YOHANES 1:14 - JANJAI BLAU Lem Bahaso Jang Bebilai

¹⁴ Firman'o bi jijai manusio, ngen tinggea neak antaro ite, ngen ite bi kemliak kemulioan-Ne adeba kemulioan de nelei ngen Si sebagoi Anok tunggea Bapa, penuak anugrah ngen de benea.

YOHANES 1:14 ပူးပေါင်းရင်းမြစ်များ

LUKAS 2:11

Bilai yo bi laher utuk udi juruselamat, adeba Kristus, Tuhan, neak kota Daud.

LUKAS 2:7

Si melaher suang anok semanei, anokne de tuai, lajau nukusne ngen kain ngen nulikne neak lem palungan, kerno coa ade penan temalem utuk tobo'o.

LUKAS 9:32

Pado waktau o Petrus ngen kekuatne bi tetidua, tapi tetibo klongon, ngen kemliak Yesus becahayo ngen duai tun o je ngen Si.

YOHANES 1:1

Pado mulone ade Firman; Firman'o besamo-samo ngen Allah ngen Firman'o adeba Allah.

YOHANES 11:40

Jawab Yesus, “Iso sudo Uku madeak ngen udi: Amen ko pecayo ko bakea kemliak kemulian Allah?”

YOHANES 14:6

Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

YOHANES 14:9

Nadeak Yesus ngen Si, “Bi an Uku sesamo udi, Filipus, tapi ko coa namen ngen Uku? Api bae de sudo kemliak Uku, si bi kemliak Bak. Awei ipe ko madeak: ‘Kenten ba Bak o ngen keme’!

YOHANES 17:22

Uku bi melei ngen tobo'o kemulio de Ko melei ngen-Ku, supayo tobo'o jijai do, serai awei Ite adeba do.

YOHANES 17:24

Au Bapa, Uku lok supayo, neak ipe bae Uku ade, tobo'o kulo ade sesamo ngen Uku, tobo'o de sudo Ko melei ngen-Ku, supayo tobo'o kemliak kemulio-Ku de sudo Ko melei ngen-Ku, sebab Ko bi mengasiak Uku ayok dunio jenijai.

YOHANES 18:37

Lajau nadeak Pilatus ngen Si, “Jijai Ko adeba rajo?” Jawab Yesus, “Ko madeak bahwo Uku adeba rajo. Utuk do'o ba Uku laher ngen utuk do'oba Uku teko moi lem dunio yo, supayo Uku melei saksai tetang de benea. Tiep tun de berasal kunei de benea temi'uk sa'ei-Ku.”

YOHANES 2:11

Hal'o nea Yesus neak Kana de neak Galilea, sebagoi de pertamo kunei. Mujizat-mujizat-Ne ngen'o bi melei bukti kemulioan-Ne. Penotoa-penotoa-Ne pecayo ngen-Si.

YOHANES 3:16

Kerno kembiak lai kasiak Allah bakea dunio yo, sehinggo Si bi melei karunio Anok-Ne de tunggea, supayo tiep tun de pecayo ngen-Si coa benaso, tapi dapet idup de kekal.

YOHANES 3:18

Api bae de pecayo ngen-Si, si coa bakea nukum. Api bae de coa pecayo, si bi ade neak hukuman, sebab si coa pecayo ngen Anok Tunggea Allah.

YOHANES 6:51

Uku ba ruti de melei idup de sudo tu'un kunei surgo. Amen suang tun mbuk ruti yo, si bakea idup seka'en ne, ngen ruti de bakea Uku melei o adeba daging-Ku, de bakea uku melei utuk idup dunio.”

YOHANES 8:32

Ngen udi bakea namen kebenea ngen kebenea o bakea mbebas udi.”

KISAH RASUL-RASUL 13:33

bi nea Allah ngen ite, royot tobo'o, ngen midup igai Yesus. Awei de tetulis lem Mazmur keduai, ‘Ko ba Anok-Ku! Uku bi jijai Bapa-Nu pado bilai yo.’

ROMA 8:3

Sebab jano de coa mukin nea hukum agamo Yahudi kerno ite manusio lemah, bi nea Allah. Ngen mbo Anok-Ne su'ang lem tabi'at manusio, de serai ngen manusio de beduso, utuk mapus duso.

