YAKOBUS 4:8 - JANJAI BLAU Lem Bahaso Jang Bebilai

⁸ Na'okba Allah, Allah kulo bakea ma'ok udi. Mpukba tangennu, udi de beduso! Ngen senucaiba ateinu, udi menduai atei!

YAKOBUS 4:8 ပူးပေါင်းရင်းမြစ်များ

MATIUS 12:33

“Utuk dapet bueak de baik, punne coa subur. Amen punne harus subur, bueakne coa baik kulo. Subur coane suatupun tekeliak kunei bueakne.

MATIUS 15:2

“Getai penotoa-Nu melanggea adat istiadat ninik puyang ite? Tobo'o coa mpuk tangen lebiak dute ayok mukmei!”

MATIUS 27:24

Akhirne Pilatus semadar amen si coa nam menea jano-jano igai, ngen tun-tun'o mukin bakea kemacau. Si mok bioa lajau mpuk tangenne. “Uku coa tanggung jawab das matei-Ne tun yo! Do'o urusan udi dewek!”

KISAH RASUL-RASUL 15:9

Allah samo sekilai coa mbeda antaro ite ngen tobo'o, sesudo Si semucai atei tobo'o ngen imen.

2 KORINTUS 7:1

Saudaro-saudaroku terkasih, kerno ite uyo temuan janjai-janjai o, maroba ite semucai diraite kunei kute de jemijai ite kotor. Lokba ite saben ngen Allah, supayo ite dapet idup khusus utuk Si ngen sempurno.

1 TIMOTIUS 2:8

Uku lok supayo neak ipe bae semanei bedu'o ngen atei de sucai, coa pakei mengiak ngen selisiak.

IBRANI 10:22

Kerno o, maroba ite ma'ok Allah ngen atei tulus ngen imen de kuet; ngen atei de sudo senucai kunei asai saleak, ngen awok de sudo senucai ngen bioa de sucai.

IBRANI 7:19

Hukum agamo Yahudi coa dapet menea sesuaktau kulo jijai sempurno. Do'o sebabne ite uyo nelei harapan de lebiak baik; ngen o ite dapet ma'ok Allah.

YAKOBUS 3:17

Tapi tun de temuan kebijaksanaan de kunei das adeba pertamo-tamo sucai, sesudo'o galok damoi, rama ngen penurut. Si penuak ngen asai ibo ngen masea perbuatan-perbuatan de baik. Si coa berpihok ngen coa munafik.

1 PETRUS 1:22

Kerno udi taat ngen ajaran kunei Allah, mako udi semucai dirai ngen udi mengasihi tun-tun do imen seca'o ikhlas. Sebab o, lokba udi mengasihi do ngen de luyenne, sepenuak atei.

1 PETRUS 3:21

Nah, kejadian o adeba kiasan kunei baptisan de uyo yo semlamat udi. Baptisan yo iso suaktau upacara semucai awok kunei kute de ngei, meluyen adeba janjainu ngen Allah kunei atei nurani de baik. Baptisan o semlamat udi kerno Yesus Kristus bi idup igai kunei matei,

1 YOHANES 3:3

Kute tun de temuan harapan yo teadep Kristus, jemago diraine supayo sungguak-sungguak sucai, bersih kunei duso awei ipe Kristus kulo sucai.