YAKOBUS 4:1 - JANJAI BLAU Lem Bahaso Jang Bebilai

¹ Kunei ipe asalne kute selisiak ngen tekea neak antaro udi? Jano do'o asalne iso kunei kelok-kelok udi de terus bae perang neak lem dirainu utuk dapet kesenangan dunio!

YAKOBUS 4:1 ပူးပေါင်းရင်းမြစ်များ

MATIUS 15:19

Kerno kunei atei timboaba pekeran de kidek, ngen lok munuak, menea uleak ngen ngenyan tun, menea uleak kidek, maling, mengike tetang tun luyen ngen fitneak.

YOHANES 8:44

Udi berasal kunei baknu, adeba Iblis, ngen udi lok menea kenlok baknu. Si adeba tukang munuak manusio kunei ke'an yo ngen coa idup lem de kebenea, kerno neak lemne coa ade kebenea. Amen si miling coa benea, si miling kunei diraine suang. Sebab si adeba tukang ngike ngen bak tukang ngike.

ROMA 7:23

tapi neak lem anggota-anggota awok ku uku kemliak hukum luyen de berjuang melawen hukum akal budiku ngen menea uku jijai tawanan hukum duso de ade neak lem anggota-anggota awokku.

ROMA 7:5

Sebab waktau ite masiak idup temurut sifet-sifet manusio de ade kerno hukum agamo Yahudi, kerjo lem anggota-anggota awok ite, kunyau ite melei asea utuk maut.

ROMA 8:7

Sebab kelok temurut tabi'at manusio adeba musuak teadep Allah, kerno si coa takhluk ngen hukum Allah, hal yo memang coa mukin bagiakne.

GALATIA 5:17

Sebab kelok manusio belawen ngen kelok Roh Allah – kerno keduaine belawen – sehinggo udi coa dapet menea jano de udi kenlok.

KOLOSE 3:5

Kerno'o, nuangba lem dirainu kute sesuaktau de duniawi, awei percabulan, hal-hal de coa baik, hawa nafsu, kelok de kidek (serakah, de serai ngen nyembeak patung).

2 TIMOTIUS 2:23

Jibeakba milau lem selisiak tun-tun bodong de coa namen jejano. Ko namen bahwo kute o cuma jijai tekea.

TITUS 3:3

Sebab bel'o ite suang kulo bodong, sesat ngen coa taat. Ite jijai hamba memecem nafsu ngen kelok; ite idup ngen niat-niat kidek ngen kidek atei, serto saling jengik.

TITUS 3:9

Ne'uakba selisiak de coa ade gunone, cerito-cerito asal usul, tekea, belago tetang hukum agamo. Kutene o coa ade gunone ngen coa ade utungne.

YAKOBUS 1:14

Tapi tun tergoda amen si tenarik ngen tepiket ngen kelokne su'ang de coa baik.

YAKOBUS 4:3

Atau udi sudo minoine, tapi udi coa dapet, sebab de minoi o saleak; jano de udi minoi adeba utuk kesenangan dirainu su'ang

1 PETRUS 1:14

Taatba ngen Allah, jibeakba idup temurut keloknu de bel'o, pado waktau udi masiak ati kemnal Allah.

1 PETRUS 2:11

Saudaro-saudaro de tecito! Udi adeba tun asing ngen perantau neak dunio yo. Kerno o uku minoi nien supayo udi jibeak temotoa hawa nafsu manusio de bogoa perang melawen jiwo.

2 PETRUS 2:18

Tobo'o menea pernyataan-pernyataan de ba'es-ba'es ngen kosong; nafsu de cabul nakei tobo'o utuk semset tun-tun de tembei bae muloi bebas kunei lingkungan tun de idup seset.

2 PETRUS 3:3

Pertamo-tamo, udi harus namen bahwo pado bilai-bilai terakhir, bakea timboa tun-tun de idupne kenuaso hawo nafsu tobo'o su'ang. Tobo'o bakea mino udi