YAKOBUS 4:12 - JANJAI BLAU Lem Bahaso Jang Bebilai

¹² Padahal cuma do de berhok melei hukum ngen manusio, semidang manusio. Adeba Allah de bekuaso semelamat ngen mbinaso. Jijai, api udi, sehinggo udi lok semaleak sesamo manusio?

YAKOBUS 4:12 ပူးပေါင်းရင်းမြစ်များ

MATIUS 10:28

Jibeakba saben ngen, tobo'o de munuak awok, tapi coa ade kuaso munuak jiwo. Sabenba ngen Allah de bekuaso mbenaso awok ngen jiwonu lem nerako.

LUKAS 12:5

Uku bakea temunjuk ngen udi api de harus udi saben. Sabenba Si, de sesudo munuak, temuan kuaso utuk mbin tun moi lem nerako. Sesungguakne Uku madeak ngen udi, sabenba Si!

ROMA 14:13

Kerno o jibeakba ite saling semaleak. Sebelekne berusahoba supayo udi coa menea jejano de menea su'ang saudaro do imen tergoda ngen beduso.

ROMA 14:4

Api udi, sehinggo udi semaleak hamba tun luyen? Teak si je, teak si us, do'o adeba urusan tuanne su'ang. Tapi si bakea tep je, kerno Tuhan bekuaso jemago si tep je.

ROMA 2:1

Kerno o, Saudaro-saudaro, api bae udi, de mukum tun luyen, ko suang coa bebas kunei saleak. Sebab, lem mukum tun luyen, ko mukum dirainu suang, kerno ko de mukum tun luyen, menea hal-hal de serai.

ROMA 9:20

Api ko, hoi manusio, mako udi membantah Allah? Jano dapet de nea madeak ngen de meneanne, “Getai ko menea uku awei yo?”

IBRANI 7:25

Kerno o utuk selamo-lamone Yesus dapet semlamat tun-tun de teko ngen Allah liwet Si, sebab Si idup selamo-lamone utuk melei permohonan ngen Allah bagiak tun-tun o.

YAKOBUS 5:9

Jibeakba gerunyam ngen saling nyaleak, supayo udi coa hukum Allah. Inget! Hakim bi pa'ok, siap utuk teko.