YAKOBUS 2:8 - JANJAI BLAU Lem Bahaso Jang Bebilai

⁸ Udi menea de benea, amen udi kemerjo hukum Kerajaan de ade neak lem ayat Kiteb Sucai yo, “Citoba sesamonu awei ko cito dirainu su'ang.”

YAKOBUS 2:8 ပူးပေါင်းရင်းမြစ်များ

MATIUS 22:39

Periteak de keduai samo ngen de pertamo'o: Cintoba sesamonu aweiko cemito di rainu dewek.

MATIUS 25:21

‘Baes,’ nadeak tuan'o, ‘Ko adeba pelayan de baik ngen setia. Kerno ko dapet Uku pecayo ngen de didik, uku bakea pecayo dedau ngen ko. Masukba milem beriang-riang ngen uku!’

MATIUS 25:23

‘Baes,’ nadeak tuan'o, ‘Ko pelayan de baik ngen setia. Kerno ko dapet uku pecayo ngen de didik, uku bakea pecayo dedau ngenko. Masukba ngen milem beriang-riang ngen uku!’

MATIUS 7:12

Meneaba ngen tun luyen awei udi kemlok tun luyen menea ngen ko. Do'oba isai kute ukum Musa ngen kiteb paro nebai.”

ROMA 13:10

Kasih coa menea de coa baik teadep sesamo manusio, kerno o kasih adeba kegenapan hukum agamo Yahudi.

GALATIA 5:14

Kute hukum agamo ade lem periteak de do yo, “Lokba udi mengasihi sesamonu manusio awei udi mengasihi dirainu suang.”

GALATIA 6:2

Lokba udi tulung temulung temanggung beban tun! Ngen awei o udi taat ngen periteak Kristus.

FILIFI 4:14

Tapi udi sudo temulung uku neak lem kesaro uku; ngen jano de udi nea o memang baik

1 TESALONIKA 4:9

Coa perlu igai keme temulis ngen udi tetang awei ipe udi harus mengasihi Saudaro-saudaro do imen. Udi suang bi najea Allah utuk samo-samo mengasihi.

YAKOBUS 1:25

Hukum Allah sempurno ngen temuan kekuataan utuk mbebas manusio. Tun de semlidik ngen kemliak bebaik serto kemerjo hukum-hukum o, iso temi'uk bae lajau coa mingetne, tun o bakea diberkati Allah lem kute hal de neane.

YAKOBUS 2:12

Milingba ngen betindakba sebagai tun de bakea nukum temurut hukum Allah de mbebas manusio.

YAKOBUS 2:19

Udi pecayo bahwo Allah cuma do? Nah, roh-roh kidek kulo pecayo tapi tobo'o kemtea kerno saben!

YAKOBUS 4:11

Saudaro-saudaro jibeakba saling mino atau saling semaleak. Tun de mino atau semaleak saudarone de samo-samo Kristen, si mino ngen semaleak hukum Allah. Ngen amen udi semaleak hukum Allah, do'o taine udi coa temotoa hukum-hukum o, meluyen jijai hakimne.

1 PETRUS 2:9

Tapi udi adeba bangso de tepiliak, imem-imem de melayan rajo, bangso de sucai, khusus utuk Allah, umat Allah su'ang. Allah miliak udi ngen menok udi kelua kunei kegelapan utuk masuk moi lem te'ang-Ne de ajaib, maksudne supayo udi melei namen bito tetang perbuatan-perbuatan-Ne de luea biaso.