YOHANES 1:12 - JANJAI BLAU Lem Bahaso Jang Bebilai

¹² Tapi kute tun de temimo Si neleine kuaso supayo jijai anok-anok Allah, adeba tobo'o de pecayo lem gen-Ne.

YOHANES 1:12 ပူးပေါင်းရင်းမြစ်များ

MATIUS 10:40

“Tun de temimo udi temimo Uku, ngen tun de temimo de mutusku, Uku temimo Si.

MATIUS 12:21

Kute bangso bakea berharap ngen-Si.”

MATIUS 18:5

Ngen tun de temimo anok de awei yo kerno Uku, taine temimo Uku.”

YOHANES 1:11

Si teko ngen temuan-Ne, tapi tun-tun temuan-Ne o coa temimo Si.

YOHANES 1:7

Si teko sebagoi saksai utuk jijai saksai tetang te'ang'o, supayo liwet si kute tun jijai pecayo.

YOHANES 11:52

Iso utuk bangso o bae tapi kulo utuk kemopoa ngen menea jijai do anok-anok Allah de cibea.

YOHANES 2:23

Sementaro Si neak Yerusalem selamo Bilai Rayo Paskah, dau tun pecayo lem gen-Ne, kerno tobo'o bi kemliak tando-tando mujizat de nadeak-Ne.

YOHANES 20:31

Tapi hal-hal yo bi cenatet, supayo udi pecayo bahwo Yesusba Rajo Penyelamat, Anok Allah, ngen supayo kerno pecayo, udi dapet idup lem gen-Ne.

YOHANES 3:18

Api bae de pecayo ngen-Si, si coa bakea nukum. Api bae de coa pecayo, si bi ade neak hukuman, sebab si coa pecayo ngen Anok Tunggea Allah.

KISAH RASUL-RASUL 3:16

Kerno kepercayaan ngen Gen Yesus, mako Gen o kemuet tun de udi kemliak ngen kemnal yo; kepercayaan o bi melei tun yo ka'en neak adep udi kutene.

ROMA 8:14

Kute tun, de nipin Roh Allah, adeba anok-anok Allah.

ROMA 8:16

Roh o saksai besamo-samo ngen roh ite, bahwo ite adeba anok-anok Allah.

ROMA 8:19

Sebab ngen kembiak indau kute makhluk mbot waktaune anok-anok Allah kenten.

GALATIA 3:26

Sebab udi kute adeba anok-anok Allah liwet imen neak lem Yesus Kristus.

GALATIA 4:6

Kerno udi adeba anok, mako Allah bi meluak Roh Anok-Ne moi lem atei te, de menggang, “Ya Abba, ya Bapa!”

KOLOSE 2:6

Udi bi temimo Kristus Yesus, Tuhan ite. Kerno'o lokba idupnu tep neak lem Si.

2 PETRUS 1:4

Ngen ca'o do'oba Allah melei anugerah ngen ite berkat-berkat de kembiak luea biaso ngen bego de sudo jenanjai-Ne. Ngen berkat-berkat o udi dapet mbebas udi kunei kelok-kelok kidek de musak neak dunio yo, ngen udi temimo sifet ilahi.

1 YOHANES 3:1

Kemliakba Allah kembiak mengasiak ite, sehinggo ite senbut anok-anok Allah. Memang ite adeba anok-anok Allah. Do'oba sebabne dunio de kidek yo coa kemnal ite, sebab dunio coa kemnal Allah.

1 YOHANES 3:10

Dioba bedane anok-anok Allah ngen anok-anok Iblis: api de coa menea kelok Allah, atau coa mengasiak saudarone, si iso Anok Allah.

1 YOHANES 3:2

Saudaro-saudaro de tecito! Ite uyo adeba anok-anok Allah, tapi keadaan ite be ati jelas. Tapi ite namen bahwo amen Kristus teko, ite bakea jijai awei Si, sebab ite bakea kemliak Si lem keadaan-Ne de sebeneane.

1 YOHANES 3:23

De Si periteak ngen ite adeba: Ite harus pecayo ngen Anok-Ne, adeba Yesus Kristus, ngen ite harus sesamo mengasiak, awei de sudo neriteak Kristus ngen ite.