YAKOBUS 5:13 - JANJAI BLAU Lem Bahaso Jang Bebilai

¹³ Amen ade neak antaronu gidong saro, lokba si bedu'o. Amen ade de riang, lokba si nyanyi mujai Allah.

YAKOBUS 5:13 ပူးပေါင်းရင်းမြစ်များ

MATIUS 26:30

Sesudo'o tobo'o nyanyi de buaek legau syukur. Ngen tobo'o lalau moi Tebo Zaitun.

LUKAS 22:44

Yesus kembiak saben ngen kembiak sesungguak bedu'o. Eteng-Ne awei daleak temtik moi taneak.]

LUKAS 23:42

Lajau si madeak, “Yesus, tingetba uku, amen Ko teko awei Rajo.”

1 KORINTUS 14:15

Jijai, uku harus menea jano? Dio de bakea uku nea: Uku bakea bedu'o ngen roh ku, tapi uku bakea bedu'o kulo ngen pekeranku. Uku bakea nyanyi ngen rohku, tapi uku lok nyanyi kulo ngen pekeranku.

1 KORINTUS 14:26

Jijai, Saudaro-saudaro, jano tai kutene o? Amen udi bekopoa utuk nyembeak Tuhan, ade nyanyi, ade ngajea, ade de melei namen sesuaktau kunei Allah, ade de miling lem bahaso de ajaib, ngen ade de jemlas jano de nadeak o. Tapi kutene o harusba nea utuk majea ngen kebaikan kutene.

EFESUS 5:19

Pakeiba kecek-kecek kunei mazmur, legau puji-pujian ngen legau rohani. Lokba udi ngen riang atei mbin legau puji-pujian bagiak Tuhan.

IBRANI 5:7

Pado waktau Yesus idup neak dunio yo, Si bedu'o, bekinoi ngen sungguak-sungguak pado Allah, de sanggup semlamat-Ne kunei matei. Ngen kerno Si tunduk ngen Allah seca'o hormat, mako Si teni'uk.

YAKOBUS 5:10

Saudaro-saudaro, ingetba paro nebai de miling das gen Tuhan. Tobo'o sabar madep saro. Jijai, mokba tobo'o sebagai contoh.

WAHYU 14:3

Neak adep takhta ngen kepat makhluk serto paro pemipin neak sekeliling takhtane o, sotos pat puluak pat ribau tun o embin legau de blau. Coa su'ang tun kulo dapet belajea legau o seluyen kunei sotos pat puluak pat riba tun de sudo bebas kunei bumai o.

WAHYU 7:10

Lajau ngen sa'ei lek tobo'o menggang, “Keselamatan ite tekone kunei Allah, de temot neak das takhta, ngen kunei Anok bebirai o!”