YOHANES 1:10 - JANJAI BLAU Lem Bahaso Jang Bebilai

¹⁰ Firman bi ade neak lem dunio ngen dunio jenijei liwet Si, tapi dunio coa kemnal Si.

YOHANES 1:10 ပူးပေါင်းရင်းမြစ်များ

MATIUS 11:27

Lajau Yesus madeak, kute bi senreak Bak utuk-Ku, “Coa su'ang tun kemnal Anok seluyen Bak. Coa gen kulo de kemnal Bak seluyen Anok ngen tun-tun de niliak Anok'o utuk nelei namen api sebeneane Bak.

YOHANES 1:11

Si teko ngen temuan-Ne, tapi tun-tun temuan-Ne o coa temimo Si.

YOHANES 1:18

Coa suang tun de perneak kemliak Allah; tapi anok Tunggea Allah, de ade neak das balung Bapa, Siba de madeak-Ne.

YOHANES 1:3

Kute sesuatau jenijai ngen Si coa gen Si coa ade suatu kulo de sudo jijai kunei kute de sudo jenijai.

YOHANES 1:5

Te'ang'o becahayo lem kelem ngen kelem'o coa nguasone.

YOHANES 17:25

Au Bapa de adea, memang dunio coa kemnal Ko, tapi Uku kemnal Ko, tobo'o namen bahwo Ko ba de sudo mutus Uku.

YOHANES 5:17

Tapi Si madeak ngen tobo'o, “Bapa-Ku kerjo sapei uyo, mako Uku kerjo kulo.”

KISAH RASUL-RASUL 14:17

Tapi si iso coa melei bukti tetang dirai-Ne ngen bebagoi plep baik, adeba temu'un ujen kunei lenget ngen melei musim-musim subur utuk udi. Si melei kembuk ngen semnang atei nu.”

1 KORINTUS 1:21

Kerno awei ipe pacokne manusio, si coa dapet kemnal Allah liwet kepacokne suang. Tapi kerno Allah bijaksana, mako Si lok semlamat tun-tun de pecayo ngen-Si liwet bito de keme melei namen de nanggap coa benea liwet dunio.

1 KORINTUS 2:8

Coa suang kulo kunei penguaso-penguaso zaman yo de namen tetang kebijaksanaan o. Sebab, seandaine tobo'o bi namenne, paset bae tobo'o coa bakea semalib Tuhan de mulio o.

1 KORINTUS 8:6

Tapi bagiak ite, Allah cuma do. Si Bapa de menea kute sesuaktau. Utuk Siba ite idup. Tuhan cuma do kulo, adeba Yesus Kristus. Liwet Si kutene nea, kerno Siba mako ite idup.

KOLOSE 1:16

Sebab liwet Siba Allah menciptakan kute sesuaktau neak surgo ngen de neak bumai, kute sesuaktau de keten ngen de coa keten, termasuk kulo kute roh de bekuaso ngen de mriteak. Kute alam yo diciptakan liwet Kristus ngen utuk Kristus.

IBRANI 11:3

Kerno berimen, mako ite ngertai bahwo alam yo jenijai ngen Firman Allah; jijai, jano de dapet kenliak, tejijai kunei jano de coa dapet kenliak.

1 YOHANES 3:1

Kemliakba Allah kembiak mengasiak ite, sehinggo ite senbut anok-anok Allah. Memang ite adeba anok-anok Allah. Do'oba sebabne dunio de kidek yo coa kemnal ite, sebab dunio coa kemnal Allah.