YOHANES 1:19 - JANJAI BLAU Lem Bahaso Jang Bebilai

¹⁹ Dioba saksai Yohanes ketiko tun Yahudi kunei Yerusalem mutus kekedau imem ngen tun-tun Lewi ngen si utuk temanye si, “Api Ko?”

YOHANES 1:19 ပူးပေါင်းရင်းမြစ်များ

YOHANES 1:7

Si teko sebagoi saksai utuk jijai saksai tetang te'ang'o, supayo liwet si kute tun jijai pecayo.

YOHANES 10:24

Lajau tun-tun Yahudi gemlung Yesus ngen madeak ngen Si, “Kedau ke'an igai Ko munyau keme ragau-ragau? Amen Ko Rajo Penyelamat, nadeakba de benea ngen keme.”

YOHANES 10:31

Debat igai tun-tun Yahudi mok butau utuk meluk Yesus.

YOHANES 11:19

Dau tun Yahudi bi teko ngen Marta ngen Maria utuk mibur tobo'o kerno pasuakne matei.

YOHANES 2:18

Tobo penguaso Yahudi temtang Yesus, nadeakne, “Tando jano de dapet udi temunjuk ngen keme, bahwo Ko berhok menea awei yo?”

YOHANES 2:20

Lajau madeak tun Yahudi ngen Si, “Pat puluak enum taun tun temgok Bait Sucai yo. Ngen Ko dapet temgokne cuma lem telau bilai?”

YOHANES 5:10

Kerno o tobo penguaso Yahudi madeak ngen tun de tembei ka'en o, “Bilai yo bilai Sabat ngen ko coa buliak maket tikeanu.”

YOHANES 5:15

Tun o keluea, lajau cemrito ngen tobo penguaso Yahudi, bahwo Yesusba de sudo kema'en si.

YOHANES 5:16

Kerno o, tobo penguaso Yahudi berusaho semaro Yesus, kerno Si menea hal-hal o pado bilai Sabat.

YOHANES 5:18

Sebab o tobo penguaso Yahudi tambeak berusaho utuk munuak Si, iso bae kerno Si melanggea peraturan Sabat, tapi pulo kerno Si madeak bahwo Allah adeba Bapa-Ne suang. Ngen awei yo si semrai dirai-Ne ngen Allah.

YOHANES 6:41

Lajau ngerunyam ba tun Yahudi tetang Si, kerno Si bi madeak, “Ukuba ruti de sudo tu'un kunei surgo.”

YOHANES 6:52

Tun-tun Yahudi kulo betekea antaro sesamo tobo'o ngen madeak, “Awei ipe Si yo dapet melei dagingne ngen ite utuk nembuk.”

YOHANES 7:1

Sesudo'o Yesus paneu keliling Galilea, sebab Si coa lok tep tinggea neak Yudea, kerno neak yo tun-tun Yahudi berusaho utuk munuak-Ne.

YOHANES 7:11

Tobo penguaso Yahudi mesoa Si neak pesta o ngen madeak, “Neak ipe Si?”

YOHANES 7:15

Tobo penguaso Yahudi meding selle ngen madeak, “Awei ipe tun yo temuan pengetahuan awei yo ngen coa belajea?”

YOHANES 8:22

Kerno o padeak tobo penguaso Yahudi o, “Jano si lok beladeu mako de nadeak-Ne: ‘Moi penan uku lalau, coa mukin udi teko?’ ”

YOHANES 8:48

Tobo penguaso Yahudi jemawab Yesus, “Jano ba benea amen keme madeak bahwo Ko tun Samaria ngen pasuk semat?”

YOHANES 8:52

Nadeak tun-tun Yahudi ngen Si, “Uyo keme namen bahwo Ko pasuk semat. Sebab Abraham sudo matei ngen awei yo kulo nebai-nebai. Tapi Ko madeak, ‘Api bae de temotoa firman-Ku, si coa bakea meding maut sapei keke'anne.’

YOHANES 8:57

Lajau nadeak tobo penguaso Yahudi o ngen Si, “Omor-Nu ati lemo puluak taun ngen Ko bi kemliak Abraham?”

KISAH RASUL-RASUL 13:25

Waktau Yohanes ayok selesei kemerjo tugasne, si madeak, ‘Sakonu uku yo api? Uku iso Si. Sesungguakne Si bakea teko sesudo uku. Mukok tilai sepatu-Ne bae uku coa patas.’

KISAH RASUL-RASUL 19:4

Paulus madeak, “Baptisan Yohanes adeba baptisan tobat, si madeak ngen tun dau bahwo tobo'o harus pecayo ngen Si de teko sesudo kunei padone, adeba Yesus.”

1 YOHANES 1:5

Dioba bito de sudo keme temi'uk kunei Anok-Ne ngen de keme melei namen ngen udi: Allah o te'ang, ngen Si coa ade kegelapan samo sekilai.