YAKOBUS 2:5 - JANJAI BLAU Lem Bahaso Jang Bebilai

⁵ Ingetba, Saudaro-saudaro de tecito! Tun de peset neak dunio yo, niliak Allah utuk jijai tun de kayo lem imen. Tun-tun o bakea jijai anggota umat Allah awei de jenanjai Allah ngen tun de mengasihi-Ne.

YAKOBUS 2:5 ပူးပေါင်းရင်းမြစ်များ

MATIUS 11:5

Tun buto kemliak, tun pakuak paneu, tun de temuan olon babok de kembiak saben ite kemliakne ka'en; tun setiuk temi'uk, tun matei idup igai, ngen Bito Baik kunei Allah senapei ngen tun peset.

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

MATIUS 5:3

“Allah melei rahmat ngen tun de coa bedayo ngen de begatung ngen Tuhan bae; tobo'o adeba anggota umat Allah!

MARKUS 7:14

Lajau Yesus manggea igai tun dau ngen madeak ngen tobo'o, “Udi kute, teni'uk ba kunyau ngertai.

LUKAS 12:21

Awei o kulo jijaine ngen tun de kemopoa hok bagiak diraine suang, amen si coa kayo neak adep Allah.”

LUKAS 12:32

“Jibeakba saben, hoi udi jumlahnu titik! Kerno Bapanu bi senang melei udi Kerajaan o.

LUKAS 16:22

Tun peset sesudo'o meninggea lajau nembin malaikat moi penan tehormat neak depeak Abraham neak surgo. Tun kayo o meninggea kulo ngen kenubua.

LUKAS 16:25

Tapi Abraham madeak, ‘Anok, ingetba: bahwo ko bi temimo kute de baik sewaktau idupnu, tapi Lazarus kute de kidek. Uyo si senang neak yo ngen ko saro.

LUKAS 22:29

Ngen Uku temtau hok-hok Kerajaan bagiak udi, serai awei Bapa-Ku temtaune bagiak-Ku.

LUKAS 6:20

Lajau Yesus kemliak murid-murid-Ne ngen madeak: “Bahagiaba, hoi ko de peset, kerno udi adeba anggota umat Allah.

YOHANES 7:48

Ade coa suang tun neak antatro pemipin-pemipin de pecayo ngen Si, jano suang neak antaro tun-tun Farisi?

KISAH RASUL-RASUL 7:2

Stefanus jemawab, “Pasuak-pasuak ngen Bapok-bapok! Cubo ni'uk uku! Ayok ninik puyang ite Abraham baliak moi Haran, pado waktau si masiak tinggea neak Mesopotamia, Allah de mulio teko ngen si

ROMA 8:17

Ngen amen ite adeba anok, mako ite kulo adeba ahli waris, maksudne tun-tun de temuan hok temimo janjai-janjai Allah, de bakea temimone besamo-samo ngen Kristus, adeba amen ite saro besamo-samo ngen Si, supayo ite kulo jijai mulio besamo-samo ngen Si.

1 KORINTUS 2:9

Sebelekne hal o adeba awei de tetulis lem Kiteb Sucai, “Jano de coa perneak kenliak atau teni'uk manusio, ngen coa perneak kulo timboa lem pekeran manusio, do'oba de seniap Allah utuk tun-tun de sayang ngen-Si.”

2 KORINTUS 4:15

Kutene o adeba utuk kepentingannu. Sebab tambeak dau tun meding kasih Allah, tambeak dau kulo du'o syukur de senapei ngen Allah; ngen awei o Allah mulio.

2 KORINTUS 6:10

Kunyau atei keme jijai sedih, tapi keme bogoa riang. Keme ketenne peset, tapi keme bi menea tun dau jijai kayo. Ketenne keme coa temuan jejano, tapi sebeneane temuan kute-kutene.

2 KORINTUS 8:9

Kerno udi bi kemnal anugerah Tuhan te Yesus Kristus bahwo sekilai kulo si kayo, kerno udi Si jijai peset, supayo udi jijai kayo kerno peset-Ne.

