YAKOBUS 5:7 - JANJAI BLAU Lem Bahaso Jang Bebilai

⁷ Kerno'o, sabarba Saudaro-saudaroku, sapei Tuhan teko. Kemliakba awei ipe sabarne suang petani mbot taneakne melei asea de bego. Ngen sabar si mbot ujen musim gugua ngen ujen musim bungai.

YAKOBUS 5:7 ပူးပေါင်းရင်းမြစ်များ

MATIUS 16:27

Coa an igai Anok manusio bakea serpok ngen malaikat-malaikat-Ne teko ngen kuaso Bak-Ne. Waktau'o Si bakea males tiep-tiep tun temurut plepne.

MATIUS 16:28

Uku madeak ngen ko sebeneane kunei antaro udi neak yo ade de coa bakea matei, ayok kemliak Anok Manusio teko awei Rajo.”

MATIUS 24:27

Sebab teko-Ne Anok Manusio awei cahayo kilet besinea kunei timur, ngen sapei barat.

MATIUS 24:44

Sebab'o udi kulo mestai siap. Kerno Anok Manusio bakea teko pado saat de coa udi demugo.”

LUKAS 18:8

Uku madeak ngen udi, ‘Si bakea segro mbenea tobo'o. Bakea tapi, amen Anok Manusio o teko, jano masiak tenmau tun de masai ngen Si neak bumai yo?’ ”

LUKAS 21:27

Pado waktau o ba Anok Manusio bakea teko neak lem mbun ngen kuaso ngen kemuliaan de lai.

LUKAS 8:15

Biniak de us neak taneak de subur ibarat tun de temi'uk Bito Baik o, lajau maikne neak lem atei de baik ngen jujur. Tobo'o beta'en sapei masea buak.”

YOHANES 21:22

Jawab Yesus, “Amen Uku kemlok, supayo si tinggea idup sapei Uku teko, do'o iso urusannu. Tapi ko: Milauba Uku!”

YOHANES 21:23

Lajau tesebeaba bito neak antaro pasuak-pasuak o bahwo penotoa o coa bakea matei. Tapi Yesus coa madeak ngen Petrus bahwo penotoa o coa bakea matei, tapi, “Amen Uku kemlok supayo si tinggea idup sapei Uku teko, do'o iso urusannu.”

ROMA 15:4

Kute de tetulis neak lem Kiteb Sucai adeba utuk majea ite. Sebab pelajaran de ite temimo kunei Kiteb Sucai menea ite jijai tabah ngen kuet sehinggo ite dapet ma'ep ngen Allah.

ROMA 2:7

Allah melei idup kekal ngen tobo'o de taat menea de baik, mesoa kemuliaan, kehormatan ngen de kekal.

1 KORINTUS 1:7

sehinggo udi coa ku'ang jejano lem karunio jano bae sementaro udi mbot Tuhante Yesus Kristus teko ngen kenliak kute tun.

GALATIA 5:5

Sebab ngen roh, ngen kerno imen, ite mbot pembenaran de ite ma'ep.

GALATIA 6:9

Jibeakba ite bosan menea baik, kerno amen bi sapei waktaune, ite bakea dapet asea, amen ite coa jijai lemah.

KOLOSE 1:11

Semoga ngen kuaso kunei Allah de agung, udi kenuet sehinggo udi sanggup meding saro kute sesuaktau ngen sabar, senang atei

1 TESALONIKA 1:3

Keme tinget awei ipe udi kemten lem perbuatan bahwo udi pecayo ngen Kristus, awei ipe udi mengasihi tun luyen sehinggo melayan tobo'o, ngen awei ipe udi tep ma'ep ngen Tuhan te Yesus Kristus.

1 TESALONIKA 2:19

Sungguak udiba harapan ngen keriang serto mahkota kebanggaan keme. Sebab be amen Tuhan Yesus teko, ngen ite madep-Ne, mako udiba de bakea jijai kebanggaan keme!

1 TESALONIKA 3:13

Ngen awei o Tuhan bakea kemuet ateinu, sehinggo udi sucai ngen coa cacet neak adep Allah Bapa ite, pado waktau Tuhan ite Yesus teko besamo kute tun de jijai de Si temuan.

IBRANI 6:15

Abraham mbot ngen sabar, mako si temimo jano de jenanjai Allah ngen si.

YAKOBUS 4:11

Saudaro-saudaro jibeakba saling mino atau saling semaleak. Tun de mino atau semaleak saudarone de samo-samo Kristen, si mino ngen semaleak hukum Allah. Ngen amen udi semaleak hukum Allah, do'o taine udi coa temotoa hukum-hukum o, meluyen jijai hakimne.

YAKOBUS 5:10

Saudaro-saudaro, ingetba paro nebai de miling das gen Tuhan. Tobo'o sabar madep saro. Jijai, mokba tobo'o sebagai contoh.

YAKOBUS 5:3

Mas ngen piroknu bi ka'et; ka'etne bakea jijai saksai melawen udi ngen bakea mbuk awoknu awei opoi. Udi bi melungguk hok pado zaman de gidong berakhir.

2 PETRUS 3:4

ngen madeak awei yo, “Nadeakne Tuhan janjai bakea teko! Uyo ipe Si? Bapak-bapak leluhur ite bi matei, tapi kekutene masiak serai bae awei waktau dunio yo ade.”