YAKOBUS 5:12 - JANJAI BLAU Lem Bahaso Jang Bebilai

¹² De terutamo sekilai, adeba: Jibeakba besupeak, baik demi lenget, bumei, atau demi jano bae. Nadeakba bae “Au” amen maksudnu au, ngen “Coa” amen maksudnu coa; supayo udi jibeak nukum Allah.

YAKOBUS 5:12 ပူးပေါင်းရင်းမြစ်များ

1 KORINTUS 11:34

Amen ade de nyemen, si harus mbuk dute neak dasei. Amen udi dulai ngen hal yo mako semyangnu coa bakea dapet ukuman kunei Allah kerno dirainu suang. Tetang masalah-masalah de luyen, bakea uku jemlas ngen udi, amen uku teko konyo.

YAKOBUS 1:16

Jibeakba udi keno pike, Saudaro-saudaroku de tecito!

YAKOBUS 1:19

Kemliakba dio bebaik, Saudaro-saudaro de tecito! Tiep tun harus gacang utuk temi'uk, tapi cendok utuk miling ngen mengiak.

1 PETRUS 4:8

Lebiak kunei pado kekute, lokba udi sungguak-sungguak kemasiak do ngen luyen, sebab ngen saling kemasiak udi bakea besedio kulo utuk saling mapun.

3 YOHANES 1:2

Uku bedu'o semoga udi sehat-sehat ngen kutene baik-baik ngen udi, serai awei jiwonu baik-baik kulo.