EFESUS 1:18

Uku minoi supayo Allah mukok pekerannu sehinggo jijai te'ang: supayo udi ngertai jano de udi ma'ep kunei Allah de menok udi. Kulo supayo udi namen kebiak dau berkat-berkat de baik de seniap Allah utuk umat-Ne;

EFESUS 3:8

Neak antaro kute umat Allah, ukuba de kebiak hino. Tapi Allah melei karunio o ngen uku, utuk melei namen ngen tun-tun iso Yahudi Bito Baik tetang kekayaan Kristus de coa pakei abis,

1 TESALONIKA 2:12

Keme melei nasihat ngen udi, keme melei semangat ngen udi, ngen keme pakso udi supayo idup awei o sehinggo semnang atei Allah. Kerno Allah bi menok udi utuk jijai warga Dunio Blau Allah ngen meding kemulioan-Ne.

2 TESALONIKA 1:5

Do'o adeba bukti tetang adeane penghakiman Allah: Udi bi meding saro kerno Dunio Blau Allah, ngen kerno o udi bakea nanggap patas utuk masuk moi lem kerajaan Allah.

1 TIMOTIUS 6:18

Meleiba nasihat ngen tobo'o supayo menea de baik, jijai kayo lem plep de baik, mu'eak atei ngen galok melei.

2 TIMOTIUS 4:18

Ngen Tuhan bakea bebas uku kunei tiep usaho de kidek te'adep uku. Si bakea semlamat uku, sehinggo uku masuk moi lem Kerajaan-Ne neak surgo. Bagiak-Ne ba kemuliaan selamo-lamone! Amin.

2 TIMOTIUS 4:8

Uyo bi seniap utuk uku kemenangan. Pado Bilai Kiamat, Tuhan, Hakim de adea o bakea semreak hadiah o ngen uku, kerno uku idup baik ngen Allah. Ngen iso uku bae de bakea temimo hadiah o, tapi kulo tun de kembiak indau mbot tekone Tuhan.

IBRANI 11:26

Musa meding bahwo uak lebiak behargo utuk dapet penghinaan demi Rajo Penyelamat de jenanjai Allah o daripado dapet kute hok negrai Mesir, sebab Musa ma'ep upeak neak kedong bilai.

YAKOBUS 1:12

Riangba tun de sabar pado waktau si cenubo. Sebab sesudo si berasea taen lem cobaan o, si bakea temimo upeakne, adeba idup de sudo jenanjai Allah ngen tun-tun de cito ngen Allah.

YAKOBUS 1:16

Jibeakba udi keno pike, Saudaro-saudaroku de tecito!

YAKOBUS 1:19

Kemliakba dio bebaik, Saudaro-saudaro de tecito! Tiep tun harus gacang utuk temi'uk, tapi cendok utuk miling ngen mengiak.

YAKOBUS 1:9

Tun Kristen de peset lokba meding riang amen Allah melekatne.

1 PETRUS 1:4

Ite maʼep utuk temuan berkat-berkat de seniap Allah utuk umat-Ne, adeba berkat-berkat de naik-Ne neak surgo, sehinggo coa dapet usak, jijai usuk atau luntur.

2 PETRUS 1:11

Ngen awei yo udi bakea nelei hok penuak utuk masuk Kerajaan de kekal kunei Tuhan ngen Rajo Penyelamat ite Yesus Kristus.

WAHYU 2:9

Uku namen kesaro-kesaro udi; Uku namen udi peset – tapi sebeneane udi kayo! Uku namen fitnahan-fitnahan tobo'o, de madeak diraine tu Yahudi, padahal iso; tobo'o adeba umat Iblis!

WAHYU 21:7

Tun-tun de menang bakea temimo kutene yo. Uku bakea jijai Allahne, ngen si jijai anok-Ku.

WAHYU 3:18

Sebab o Uku melei nasihat udi supayo temukua kunei pado-Ku mas, adeba mas de murni, supayo udi jijai kayo. Nukuaba kulo keracok putiak kunei pado-Ku supayo udi makei keracok ngen temutup awok udi de beleseng ngen nyelek. Ngen mukuaba kulo ubet utuk nusep neak matainu supayo udi dapet ngeliak.