ROMA 9:5

Tobo'o adeba royot bapa-bapa leluhur, de tumu'un Kristus lem keadaan-Ne sebagai manusio, de ade neak das kute sesuaktau. Si adeba Allah de harus nujai sapei selamo-lamone. Amin!

1 KORINTUS 15:47

Adam de pertamo jenijai kunei pitok, tapi Adam de keduai asalne kunei surgo.

2 KORINTUS 12:9

Tapi Tuhan jemawab, “Cukupba anugerah-Ku bagiaknu, sebab justru lem kelemahanba kuaso-Ku jijai sempurno.” Sebab o, uku lebiak galok ombong das kelemahanku, supayo kuaso Kristus tu'un moi uku.

GALATIA 4:4

Tapi sesudo genep waktaune, mako Allah mutus Anok-Ne de laher kunei suang selawei de idup neak beak kuaso hukum agamo.

EFESUS 3:8

Neak antaro kute umat Allah, ukuba de kebiak hino. Tapi Allah melei karunio o ngen uku, utuk melei namen ngen tun-tun iso Yahudi Bito Baik tetang kekayaan Kristus de coa pakei abis,

KOLOSE 1:19

Allah suangba de kemlok supayo kute sesuaktau de ade neak dirai Allah, ade kulo neak dirai Anok-Ne.

KOLOSE 2:3

Kristusba de kemten kute kebijaksanaan ngen pengetahuan Allah de bel'o coa keten.

KOLOSE 2:9

Sebab kute kepribadian Allah ade lem Kristus, adeba lem kemanusiaan-Ne.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

IBRANI 1:3

Si adeba cahayo kemuliaan Allah, Siba wujud nyato kunei dirai Allah suang. Siba kulo de miaro keutuhan alam semesta yo ngen sabda-Ne de kembiak bekuaso. Sesudo Si temtau manusio utuk bebas kunei duso-duso tobo'o, Si mipin pemerintahan neak surgo besamo-samo Allah, Penguaso de paling lekat.

IBRANI 1:5

Coa perneak Allah madeak awei yo ngen suang malaikat. “Koba Anok-Ku; pado bilai yo Uku jijai Bapa-Nu.” Coa perneak kulo Allah madeak awei yo tetang malaikat ipe bae, “Uku bakea jijai Bapa-Ne, Si bakea jijai Anok-Ku.”

IBRANI 10:5

Do'oba sebabne waktau Kristus masuk moi dunio, Si madeak ngen Allah, “Ko coa lok kurban ngen persembahan; sebelekne Ko bi semiap awok utuk-Ku.

IBRANI 2:11

Yesus semucai manusio kunei duso-duso tobo'o; Si de semucai, serto tobo'o de senucai o, samo-samo temuan do Bapa. Do'oba sebabne Yesus coa selek makau tobo'o sebagai saudaro-saudarone.

IBRANI 5:5

Awei o kulo Kristus. Si coa maket dirai suang jijai Imem Lai. Allah suangba de maket Si. Allah madeak ngen-Si, “Koba Anok-Ku; pado bilai yo Uku jijai Bapa-Nu.”

1 YOHANES 4:14

Keme suang bi kemliak Anok Allah, ngen keme melei namen bahwo Si nutus Bapa utuk jijai Rajo Penyelamat dunio yo.

1 YOHANES 4:9

Allah madeak bahwo Si mengasiak ite ngen mutus Anok-Ne de tunggea moi lem dunio supayo ite dapet idup liwet Anok-Ne o.

2 YOHANES 1:7

Dau penyesat bi teko ngen lalau moi kute dunio, tobo'o adeba tun-tun de coa makau bahwo Yesus Kristus teko moi dunio sebagai su'ang manusio. Tun de awei o adeba penyesat, ngen musuak Kristus.

WAHYU 19:13

Jubah de nakei-Ne bi ndem lem daleak. Ngen Si de senbut “Firman Allah”.

WAHYU 21:3

Lajau uku temi'uk sa'ei de kembiak lek kunei takhta o madeak, “Uyo penan tinggea Allah adeba besamo-samo ngen manusio! Si bakea idup ngen tobo'o, ngen tobo'o bakea jijai umat-Ne. Allah suang bakea ade ngen tobo'o ngen jijai Allah tobo'o.