YAKOBUS 3:13 - JANJAI BLAU Lem Bahaso Jang Bebilai

¹³ Amen neak antaro udi ade tun de bijaksana ngen baik, lokba si kemtenne ngen idup baik, menea hal-hal de baik, de senerto rendeak atei ngen bijaksana.

YAKOBUS 3:13 ပူးပေါင်းရင်းမြစ်များ

MATIUS 11:29

Totoaba periteak-Ku ngen belajeaba kunei pado-Ku. Sebab Uku yo lemah lembut ngen rendeak atei, mako udi bakea meding segar.

MATIUS 21:5

“Kadeakba ngen Sion, Rajonu gidong teko ngen ko. Si temeak atei ngen Si kenek dikup keledai, dikup anok keledai puai.”

MATIUS 5:5

Allah melei rahmat ngen tun de tembeak ateine; Allah bakea tempat janjaine ngen tobo'o!

MATIUS 7:24

“Jijai, tiep tun de temi'uk nadeak-Ku yo ngen kemerjone, si serai ngen tun de pacok, de temgok umeakne neak das butau.

1 KORINTUS 6:5

Hal yo uku madeak utuk semelek udi. Paset neak antarone ade suang tun de cukup bijaksano utuk semlesei sutok antaro Saudaro-saudaro de sesamo Kristen.

2 KORINTUS 10:1

Uku, Paulus, suang tun de coa binai amen sekadep papea ngen udi, tapi binai teadep udi amen kunei ku'uak, uku minget udi demi Kristus de lemah lembut ngen ramah.

2 KORINTUS 8:24

Keme ma'ep udi kemten kasihnu ngen tobo'o, supayo kute jemaat namen bahwo udi mengasihi tobo'o ngen bahwo jano de keme banggakan tetang udi adeba benea.

GALATIA 5:23

rendeak atei, sanggup kemuaso dirai. Coa ade hukum agamo de temtang hal-hal o.

GALATIA 6:1

Saudaro-saudaro, amen suang tun menea duso, lokba udi de idup temurut Roh Allah, melei nasihat tun o belek moi dalen de benea. Tapi udi harus menea o ngen lemah lembut, ngen jagoba jibeak sapei udi suang tergoda kulo.

GALATIA 6:4

Tiep tun harus merikso diraine suang jano plepne baik jano coa. Amen baik, si buliak bangga das hal o. Tapi jibeakba si mbandingne ngen jano de nea tun luyen.

EFESUS 4:2

Lokba udi rendeak atei, lemah lembut, ngen sabar. Kentenba kasiaknu ngen saling temulung.

FILIFI 1:27

Nah, de peting uyo adeba bahwo udi idup sesuoi ngen jano de tenuntut Bito Baik tetang Kristus o. Ngen awei o, teak uku dapet temau ngen ko jano coa, uku bakea temi'uk bahwo udi tep jijai do ngen berjuang besamo-samo utuk do maksud ngen do kelok; adeba utuk kepercayaan de sesuoi ngen Bito Baik kunei Allah o.

KOLOSE 3:12

Saudaro adeba umat Allah. Allah sayang ngen udi ngen miliak udi utuk jijai de Si temuan de khusus. Do'oba sebabne udi harus kemten belas kasihan, udi harus baik atei, rendeak atei, lemah lembut, ngen taen saro.

1 TIMOTIUS 4:12

Jibeak suang tun kulo manggap ko rendeak kerno ko u'ai. Sebelekne, lokba ko jijai teladan bagiak tun-tun pecayo lem keceknu ngen plepnu, lem ca'o ko mengasihi sesamo ngen pecayo ngen Yesus Kristus, lem kesetiaannu ngen lem kemurnian.

1 TIMOTIUS 6:11

Tapi ko adeba tun de Allah temuan, jijai ko harus meu'ak kutene o. Berusahoba jijai tun de benea neak matai Allah, de mengabdi ngen Allah, pecayo ngen Kristus, mengasihi sesamo, tabah lem penderitaan, ngen bersikep lemah lembut.

2 TIMOTIUS 2:25

Si harus lemah lembut majea tun-tun de galok melawen; mudah-mudahan Allah melei kesepatan ngen tun-tun o utuk tobat kunei duso-duso tobo'o ngen kemnal ajaran de benea.

TITUS 3:2

Nadeak ngen tobo'o supayo jibeak fitneak atau betekea ngen api bae, tapi supayo besikep ramah. Lokba tobo'o bogoa besikep lemuak te'adep kute tun.

IBRANI 13:5

Jibeakba idupnu kenuaso caci, tapi lokba udi pues ngen jano de ade. Sebab Allah bi madeak, “Uku coa bakea munyau atau bakea teminggea ko.”

YAKOBUS 1:21

Sebab o, nuangba tiep kebiasaan de coa baik ngen kidek. Temimoba ngen rendeak atei firman de nea Allah neak lem ateinu, sebab firman o temuan kekuatan utuk semlamat udi.

YAKOBUS 2:18

Mukin ade de madeak, “Ade tun de nyangget ngen imenne, ade kulo de nyangget ngen perbuatanne.” Uku bakea jemawab, “Tenunjukba ngen uku awei ipe tun dapet temuan imen tapi coa kemerjone, uku bakea temunjuk ngen perbuatan bahwo uku temuan imen.”

YAKOBUS 3:1

Saudaro-saudaro! Jibeakba dau tun kunei udi de lok jijai guau. Udi namen ite de jijai guau bakea hukum temurut ukuran de lebiak benek kunei tun luyen.

YAKOBUS 3:17

Tapi tun de temuan kebijaksanaan de kunei das adeba pertamo-tamo sucai, sesudo'o galok damoi, rama ngen penurut. Si penuak ngen asai ibo ngen masea perbuatan-perbuatan de baik. Si coa berpihok ngen coa munafik.

1 PETRUS 1:15

Sebelekne, lokba udi sucai lem kute sesuaktau de udi nea, serai awei Allah de menok udi o sucai.

1 PETRUS 2:12

Perbuatannu neak antaro tun de coa kemnal Tuhan harusba kembiak baik, sehinggo amen tobo'o fitneak udi sebagai tun jahat, tobo'o pulo harus ngakau perbuatannu de baik, sehinggo tobo'o bakea mujai Allah pado waktau Si teko.

1 PETRUS 2:9

Tapi udi adeba bangso de tepiliak, imem-imem de melayan rajo, bangso de sucai, khusus utuk Allah, umat Allah su'ang. Allah miliak udi ngen menok udi kelua kunei kegelapan utuk masuk moi lem te'ang-Ne de ajaib, maksudne supayo udi melei namen bito tetang perbuatan-perbuatan-Ne de luea biaso.

1 PETRUS 3:4

Sebelekne, lokba kecantikannu ade kunei lem batin, budi pekerti de lemah lembut ngen tenang; do'oba kecantikan kekea de kembiak bego temurut pandangan Allah.