YOHANES 11:4 - JANJAI BLAU Lem Bahaso Jang Bebilai

⁴ Tapi waktau Yesus temi'uk bito o, Si madeak, “Olon o coa bakea menea Lazarus jijai matei, tapi bakea tejijai kemulian Allah, supayo liwet olon o anok Allah de mulio.”

YOHANES 11:4 ပူးပေါင်းရင်းမြစ်များ

YOHANES 10:38

Tapi amen Uku kemerjone ngen udi coa lok pecayo ngen Uku, pecayoba ngen kerjo-kerjo o. Supayo udi buliak namen ngen ngertai bahwo Bak neak lem Uku ngen Uku neak lem Bak.”

YOHANES 11:40

Jawab Yesus, “Iso sudo Uku madeak ngen udi: Amen ko pecayo ko bakea kemliak kemulian Allah?”

YOHANES 12:28

Bak, de mulio ba gen-Nu!” Lajau temi'uk sa'ei kunei surgo, “Uku bi mulione ngen Uku bakea mulione igai!”

YOHANES 17:1

Sesudo Awei yo, Yesus nanggeak moi lenget ngen madeak, “Bapa, bi sapei waktau ne; de mulio ba Anok-Nu, supayo Anok-Nu de mulio Ko.

YOHANES 17:10

Kute Uku temuan adeba Bapa temuan ngen Ko temuan adeba Uku temuan, ngen Uku bi de mulio neak lem tobo'o.

YOHANES 17:5

Uyo, au Bapa, mulio ba Uku neak hadirat-Nu suang ngen kemulioan de Uku temuan neak hadirat-Nu ayok dunio ade.

YOHANES 2:11

Hal'o nea Yesus neak Kana de neak Galilea, sebagoi de pertamo kunei. Mujizat-mujizat-Ne ngen'o bi melei bukti kemulioan-Ne. Penotoa-penotoa-Ne pecayo ngen-Si.

YOHANES 5:23

supayo kute tun mego Anok awei tobo'o mego Bapa. Api bae coa mego Anok, si kulo coa mego Bapa, de mutus Si.

YOHANES 8:54

Jawab Yesus, “Amen Uku de mulio dirai-Ku suang, mako kemulio-Ku o didik kulo coa gen taine. Bapa-Ku ba de mulio Uku, tetang api udi madeak: Si adeba Allah keme,

YOHANES 9:24

Lajau tobo'o menok utuk keduai kilaine tun de nanone suati'o. Tobo'o madeak ngen Si, “Nadeakba de benea neak adep Allah; keme namen bahwo tun o tun beduso.”

YOHANES 9:3

Jawab Yesus, “Iso si ngen iso kulo tun tuaine, tapi supayo tun nam kemliak kuaso Allah bekerjo neak lem diraine.

ROMA 11:11

Mako uku betanye: Jano tobo'o tatuk ngen harus us? Coa samo sekilai! Tapi kerno pelanggaran tobo'o, keselamatan bi sapei ngen bangso-bangso luyen, supayo menea tobo'o nyebu'au.

FILIFI 1:11

Idupnu bakea penuak ngen plep de sungguak-sungguak baik de cuma dapet kunei Yesus Kristus suang; mako Allah bakea dimuliakan ngen nujai.

FILIFI 1:20

De uku kebiak lok ngen ma'ep adeba supayo jibeak sapei uku gagal lem tugasku. Sebelekne uku ma'ep supayo tiep saat, terutamo sekilai uyo, uku dapet bersikap binai sehinggo ngen segenep jiwo ragaku – baik uku idup atau matei – Kristus dimuliakan.

1 PETRUS 1:21

Liwet Siba udi pecayo ngen Allah de sudo midup-Ne igai kunei matei ngen mengagungkan-Ne. Jijai, Allahba de udi pecayo ngen Allahba kulo udi mpek harapan.

1 PETRUS 4:11

Tun de semapei bito, harusba semapei bito kunei Allah; tun de mlelayan tun luyen, harusba mlayan ngen kekuatan de kunei Allah, supayo lem kute hal, Allah dapet diagungkan liwet Yesus Kristus. Siba de bekuaso ngen patut diagungkan utuk selamo-lamone. Amin.

1 PETRUS 4:14

Udi butung amen udi nino sebab udi penotoa Kristus. Do'o beartai Roh de mulio, adeba Roh Allah, ade padonu.