YAKOBUS 3:17 - JANJAI BLAU Lem Bahaso Jang Bebilai

¹⁷ Tapi tun de temuan kebijaksanaan de kunei das adeba pertamo-tamo sucai, sesudo'o galok damoi, rama ngen penurut. Si penuak ngen asai ibo ngen masea perbuatan-perbuatan de baik. Si coa berpihok ngen coa munafik.

YAKOBUS 3:17 ပူးပေါင်းရင်းမြစ်များ

MATIUS 23:28

Udi kulo awei'o, kunei luea udi ketenne baik ngen tun, tapi peak lem, udi penuak ngen munafik ngen duso-duso.”

MATIUS 5:8

Allah melei rahmat ngen tun de sucai ateine; tobo'o bakea kemliak Allah.

MATIUS 5:9

Allah melei rahmat ngen tun de mbin damai neak antaro manusio; Allah bakea makau tobo'o adeba anok-anok-Ne!

LUKAS 21:15

Sebab Uku suang bakea melei ngen udi kecek-kecek bijaksana, sehinggo udi coa dapet nelawen ngen nebantah lawen-lawennu.

LUKAS 6:36

Lokba udi mu'eak atei, serai awei Bapanu adeba mu'eak atei.”

YOHANES 1:14

Firman'o bi jijai manusio, ngen tinggea neak antaro ite, ngen ite bi kemliak kemulioan-Ne adeba kemulioan de nelei ngen Si sebagoi Anok tunggea Bapa, penuak anugrah ngen de benea.

YOHANES 1:47

Yesus kemliak Natanael teko ngen Si, lajau madeak tetang Si, “Keliak, dioba suang tun Israel sejati; coa ade kepalsuan lemne!”

KISAH RASUL-RASUL 11:24

kerno Barnabas adeba tun baik, penuak ngen Roh sucai ngen imen. Lajau dau tun nembin ngen Tuhan.

KISAH RASUL-RASUL 9:36

Neak Yope ade suang selawei de genne Tabita – lem bahaso Yunani Dorkas. Selawei o dau sekilai menea baik ngen melei sedekeak.

ROMA 12:18

Sedapet-dapetne, amen hal o tegatung ngen udi, idupba lem damoi ngen kute tun!

ROMA 12:9

Lokba kasih o jibeak pepurak! Ne'uakba de coa baik ngen neaba de baik.

ROMA 15:14

Saudaro-saudaroku! Uku yakin bahwo ade dau hal de baik ngen ko. Udi kulo namen kekutene ngen dapet majea do ngen de luyenne kulo.

1 KORINTUS 12:8

Ngen de suang, Roh o melei kesanggupan utuk miling ngen kuaso. Ngen de luyen Roh de serai o melei kesanggupan utuk jemlas tetang Allah.

2 KORINTUS 10:1

Uku, Paulus, suang tun de coa binai amen sekadep papea ngen udi, tapi binai teadep udi amen kunei ku'uak, uku minget udi demi Kristus de lemah lembut ngen ramah.

2 KORINTUS 6:6

Ngen atei sucai, bijaksano, sabar ngen baik atei; lem Roh Kudus ngen kasih de tulus ikhlas;

2 KORINTUS 7:11

Cubo udi perhatikan jano aseane utuk ko ngen kesedihan de temurut kelok Allah! Aseane adeba udi sungguak-sungguak berusaho utuk njeniak de keruh! Udi jijai jengiak teadep duso, udi saben, udi indau, udi jijai semangat, udi rela mukum de saleak! Lem kute persoalan yo udi bi melei namen bahwo udi coa saleak.

2 KORINTUS 9:10

Allah de semiap biniak utuk penebea ngen kembuk utuk ite. Si kulo bakea semiap ngen nambeak dau jano de udi tenbea, supayo asea kemurahan ateinu betambeak kulo.

EFESUS 5:9

kerno kunei te'ang timboa kebaikan, keadilan ngen kebenaran,

FILIFI 1:11

Idupnu bakea penuak ngen plep de sungguak-sungguak baik de cuma dapet kunei Yesus Kristus suang; mako Allah bakea dimuliakan ngen nujai.

FILIFI 4:8

Akherne, Saudaro-saudaro, isaiba pekerannu ngen hal-hal beguno, de patut nujai, adeba hal-hal de benea, de terhormat, adea, murni, mis, ngen baik.

