YOHANES 12:28 - JANJAI BLAU Lem Bahaso Jang Bebilai

²⁸ Bak, de mulio ba gen-Nu!” Lajau temi'uk sa'ei kunei surgo, “Uku bi mulione ngen Uku bakea mulione igai!”

YOHANES 12:28 ပူးပေါင်းရင်းမြစ်များ

MATIUS 11:25

Pado waktau'o Yesus bedu'o, “Bapa, Tuhan de kemuaso lenget ngen bumai! Uku mucep syukur ngen-Ko, kerno kutene'o Ko mresione kunei tun-tun pacok ngen pitar, tapi Ko melei namen ngen tun-tun biaso.

MATIUS 11:26

Do'oba de semnang atei Bak.”

MATIUS 17:5

Waktau Petrus gidong miling embun de kembiak te'ang kemliling tobo'o ngen kunei embun'o teti'uk sa'ei de madeak, “Dioba Anok-Ku de Ku kemasiak, Si semnang atei-Ku. Teniukba Si!”

MATIUS 26:42

Debat igai Yesus beduo, nadeak-Ne, “Au Bak-Ku derita yo mestai Uku temanggung, ngen coa dapet Uku me'uak, kunyauba kelok Bak jijai.”

MATIUS 3:17

Lajau tiukba saei Allah de madeak, “Dioba Anok de Uku kamasiak, Si semnang atei-Ku.”

MARKUS 1:11

Lajau teni'ukba sa'ei kunei surgo, “Ko ba Anok-Ku de Uku kemasiak, ngen Ko ba semnang atei-Ku.”

MARKUS 14:36

Nadeak-Ne, “Au abba, Au Bapa, kute sesuatau mukin bagiak-Nu, mokba caker yo kunei adep-Ku, tapi jibeakba jano de Uku kenlok, seluyen jano de Ko kenlok.”

MARKUS 9:7

Mako tekoba mbun melitas tobo'o ngen kunei mbun'o teni'uk saei, “Dioba anok de Uku kasihi, teni'ukba Si.”

LUKAS 3:22

Roh Allah tu'un moi das Yesus awei burung daro. Lajau teti'uk sa'ei Allah madeak, “Koba Anok-Ku de Uku kemasiak. Ko semnang atei-Ku.”

LUKAS 9:35

Lajau teti'ukba sa'ei kunei lem mbun o, de madeak, “Dioba Anok-Ku de Uku miliak, teni'ukba Si.”

YOHANES 11:4

Tapi waktau Yesus temi'uk bito o, Si madeak, “Olon o coa bakea menea Lazarus jijai matei, tapi bakea tejijai kemulian Allah, supayo liwet olon o anok Allah de mulio.”

YOHANES 18:11

Nadeak Yesus ngen Petrus, “Seno'ong pedangnu o; iso Uku arus menem derito de nelei Bapa ngen-Ku?”

YOHANES 9:3

Jawab Yesus, “Iso si ngen iso kulo tun tuaine, tapi supayo tun nam kemliak kuaso Allah bekerjo neak lem diraine.

EFESUS 2:7

Allah nea o supayo pado zaman de bakea teko, manusio dapet kemliak padeak laine kasih Allah. Kasih o kenten Allah liwet kebaikan atei-Ne ngen ite liwet Yesus Kristus.

EFESUS 3:10

Maksud Allah adeba supayo uyo, liwet jemaat, kute de megong kuaso neak surgo namen kebijaksanaan Allah lem kute mecem bentukne.

EFESUS 3:21

Lokba Allah dimuliakan tu'un temu'un neak lem jemaat, liwet Kristus Yesus. Tepujaiba Allah utuk selamo-lamone. Amin.

2 PETRUS 1:17

Keme berade neak di ketiko Si dihormati ngen diagungkan ngen Allah Bapa. Pado waktau o tetiuk sa'ei kunei De Mahamulio, de madeak ngen-Ne, “Diyoba Anok-Ku de Kukemasiak. Si semnang atei-Ku!”