YOHANES 11:47 - JANJAI BLAU Lem Bahaso Jang Bebilai

⁴⁷ Lajau imem-imem kepalo ngen tun-tun Farisi menok Mahkamah Agamo utuk bepkopoa ngen tobo'o madeak, “Jano de arus ite menea? Sebab tun o menea dau mujizat.

YOHANES 11:47 ပူးပေါင်းရင်းမြစ်များ

MATIUS 26:3

Pado waktau'o pemipin imem-imem ngen pemipin-pemipin Yahudi bekopoa neak umeak lai Imem Lai Kayafas.

MATIUS 5:22

Tapi Uku madeak ngen udi, tiep tun de mengiak ngen tun luyen, bakea senidang; api de mino tun luyen bakea de senidang neak pengadilan agamo Yahudi. Api de madeak, ‘Coa blu'at ngen kidek plepne,’ patut nuang moi opoi nerako.

MARKUS 14:1

Bilai Rayo Paskah ngen Bilai Rayo Ruti Coa Be'agai bakea muloi duai bilai igai. Imem-imem kepalo ngen gu'au-gu'au agamo mesoa dalen utuk temakep ngen munuak Yesus ngen tipu muslihat.

LUKAS 22:2

Imem-imem kepalo ngen gu'au-gu'au agamo mesoa dalen, awei ipe tobo'o dapet munuak Yesus seca'o diem-diem, sebab tobo'o saben ngen tun dau.

YOHANES 11:57

Sementaro o imem-imem kepalo ngen tun-tun Farisi bi melei periteak supayo tiep tun de namen neak ipe Si ade melei namenne, kunyau tobo'o dapet temakep Si.

YOHANES 12:19

Lajau madeak tun-tun Farisi suang ngen de luyenne, “Ko kemliak suang bahwo udi samo sekilai coa berasea, keliakba, kute dunio teko temotoa Si.”

YOHANES 2:11

Hal'o nea Yesus neak Kana de neak Galilea, sebagoi de pertamo kunei. Mujizat-mujizat-Ne ngen'o bi melei bukti kemulioan-Ne. Penotoa-penotoa-Ne pecayo ngen-Si.

YOHANES 6:2

Tun dau beroron temotoa Si, kerno tobo'o kemliak mujizat-mujizat de neane te'adep tun-tun bolon.

YOHANES 7:32

Tun-tun Farisi temi'uk tun dau misik hal-hal o tetang Si, ngen kerno o imem-imem kepalo ngen tun-tun Farisi meluak tukang jago Bait Allah utuk temakep-Ne.

YOHANES 7:45

Sesudo penjago-penjago o belek ngen imem-imem kepalo ngen tun-tun Farisi, de madeak ngen tobo'o, “Getai udi coa mbin-Ne?”

KISAH RASUL-RASUL 5:21

Mako rasul-rasul o temotoa pesen malaikat o. Kekabuk nien tobo'o lalau moi Bait Allah ngen muloi ngajea neak di. Sementaro Imem Lai ngen tobo penotoane teko, lajau menea sidang mahkamah ngen tobo pemipin Yahudi. Sesudo'o tobo'o meluak tun lalau mok rasul-rasul o kunei sel utuk nembin madep tobo'o.

KISAH RASUL-RASUL 5:24

Waktau pemipin pengawal Bait Allah ngen imem-imem kepalo temi'uk laporan o, tobo'o reyeng ngen rasul-rasul o ngen saben ngen jano de bakea tejijai.