YOHANES 1:16 - JANJAI BLAU Lem Bahaso Jang Bebilai

¹⁶ Kerno kunei kepenuhan-Ne ite kute bi tenimo anugrah demi anugrah.

YOHANES 1:16 ပူးပေါင်းရင်းမြစ်များ

MATIUS 13:12

Kerno'o tun bi temuan, bakea nelei lebiak dau igai, ngen si bakea nelei ngen melipeak. Tapi tun de coa temuan jano-jano, mako didik de ade ngen si bakea nemok.

MATIUS 3:11

Uku membaptis udi ngen bio'a betando udi bi tobat kunei duso-duso, tapi Si de bakea teko sesudo uku, bakea membaptis Udi ngen opoi ngen Roh Sucai kunei Allah. Si lebiak bekuaso kunei uku. Utuk mbin sepatu-Ne bae uku coa patas.

MATIUS 3:14

Tapi Yohanes cemubo temgeak kinoi Yesus. Yohanes madeak, “Ukuba seharusne dibaptis ngen Bak. Uyo malah Bak de teko ngen uku.”

LUKAS 21:15

Sebab Uku suang bakea melei ngen udi kecek-kecek bijaksana, sehinggo udi coa dapet nelawen ngen nebantah lawen-lawennu.

YOHANES 3:34

Sebab api de nutus Allah, Siba de senapei Firman Allah, kerno Allah melei karunio Roh-Ne ngen ade batas.

ROMA 5:17

Sebab, amen kerno duso do tun, maut bi be kuaso kerno do tun o, mako lebiak benea igai tobo'o, de sudo temimo kelimpahan kasih karunia ngen anugrah kebenaran, bakea idup ngen bekuaso kerno do tun o, adeba Yesus Kristus.

ROMA 5:2

Kerno ite percayo ngen Yesus, mako ite kulo dapet kasih karunio kunei Allah. Neak lem kasih karunio yo, ite idup ngen bangga lem pengharapan ngen temimo kemulioan Allah.

ROMA 5:20

Tapi hukum agamo Yahudi tenambeak, supayo pelanggaran jijai tambeak dau; ngen neak ipen duso tambeak dau, neak di kasih karunia jijai berlimpah.

ROMA 8:9

Tapi udi coa idup lem tabi'at manusio, tapi lem Roh, amen nien Roh Allah diem neak lem udi. Tapi amen tun coa temuan Roh Kristus, si iso de Kristus temuan.

EFESUS 1:23

Jemaat adeba awok Kristus, jijai sempurno ngen Si de jemijai sempurno kute sesuaktau neak ipe bae.

EFESUS 3:19

de ngen akea manusio coa dapet naham nien. Semoga udi namen kasiak Kristus o, sehinggo udi penuak ngen kepribadian Allah de sempurno.

KOLOSE 1:19

Allah suangba de kemlok supayo kute sesuaktau de ade neak dirai Allah, ade kulo neak dirai Anok-Ne.

KOLOSE 2:3

Kristusba de kemten kute kebijaksanaan ngen pengetahuan Allah de bel'o coa keten.

1 PETRUS 1:11

Tobo'o semlidik awei ipe ngen tengen hal o bakea terjijai, maksudne adeba Roh Kristus de ade neak lem dirai tobo'o. Pado waktau o Roh-Ne berfirman ngen tobo'o tetang penderitaan-penderitaan de harus nding Kristus ngen tetang keagungan-Ne de bakea semsung sesudo o.