YOHANES 11:25 - JANJAI BLAU Lem Bahaso Jang Bebilai

²⁵ Jawab Yesus, “Uku ba de melei idup ngen midup igai tun matei. Api bae de pecayo ngen Uku, si bakea idup kunyau si bi matei.

YOHANES 11:25 ပူးပေါင်းရင်းမြစ်များ

LUKAS 23:43

Nadeak Yesus ngen si, “Uku madeak ngen ko, sesungguakne bilai yo kulo bakea ade sesamo ngen Uku neak lem Firdaus.”

YOHANES 1:4

Lem Si ade idup ngen idup'o adeba te'ang manusio.

YOHANES 14:19

Tegoa igai dunio coa bakea kemliak Uku, tapi udi bakea kemliak Uku sebab Uku idup ngen udi kulo bakea idup.

YOHANES 14:6

Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

YOHANES 3:16

Kerno kembiak lai kasiak Allah bakea dunio yo, sehinggo Si bi melei karunio Anok-Ne de tunggea, supayo tiep tun de pecayo ngen-Si coa benaso, tapi dapet idup de kekal.

YOHANES 3:36

Api bae de pecayo ngen Anok, si dapet idup de kekal. Tapi api bae de coa taat ngen Anok si coa bakea kemliak idup, meluyen murko Allah tep tinggea neak dasne.

YOHANES 5:21

Sebab serai awei Bapa midup igai tun-tun matei, awei yo kulo Anok midup igai api bae de kelok Ne.

YOHANES 5:26

Sebab serai awei Bapa temuan idup lem dirai-Ne suang, awei yo kulo nelei-Ne Anok temuan idup lem dirai-Ne suang.

YOHANES 6:35

Nadeak Yesus ngen tobo'o, “Ukuba ruti de melei idup; api bae de teko ngen Uku, si coa bakea perneak nyemen igai, ngen api bae de pecayo ngen Uku, si coa bakea perneak haus igai.

YOHANES 6:44

Coa ade suang tun de dapet teko ngen Uku, amen si coa tenarik Bapa de mutus Uku, ngen si bakea Uku midup igai pado Bilai Kiamat.

KISAH RASUL-RASUL 3:15

Udi bi munuak perintis kehidupan, tapi Allah bi midup igai Si kunei antaro tun matei, ngen tetang hal o keme adeba saksai.

ROMA 4:17

Awei ade tetulis, “Ko sudo uku menea jijai Bapa dau bangso.” Awei'oba Allah melei janjai o ngen Abraham. Ngen Abraham pecayo ngen-Si. Siba Allah de midup tun matei, Siba kulo Allah de ngen madeak bae menea jano de coa perneak ade jijai ade.

ROMA 8:2

Roh, de melei idup bi mbebas udi lem Kristus kunei hukum duso ngen hukum maut.

1 KORINTUS 15:18

Do'o taine kulo bahwo tun-tun Kristen de sudo ninggea, coa kulo temuan harapan.

1 KORINTUS 15:29

Amen tun matei coa nidup igai, getai ade tun dibaptis utuk tun matei? Utuk jano tobo'o menea hal o? Amen memang tun matei samo sekilai coa bakea nidup igai, utuk jano tobo'o menea hal o?

2 KORINTUS 4:14

Keme yakin bahwo Allah de sudo midup igai Tuhan Yesus, bakea midup keme kulo ngen Yesus, ngen mbin udi ngen keme moi adep-Ne.

FILIFI 1:23

Uku desok kunei duai pihok. Uku lok nien teminggea dunio yo utuk lalau tinggea ngen Kristus, sebab do'oba de kebiak baik;

FILIFI 3:10

Do-done de uku lok adeba supayo uku kemnal Kristus, ngen meding kuaso de midup Si kunei matei. Uku lok milau saro ngen Si ngen jijai serai awei Si lem hal kematian-Ne.

1 TESALONIKA 4:14

Ite pecayo bahwo Yesus bi matei ngen idup igai. Do'o sebabne ite pecayo kulo bahwo Allah bakea midup igai kute tun de pecayo ngen Yesus de sudo ningea, supayo tobo'o idup besamo Si.

WAHYU 1:18

Ukuba Si de idup! Uku bi matei, tapi kemliakba, Uku idup utuk selamo-lamone. Uku bekuaso das matei, ngen das dunio tun matei.

WAHYU 20:5

Dioba tahap pertamo tun-tun matei nidup igai. (Tapi tun-tun matei luyenne coa nidup igai selamo maso seribau taun o.)

WAHYU 21:4

Si bakea musep bioa matai kunei matai tobo'o. Kematian coa bakea ade igai; ibo, tangisan, atau duko cito bakea cigai. Hal-hal de an bi nyep.”

WAHYU 22:1

Malaikat o kulo kemten ngen uku bioa lai de bioane melei kehidupan. Bioa o jeniak awei kristal ngen mengalir kunei takhta Allah ngen Anok Bebirai o.

WAHYU 22:17

Roh Allah ngen Pengaten Selawei madeak, “Maroba!” Tiep tun de temi'uk dio harus kulo madeak, “Maroba!” Api de haus, lokba si teko! Ngen api de kemlok, lokba si mok bioa de melei kehidupan o ngen cuma-cuma.