YOHANES 12:41 - JANJAI BLAU Lem Bahaso Jang Bebilai

⁴¹ Yesaya madeak awei'o, kerno si bi kemliak kemulioan-Ne ngen bi madeak tetang Si.

YOHANES 12:41 ပူးပေါင်းရင်းမြစ်များ

LUKAS 24:27

Lajau Si jemlas ngen tobo'o jano de tetulis tetang Si lem kute Kiteb Sucai, muloi kunei kiteb-kiteb Musa ngen kute kiteb nebai-nebai.

YOHANES 1:14

Firman'o bi jijai manusio, ngen tinggea neak antaro ite, ngen ite bi kemliak kemulioan-Ne adeba kemulioan de nelei ngen Si sebagoi Anok tunggea Bapa, penuak anugrah ngen de benea.

YOHANES 1:18

Coa suang tun de perneak kemliak Allah; tapi anok Tunggea Allah, de ade neak das balung Bapa, Siba de madeak-Ne.

YOHANES 14:9

Nadeak Yesus ngen Si, “Bi an Uku sesamo udi, Filipus, tapi ko coa namen ngen Uku? Api bae de sudo kemliak Uku, si bi kemliak Bak. Awei ipe ko madeak: ‘Kenten ba Bak o ngen keme’!

YOHANES 5:39

Udi semlidik Kiteb Sucai, sebab udi sako bahwo neak lem-Ne udi temau idup de kekal. Tapi kunyau Kiteb Sucai o melei saksai tetang Uku.

KISAH RASUL-RASUL 10:43

Tetang Siba kute nebai besaksai ngen-Si, bakea dapet apun liwet gen-Ne.”

2 KORINTUS 4:6

Allah de madeak, “Lokba kunei kelem timboa te'ang,” Siba de menea te'ang-Ne becahayo neak lem ateite, supayo ite dapet te'ang kunei pengetahuan tetang kemulioan Allah de keten neak papea Kristus.

IBRANI 1:3

Si adeba cahayo kemuliaan Allah, Siba wujud nyato kunei dirai Allah suang. Siba kulo de miaro keutuhan alam semesta yo ngen sabda-Ne de kembiak bekuaso. Sesudo Si temtau manusio utuk bebas kunei duso-duso tobo'o, Si mipin pemerintahan neak surgo besamo-samo Allah, Penguaso de paling lekat.

1 PETRUS 1:11

Tobo'o semlidik awei ipe ngen tengen hal o bakea terjijai, maksudne adeba Roh Kristus de ade neak lem dirai tobo'o. Pado waktau o Roh-Ne berfirman ngen tobo'o tetang penderitaan-penderitaan de harus nding Kristus ngen tetang keagungan-Ne de bakea semsung sesudo o.

WAHYU 19:10

Uku tukup neak adep malaikat o lok nyembeakne, tapi si madeak ngen uku, “Jibeak! Jibeak nyembeak uku, sembeakba Allah! Sebab uku kulo hamba serai awei ko ngen awei kute saudaronu de bepegong teguh ngen saksai Yesus!” Sebab saksai Yesus do'oba de jijai menea tun-tun de bernubuat.