KOLOSE 1:10

Ngen awei o udi dapet idup temurut kelok Allah, ngen bogoa semnang atei-Ne, sehinggo lem kute sesuaktau udi dapet melei hal-hal de baik. Ngen pengetahuan udi tetang Allah kulo bakea tambeak kulo.

1 TESALONIKA 2:7

Tapi keme besikap lemah lembut sewaktau ade neak tengeak-tengeak udi, awei suang indok murus ngen tlusik anokne.

1 TIMOTIUS 5:21

Neak adep Allah, Yesus Kristus ngen malaikat-malaikat pilihan-Ne, uku monoi nien supayo ko temotoa petunjuk-petunjuk yo ngen coa ade prasangka te'adep api bae, ngen coa mihak api bae.

2 TIMOTIUS 2:24

Tun de bekerjo utuk Tuhan coa patut tekea; si harus ramah te'adep kute tun, ngen dapet majea tun seca'o baik ngen sabar.

TITUS 1:15

Kute sesuaktau adeba sucai bagiak tun-tun de sucai. Tapi utuk tun-tun de pekeranne kidek ngen de coa ade imen, coa ade sesuaktau de sucai, sebab pekeran ngen atei nurani tobo'o bi kidek!

TITUS 3:2

Nadeak ngen tobo'o supayo jibeak fitneak atau betekea ngen api bae, tapi supayo besikep ramah. Lokba tobo'o bogoa besikep lemuak te'adep kute tun.

IBRANI 12:11

Memang pado waktau ite najea, hukuman o coa semnang atei ite, meluyen cuma menea ibo bae. Tapi sesudo'o, utuk ite de sudo najea, hukuman o jijai sebab ite idup temurut kelok Allah, menea perasaan sejahtera utuk ite.

IBRANI 12:14

Berusahoba utuk idup damoi ngen kute tun. Berusahoba kulo utuk idup sucai, khusus utuk Tuhan. Sebab coa suang kulo dapet kemliak Tuhan amen si coa idup awei o.

YAKOBUS 1:17

Tiep pelei de baik ngen hadiah de sempurno tekone kunei surgo, tenu'un Allah, Pencipto kute te'ang neak lenget. Siba Allah de coa bubeak, coa kulo jijai sembab tiep kelem.

YAKOBUS 1:5

Amen ade tun neak antaro udi de kuang bijaksana, lokba si minoine kunei Allah, mako Allah bakea melei kebijaksanaan ngen udi; sebab ngen tiep tun, Allah melei ngen mu'eak atei ngen asai ibo.

YAKOBUS 2:13

Sebab Allah coa bakea temunjuk ibo ngen tun de coa kemnal ibo. Tapi ibo lebiak kuet kunei hukuman!

YAKOBUS 2:4

Ngen menea awei o, udi menea perbedaan neak antaro sesamo udi ngen kemliak tun das dasar pekeran de kidek.

YAKOBUS 3:15

Kebijaksanaan de awei o asalne iso kunei surgo. Si asalne kunei dunio, kunei nafsu manusio ngen kunei Iblis!

YAKOBUS 4:8

Na'okba Allah, Allah kulo bakea ma'ok udi. Mpukba tangennu, udi de beduso! Ngen senucaiba ateinu, udi menduai atei!

1 PETRUS 1:22

Kerno udi taat ngen ajaran kunei Allah, mako udi semucai dirai ngen udi mengasihi tun-tun do imen seca'o ikhlas. Sebab o, lokba udi mengasihi do ngen de luyenne, sepenuak atei.

1 PETRUS 2:1

Kerno o, nuangba kunei dirainu kute de jahat; jibeak igai mike, jibeak pura-pura. Jibeak iri atei, jibeak mino tun luyen.

1 PETRUS 2:18

Saudaro-saudaro de jijai pelayan, tundukba ngen majikannu seca o hormat; iso cuma ngen tobo'o de baik atei ngen rama, tapi kulo ngen tobo'o de kejam.

1 YOHANES 3:18

Anok-anokku, jibeakba ite mengasiak cuma neak bibia atau kecek bae. Lokba ite mengasiak ngen kasih de sejati neak lem perbuatan ite.

1 YOHANES 3:3

Kute tun de temuan harapan yo teadep Kristus, jemago diraine supayo sungguak-sungguak sucai, bersih kunei duso awei ipe Kristus kulo sucai.