YOHANES 1:45 - JANJAI BLAU Lem Bahaso Jang Bebilai

⁴⁵ Filipus magea Natanael ngen madeak ngen si, “Keme bi temau Si, de nadeak Musa ngen Kiteb Taurat ngen tobo nebai. Siba Yesus, anok Yusuf kunei Nazaret.”

YOHANES 1:45 ပူးပေါင်းရင်းမြစ်များ

MATIUS 10:3

Sudo'o Filipus ngen Bartolomeus, Tomas ngen Matius penagiak pajak, Yakobus anok Alfeus ngen Tadeus,

MATIUS 13:55

Iso Si anok tukang keyew? Iso si Mariam'o mak-Ne; ngen pasuak-pasuak-Ne adeba Yakobus, Yusuf, Simon ngen Yudas?

MATIUS 2:23

Neak di, si tinggea neak kota Nazaret. Hal'o tejijai awei de nadeak nebai-nebai tetang Anok'o: “Si bakea senbut Tun Nazaret.”

MATIUS 21:11

“Siba Nebai Yesus kunei Nazaret neak Galilea,” tun dau de mi'ing Yesus jemawab.

MARKUS 14:67

Ngen ketiko selawei'o kemliak Petrus dong bediang, si kemliak papeane ngen madeak, “Ko kulo bogoa besamo-samo Yesus, tun Nazaret'o.”

MARKUS 6:3

Si dio anok tukang kieu, anok Maria, ngen pasuak Yakobus, Yoses, Yudas ngen Simon? Iso pasuak-pasuak-Ne de selawei ade neak yo besamo ite?” Lajau tobo'o coa temimo Si.

LUKAS 18:37

Nadeak tun ngen si, “Yesus tun Nazaret liwet.”

LUKAS 2:4

Yusuf kulo lalau kunei kota Nazaret neak Galilea moi Yudea, neak kota Daud de genne Betlehem, – kerno si asalne kunei keluargo ngen royot Daud.

LUKAS 2:48

Tun tuai-Ne indeak kemlik Si. Indok-Ne madeak ngen si, “Nok, getai ko menea yo ngen keme? Tiak-Nu ngen indok-Nu temes mesoa ko!”

LUKAS 24:27

Lajau Si jemlas ngen tobo'o jano de tetulis tetang Si lem kute Kiteb Sucai, muloi kunei kiteb-kiteb Musa ngen kute kiteb nebai-nebai.

LUKAS 24:44

Si madeak ngen tobo'o, “Dioba padeak-Ku, de bi Kunadeak ngen udi ketiko Uku masiak sesamo ngen udi, adeba bahwo arus genep kute de ade tetulis tetang Uku lem kiteb Taurat Musa ngen kiteb nebai-nebai ngen kiteb Mazmur.”

LUKAS 3:23

Waktau Yesus muloi bekerjo, Si be'omor kekiro telau puluak taun ngen temurut pedapet tun, Si adeba anok Yusuf, anok Eli,

LUKAS 4:22

Ngen kute tun o demukung Yesus, tobo'o sele ngen kecek-kecek de ba'es de nucep Yesus, lajau nadeak tobo'o, “Iso Yesus yo anok Yusuf?”

YOHANES 1:44

Filipus asalne kunei Betsaida, penan tinggea Andreas ngen Petrus.

YOHANES 12:21

Tun-tun o lalau ngen Filipus, de berasal kunei Betsaida neak Galilea, lajau madeak ngen si, “Tuan, keme lok temau ngen Yesus.”

YOHANES 14:8

Nadeak Filipus ngen Yesus, “Tuhan, kentenba Bak o ngen keme, do'o bi cukup utuk keme.”

YOHANES 18:5

Jawab tobo'o, “Yesus kunei Nazaret.” Nadeak-Ne ngen tobo'o, “Uku ba Si.” Yudas de mianat Si je kulo neak di besamo-samo tobo'o.

YOHANES 18:7

Lajau Si betanye igai ngen tobo'o, “Api de udi mesoa?” Nadeak tobo'o, “Yesus kunei Nazaret.”

YOHANES 19:19

Pilatus meluak mpek kulo tulisan neak das kieu salib o, sa'eine, “Yesus Tun Nazaret, Rajo Tun Yahudi.”

YOHANES 21:2

Neak patoi o kopoa Simon Petrus, Tomas de senbut Didimus, Natanael kunei Kana de neak Galilea, anok-anok Zebedeus ngen duai tun penotoa-Ne de luyen.

YOHANES 6:42

Nadeak tobo'o, “Iso Si yo Yesus, Anok Yusuf. Indok bak-Ne ite namen? Awei ipe Si dapet madeak: Uku bi tu'un kunei surgo?”

YOHANES 6:5

Ketiko Yesus demnong sekeliling-Ne, ngen kemliak bahwo tun dau beroron teko ngen Si, madeak ba Si ngen Filipus, “Neak ipe ite dapet mukua kembuk, supayo tobo'o dapet mukmei?”

YOHANES 6:7

Jawab Filipus, “Ruti gone duai otos dinar coa bakea cukup utuk tobo'o, debat bae masing-masing dapet degit.”

KISAH RASUL-RASUL 10:38

Udi namen bahwo Allah bi miliak Yesus tun Nazaret o, melei namen ngen-Si Roh Sucai ngen kuaso. Udi namen kulo bahwo Yesus o lalau moi ipe bae utuk menea baik, Si kemaen kute tun de kenuaso Iblis, kerno Allah semerto Si.

KISAH RASUL-RASUL 2:22

Hoi tun-tun Israel! Temi'ukba kecek yo: Yesus kunei Nazaret adeba tun de sudo tentau Allah ngen dinyatakan ngen ko. Ngen kekuatan-kekuatan ngen mujizat ngen tando-tando ajaib de menea Allah liwet Si. Neak tengeak-tengeak ko, awei de ko namen.

KISAH RASUL-RASUL 22:8

Uku jemawab: ‘Api Ko, Tuan?’ Nadeak-Ne: ‘Ukuba Yesus, tun Nazaret, de ko sikso o.’

KISAH RASUL-RASUL 26:9

Awei ipe kulo, uku suang perneak sako bahwo uku harus betindak teges utuk temtang Yesus kunei Nazaret o.

KISAH RASUL-RASUL 3:6

Tapi Petrus madeak, “Mas ngen pirok coa ade ngen uku, tapi jano de uku temuan, uku nelei ngenko: Ngen kuaso Yesus Kristus tun Nazaret o, paneuba!”