YOHANES 1:51 - JANJAI BLAU Lem Bahaso Jang Bebilai

⁵¹ Lajau nadeak Yesus ngenne, “Uku madeak ngen udi, sesungguakne ko bakea kemliak lenget tukok ngen malaikat-malaikat Allah kenek tu'un ngen Anok Manusio.”

YOHANES 1:51 ပူးပေါင်းရင်းမြစ်များ

KISAH RASUL-RASUL 7:56

Nadeak Stefanus, “Keliak, uku kemliak kulo surgo tukok ngen Anok Manusio je neak depeak kanen Allah!”

LUKAS 22:43

Mako suang malaikat kunei lenget kemten dirai ngen-Ne utuk kemuet Si.

LUKAS 2:13

Tetibo malaikat o senerto dau malaikat luyen, de mujai Allah. Tobo'o madeak,

MARKUS 14:62

Jawab Yesus, “Uku ba Si, ngen udi bakea kemliak Anok Manusio temot neak depeak kanen de Maho Kuaso ngen teko neak tengeak-tengeak embun-embun neak lenget.”

MARKUS 1:10

Waktau Si keluea kunei bioa, Si kemliak lenget tukok ngen Roh Sucai awei burung daro tu'un moi das-Ne.

MATIUS 3:16

Sesudo dibaptis, Yesus segro keluea kunei lem bio'a. Tibo-tibo lenget tukok ngen Yesus kemliak Roh Sucai kunei Allah tu'un awei burung daro moi das-Ne.

KISAH RASUL-RASUL 10:11

Si kemliak lenget tukok, sesuaktau awei kain de libea nulua moi bumai, tegatung pado kepat sudutne.

LUKAS 3:21

Sesudo dibaptis kute tun o, Yesus dibaptis kulo. Ngen waktau Yesus gidong bedu'o, tukokba lenget.

MATIUS 4:11

Akhirne Iblis teminggea Yesus, ngen malaikat-malaikat teko mlayan Si.

WAHYU 19:11

Sesudo'o uku kemliak surgo tukok, lajau keten dikup kudo putiak. Gen de mbinne adeba De Setia ngen De Benea. Si adea lem mok keputusan ukuman ngen lem peperangan de nea-Ne.

WAHYU 4:1

Sesudo'o uku dapet kemliak igai. Uku kemliak debueak bang tukok neak surgo. Sesudo'o teni'uk igai sa'ei de mulo-mulone bi miling ngen uku awei sa'ei trupet. Sa'ei o madeak, “Maro kenek mio. Uku bakea kemten ngen udi jano de bakea tejijai be.”

2 TESALONIKA 1:7

Ngen udi de uyo yo saro – aweai o kulo ngen keme – Allah bakea melei kelegaan pado bilai Tuhan Yesus tu'un kunei surgo ngen kemten dirai-Ne ngen malaikat-malaikat-Ne de penuak kuaso

LUKAS 2:9

Tetibo malaikat Tuhan kemten diraine ngen tobo'o, ngen cahayo te'ang kunei Tuhan besinea tem'ang tobo'o. Tobo'o kembiak saben.

IBRANI 1:14

Amen awei o, malaikat-malaikat o jano sebeneane? Tobo'o adeba roh-roh de melayan Allah, de neluak Allah utuk temulung tun-tun de bakea tenimo keselamatan.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

YOHANES 10:1

“Sesungguakne Uku madeak ngen udi: Api de masuk moi lem ke'ung bebirai coa liwet bang tapi kenek kunei penan luyen. Si adeba tukang maling ngen perapok:

LUKAS 22:69

Muloi uyo Anok Manusio sudo temot neak depeak kanen Allah De Mahokuaso.”

MATIUS 25:31

“Amen Anok Manusio teko utuk ijai Rajo, kute malaikat-Ne bakea mi'ing Si. Si bakea temot neak penan Si meriteak.

YUDAS 1:14

Henokh, keturunan ketujuak kunei Adam, bel'o perneak bernubuat tetang tun-tun o. Henokh madeak, “Keliak, Tuhan bakea teko ngen beribau-ribau malaikat-Ne de sucai,

2 TESALONIKA 1:9

Tun-tun o bakea temimo hukuman kebinasoan selamo-lamone, nuang moi luea kunei lingkungan Tuhan ngen kunei kuaso-Ne de agung.

YOHANES 14:12

Sesungguakne Uku madeak ngen udi: Api bae de pecayo ngen Uku, si bakea menea kulo kerjo-kerjo de Uku menea, bahkan kerjo-kerjo de lebiak lai kunei o. Sebab Uku lalau ngen Bak.

