YOHANES 12:27 - JANJAI BLAU Lem Bahaso Jang Bebilai

²⁷ Atei-Ku temes, “Jano de arus Uku madeak uyo? Jano arus Uku madeak, ‘Bak, senlamat ba Uku kunei saat yo’? Tapi waktau meding saro dioba Uku teko.

YOHANES 12:27 ပူးပေါင်းရင်းမြစ်များ

MATIUS 11:25

Pado waktau'o Yesus bedu'o, “Bapa, Tuhan de kemuaso lenget ngen bumai! Uku mucep syukur ngen-Ko, kerno kutene'o Ko mresione kunei tun-tun pacok ngen pitar, tapi Ko melei namen ngen tun-tun biaso.

MATIUS 11:26

Do'oba de semnang atei Bak.”

MATIUS 26:42

Debat igai Yesus beduo, nadeak-Ne, “Au Bak-Ku derita yo mestai Uku temanggung, ngen coa dapet Uku me'uak, kunyauba kelok Bak jijai.”

MATIUS 26:45

Sesudo'o Si teko ngen penotoa-penotoa-Ne ngen madeak, “Jano udi masiak tidua ngen istirahat ba? Keliak saatne sudo teko! Uyo Anok Manusio bakea semreak moi tangen tun-tun beduso.

LUKAS 22:44

Yesus kembiak saben ngen kembiak sesungguak bedu'o. Eteng-Ne awei daleak temtik moi taneak.]

LUKAS 22:53

Padohal tetiep bilai Uku ade neak tengeak-tengeak udi neak lem Umeak Tuhan, ngen udi coa temakep Uku. Tapi dioba saat udi, ngen dioba kuaso kegelapan o.”

YOHANES 11:41

Tobo'o maket butua o. Lajau Yesus nanggeak moi das ngen madeak, “Bak, Uku mucep syukur ngen Ko, kerno Ko bi temi'uk Uku.

YOHANES 12:23

Nadeak Yesus ngen tobo'o, “Bi sapei waktaune Anok Manusio de mulio.

YOHANES 13:21

Sesudo Yesus madeak awei o, Si jijai ibo, lajau besaksai, “Sesungguakne Uku madeak ngen udi, saleak suang neak antaro udi, bakea semreak Uku.”

YOHANES 18:37

Lajau nadeak Pilatus ngen Si, “Jijai Ko adeba rajo?” Jawab Yesus, “Ko madeak bahwo Uku adeba rajo. Utuk do'o ba Uku laher ngen utuk do'oba Uku teko moi lem dunio yo, supayo Uku melei saksai tetang de benea. Tiep tun de berasal kunei de benea temi'uk sa'ei-Ku.”

1 TIMOTIUS 1:15

Kecek o benea ngen patut tenimo sepenuakne, “Kristus Yesus teko moi dunio yo utuk semlamat tun beduso.” Ngen neak antaro tobo'o ukuba de kembiak beduso.

IBRANI 2:14

Kerno tun-tun de Si senbut anok o, adeba makhluk manusio de dapet matei, mako Yesus suang jijai serai ngen tobo'o, idup lem keadaan manusio. Si menea awei o, supayo ngen mateine Si dapet majua Iblis de kemuaso kematian.

IBRANI 5:7

Pado waktau Yesus idup neak dunio yo, Si bedu'o, bekinoi ngen sungguak-sungguak pado Allah, de sanggup semlamat-Ne kunei matei. Ngen kerno Si tunduk ngen Allah seca'o hormat, mako Si teni'uk.