YOHANES 10:16 - JANJAI BLAU Lem Bahaso Jang Bebilai

¹⁶ Tapi Uku kulo temuan bebirai de luyen de iso kunei ke'ung yo. Bebirai o arus napeak kulo ngen tobo'o bakea temi'uk sa'ei-Ku ngen tobo'o bakea jijai do klopok ngen do gembala.

YOHANES 10:16 ပူးပေါင်းရင်းမြစ်များ

MATIUS 17:5

Waktau Petrus gidong miling embun de kembiak te'ang kemliling tobo'o ngen kunei embun'o teti'uk sa'ei de madeak, “Dioba Anok-Ku de Ku kemasiak, Si semnang atei-Ku. Teniukba Si!”

LUKAS 15:8

“Atau selawei ipe de temuan puluak caci pirok, lajau si kelnyep do neak antarone, coa midup lapu ngen semupau umeak serto mesoane ngen teliti sapei si temaune?

YOHANES 10:11

Uku ba gembala de baik. Gembala de baik melei nyabaine utuk bebirai ne.

YOHANES 10:2

Tapi api de masuk liwet bang, si adeba gembala de baik.

YOHANES 10:27

Bebirai-Ku temi'uk sa'ei-Ku ngen Uku namen tobo'o ngen tobo'o temotoa Uku.

YOHANES 10:3

Tukang jago ke'ung mukok bang utukne ngen bebirai temi'uk sa'eine ngen si menok bebiraine suang temurut genne ngen mi'ingne moi luea.

YOHANES 10:4

Amen kute bebiraine bi mbinne moi luea, si paneu neak adep tobo'o ngen bebirai o temotoa-Ne, kerno tobo'o namen sa'eine.

YOHANES 10:5

Tapi tobo'o coa bakea lok temotoa tun luyen, tapi tobo'o bakea lalau kunei tun o, kerno coa kemnal sa'ei ne.”

YOHANES 11:52

Iso utuk bangso o bae tapi kulo utuk kemopoa ngen menea jijai do anok-anok Allah de cibea.

YOHANES 17:20

Iso utuk tobo'o bae Uku badu'o, tapi kulo utuk tun-tun de pecayo ngen-Ku liwet saksai tobo'o.

YOHANES 6:37

Kute de bi melei Bapa ngen Uku bakea teko ngen Uku, ngen api bae de teko ngen Uku, si coa bakea Uku muang.

KISAH RASUL-RASUL 15:14

Simon bi cemrito bahwo pado mulone Allah temunjuk rahmat-Ne ngen bangso-bangso luyen, miliak suaktau umat kunei antaro tobo'o bagiak gen-Ne.

KISAH RASUL-RASUL 18:10

Kerno uku semerto ko ngen coa ade suang kulo de bakea menea de kidek ngen ko, kerno dau umat-Ku neak kota yo.”

KISAH RASUL-RASUL 22:14

Lajau nadeakne: ‘Allah ninik puyang te bi temtep ko utuk namen kelok-Ne, utuk kemliak De Benea, utuk temi'uk sa'ei de kelua kunei bibia-Ne.

ROMA 11:25

Sebab, saudaro-saudaro, supayo udi jibeak manggap dirainu pacok, uku lok udi namen resio yo: Pa'o kunei Israel bi jijai telok atei sapei jumleak de penuak kunei bangso-bangso luyen bi masuk.

2 TESALONIKA 2:13

Saudaro-saudaro de Tuhan kasihi! Keme harus bogoa mucep syukur ngen Allah tetang udi, sebab kunei mulone Allah bi miliak udi utuk senlamat lem Roh de semucai udi ngen lem kebenaran de udi pecayo.

IBRANI 13:20

Allah bi midup Tuhan ite Yesus kunei matei. Kerno matei-Ne o Si uyo jijai Gembala Agung bagiak ite, adeba bebirai-bebirai-Ne. Kematian-Ne o kulo mbin igai perjanjian kekal de nea Allah ngen ite.

1 PETRUS 2:10

Bel'o udi iso umat Allah, tapi uyo udi adeba umat Allah. Bel'o udi coa kenasiak Allah, tapi uyo udi temimo belas kasihan-Ne.

1 PETRUS 2:25

Bel'o udi awei bebirai de seset, tapi uyo udi bi nembin igai utuk temotoa Gembala ngen Pemelihara jiwonu.

1 PETRUS 5:4

Pado waktau Gembala Agung o teko konyo, udi bakea temimo mahkota de gemilang, de coa bakea pudea kegemilanganne.

WAHYU 3:20

Keliak! Uku je neak adep bang ngen kemtuk bang. Amen ade tun de temi'uk suaro-Ku, ngen mukok bang, Uku bakea masuk magea si; Uku bakea mukmei besamo-samo si ngen si mukmei besamo-samo Uku.