YOHANES 10:26 - JANJAI BLAU Lem Bahaso Jang Bebilai

²⁶ Tapi udi coa pecayo kerno udi coa temasuk bebirai-Ku.

YOHANES 10:26 ပူးပေါင်းရင်းမြစ်များ

YOHANES 10:27

Bebirai-Ku temi'uk sa'ei-Ku ngen Uku namen tobo'o ngen tobo'o temotoa Uku.

YOHANES 10:4

Amen kute bebiraine bi mbinne moi luea, si paneu neak adep tobo'o ngen bebirai o temotoa-Ne, kerno tobo'o namen sa'eine.

YOHANES 6:37

Kute de bi melei Bapa ngen Uku bakea teko ngen Uku, ngen api bae de teko ngen Uku, si coa bakea Uku muang.

YOHANES 6:65

Lajau Si madeak, “Sebab o bi Uku madeak ngen udi: coa ade suang kulo de dapet teko ngen Uku, amen Bapa coa melei karunione ngen si.”

YOHANES 8:47

Api bae berasal kunei Allah, si temi'uk firman Allah. Do'oba sebabne udi coa temi'ukne, kerno udi coa berasal kunei Allah.”

1 YOHANES 4:6

Tapi ite adeba anok-anok Allah; ngen tun de kemnal Allah, temi'uk kecek ite. Tun de iso de Allah temuan, coa temi'uk kecek ite. Awei'oba ca'one ite namen perbedaan Roh de melei ajaran de benea, ngen roh de menea seset.