YOHANES 6:47

Uku madeak ngen udi: Sesungguakne api bae de pecayo, si temuan idup de kekal.

LUKAS 24:4

Sementaro tobo'o je temenung kerno hal o, tetibo ade duai tun je pa'ok tobo'o makei bajau de becahayo.

MATIUS 26:24

Anok Manusio bakea matei, awei de tetulis neak lem kiteb. Tapi celakoba tun de semreak Anok Manusio! Adeba lebiak baik utuk tun'o sekirone si coa nlaher.”

YOHANES 21:18

Sesungguakne Uku madeak ngen udi: Waktau ko masiak uai ko meket pinggangnu suang ngen paneu moi ipe bae ko kenlok, tapi amen ko bi tuai, ko bakea mulua tangennu ngen tun luyen bakea meket ko ngen mbin ko moi penan de coa ko kenlok.”

YOHANES 8:51

Sesungguakne Uku madeak ngen udi: Api bae temotoa firman-Ku, si coa bakea meding maut sapei keke'anne.”

YOHANES 6:32

Lajau nadeak Yesus ngen tobo'o, “Sesungguakne Uku madeak ngen udi, iso Musa, seluyen Bapa-Ku de melei udi ruti kunei surgo ngen ko.

YOHANES 3:5

Jawab Yesus, “Sesungguakne Uku madeak ngen ko: amen suang tun coa laher kunei bioa ngen Roh, si coa dapet jijai anggota umat Allah.

YOHANES 16:20

Sesungguakne Uku madeak ngen udi: Udi bakea ngindoi ngen ngibo, tapi dunio bakea riang; udi bakea ibo, tapi ibonu bakea bubeak jijai riang.

YOHANES 13:16

Sesungguakne Uku madeak ngen udi: Suang pelayan coa ba lebiak lekat kunei Tuan ne, suang utusan coa lebiak lai kunei pado de mutusne.

YOHANES 10:7

Kerno o Yesus madeak igai, “Sesungguakne Uku madeak ngen udi; Ukuba bang kunei bebirai o.

YOHANES 6:53

Mako nadeak Yesus ngen tobo'o, “Uku nadeak ngen udi, sesungguakne amen udi coa mbuk daging Anok Manusio ngen menem daleak-Ne, udi coa temuan idup neak lem dirainu.

YOHANES 5:27

Si bi melei kuaso ngen Si utuk mukum, kerno Si adeba Anok Manusio.

YOHANES 5:19

Mako Yesus jemawab tobo'o, nadeak-Ne, “Sesungguakne Uku madeak ngen udi, Anok coa dapet kemerjo sesuatau kunei dirai-Ne suang, amen Si coa dapet kemliak Bapa kemerjone. Sebab, jano de kenerjo Bapa, kenerjo Anok.

YOHANES 3:3

Yesus jemawab, “Sesungguakne Uku madeak ngen udi amen suang tun coa laher igai, si coa dapet jijai anggota umat Allah.”

MATIUS 9:6

Tapi uyo Uku bakea melei tando ngen ko bahwo neak bumai yo Anok Manusia temuan kuaso utuk mapun duso.” Lajau Yesus madeak ngen tun lupuak'o, “Klongonba, naket tikeanu ngen belekba!”

MATIUS 8:20

Yesus jemawab, “Serigala temuan lubang ngen burung temuan sa'ang, tapi anok manusio coa temuan penan Si tidua.”

YOHANES 16:23

Pado bilai o udi coa bakea temanye jejano ngen Uku. Sesungguakne Uku madeak ngen udi: Kute sesuaktau de udi minoi ngen Bapa lem gen-Ku bakea nelei-Ne.

YOHANES 13:38

Jawab Yesus, “Nyabainu bakea ko melei utuk-Ku? Sesungguakne Uku madeak ngen udi: Ayok monok bekokok, ko bi muker Uku telau kilai.”

YOHANES 8:58

Nadeak Yesus ngen tobo'o, “Sesungguakne Uku madeak ngen udi, ayok Abraham ade, Uku bi ade.”

YOHANES 8:34

Padeak Yesus ngen tobo'o, “Sesungguakne Uku madeak ngen udi, tiep tun de menea duso, adeba hamba duso.

YOHANES 6:26

Yesus jemawab, “Sesungguakne Uku madeak ngen udi, udi mesoa Uku iso kerno udi bi kemliak mujizat-mujizat, tapi kerno ko bi mbuk ruti o sapei kenyang.

YOHANES 1:50

Yesus madeak, “Jano kerno Uku madeak ngen udi: Uku kemliak ko neak beak pun ara, mako ko pecayo? Ko bakea kemliak hal-hal de lebiak lai kunei'o!”