YAKOBUS 3:2 - JANJAI BLAU Lem Bahaso Jang Bebilai

² Ite kute cet menea saleak. Tapi tun de coa perneak menea saleak ngen kecek-kecekne, si tun de sempurno, de dapet kemuaso kute diraine.

YAKOBUS 3:2 ပူးပေါင်းရင်းမြစ်များ

MATIUS 12:34

Ko tun jahat, kero ko dapet mucep hal-hal de baik amen ko jahat? Jano de nucep bibia do'oba de keluea kunei atei!

MATIUS 12:37

Sebab temurut padeak dewekba de bakea nakei utuk mutus jano ko besaleak atau coa.”

ROMA 3:10

Awei ade tetulis: “Coa ade de benea, su'ang tun kulo coa,

ROMA 7:21

Awei'oba uku dapet hukum Yo: amen uku lok menea jano de baik, de coa baik o ade ngen uku.

1 KORINTUS 9:27

Uku munyau awokku nelatih ngen bennek sapei uku dapet kemuasone. Uku menea awei'o, sebab uku coa lok sapei tejijai bahwo sesudo uku majok tun luyen milau lem perlombaan o, uku suang tenulok.

GALATIA 3:22

Tapi neak lem Kiteb Sucai tetulis bahwo kute umat manusio ade neak beak kuaso duso. Kerno o, pelei de jenanjai das dasar pecayo ngen Yesus Kristus nelei ngen tobo'o de pecayo.

GALATIA 5:17

Sebab kelok manusio belawen ngen kelok Roh Allah – kerno keduaine belawen – sehinggo udi coa dapet menea jano de udi kenlok.

KOLOSE 1:28

Kristus'oba de keme melei namen ngen tiep tun. Keme minget ngen majea tobo'o kutene ngen kute kebijaksanaan. Tujuan keme adeba supayo tiep tun dapet nemin ngen Allah, sebagai tun de lai lem hal-hal rohani, kerno bi jijai do ngen Kristus.

KOLOSE 4:12

Salam kunei Epafras. Si kulo kunei antaro udi. Si hamba Kristus Yesus, de bogoa tekun bedu'o utuk udi. Si minoi nien ngen Allah supayo keyakinan udi jijai kuet ngen udi benea-benea dewasa, kunyau udi jijai sempurno taat ngen kelok Allah.

IBRANI 13:21

Semoga Allah sumber sejahtera o mlekep udi ngen kute de baik de udi perlu utuk menea kelok-Ne. Semoga liwet Yesus Kristus, Allah kemerjo neak lem ite, jano de kenlok-Ne. Lokba Kristus nujai selamo-lamone! Amin.

YAKOBUS 1:26

Amen ade su'ang tun de meding diraine de taat beragamo, tapi si coa jemago bibiane, mako si mike diraine suang; ibadahne coa ade gunone.

YAKOBUS 1:4

Jagoba supayo ketabahan ateinu o berkembang sapei udi jijai sungguak-sungguak sempurno serto coa kuang lem hal jano bae.

YAKOBUS 2:10

Tun de melangea saleak do kunei Hukum-hukum Allah, tai'ne melanggea kutene.

1 PETRUS 3:10

Neak lem Kiteb Sucai tetulis awei yo, “Tun de lok menikmati idup ngen lok midep bilai-bilai de baik, harus jemago bibiane supayo coa madeak hal-hal de kidek ngen coa madeak hal-hal de coa benea.

1 PETRUS 5:10

Tapi sesudo udi menderita tegoa, Allah suang bakea menea udi jijai sempurno. Si bakea temgok ngen kemuet udi serto kemukuak udi. Sebab Si adeba Allah de kembiak baik atei, de sudo menok ko utuk milau meraso keagungan-Ne de abadi liwet Kristus.