASUL-RASUL 22:16

Uyo, getai ko masiak ragau? Kelongonba, neleiba dirainu dibaptis, duso-dusonu senucai ngen menggang ngen Tuhan!’ ”

1 KORINTUS 6:11

Kekedau tun neak antaro Saudaro memang aweiyo kileak. Tapi Saudaro bi melei dirainu senucai, Saudaro bi senucai, Saudaro bi jijai bnea neak lem gen Tuhan Yesus Kristus kulo lem Roh Allah ite.

EFESUS 5:26

Kristus menea o supayo Si dapet semucai jemaat o ngen ajaran-Ne ngen liwet bioa baptisan, supayo sesudo'o Si dapet semreak-Ne ngen Allah.

1 TIMOTIUS 5:10

ngen terbukti bi menea pekerjaan de baik, awei murus anok, temimo tun-tun temalem neak daseine, melayan tun-tun pecayo, temulung tun-tun saro, menea ngen sungguak-sungguak kute mecem pekerjaan de baik.

IBRANI 10:22

Kerno o, maroba ite ma'ok Allah ngen atei tulus ngen imen de kuet; ngen atei de sudo senucai kunei asai saleak, ngen awok de sudo senucai ngen bioa de sucai.

1 YOHANES 1:7

Tapi amen ite idup neak lem teang serai awei Allah ade neak lem te'ang, mako ite idup erat, rukun do ngen de luyenne, ngen daleak Yesus, Anok-Ne, semucai ite kunei kute duso.

1 YOHANES 5:6

Yesus Kristusba de teko moi dunio ngen bio baptisan-Ne ngen daleak kematian-Ne. Si teko iso cuma ngen bioa bae tapi ngen bio ngen daleak. Roh Allah su'ang melei saksai bahwo do'o benea, sebab roh coa perneak berdusta.

WAHYU 1:5

ngen kunei Yesus Kristus, saksai de setia. Siba de pertamo-tamo idup igai kunei matei ngen Siba penguaso das rajo-rajo dunio. Yesus mengasiak ite, ngen kematian-Ne Si bebas kunei duso-duso ite,

WAHYU 7:14

“Uku coa namen, Tuan, Tuan suang de namen,” jawab uku. Mako si madeak ngen uku, “Dioba tun-tun de sudo ngen selamat kunei kesusahan de luea biaso. Tobo'o bi mpuk jubah tobo'o ngen meneane jijai putiak ngen daleak Anok Bebirai o.