YAKOBUS 1:4 - JANJAI BLAU Lem Bahaso Jang Bebilai

⁴ Jagoba supayo ketabahan ateinu o berkembang sapei udi jijai sungguak-sungguak sempurno serto coa kuang lem hal jano bae.

YAKOBUS 1:4 ပူးပေါင်းရင်းမြစ်များ

MATIUS 10:22

Kerno udi penotoa-Ku, tun bakea jengik ngen udi. Tapi tun de tep pecayo ngen Uku sapei akhir, Allah bakea semlamat si.

MATIUS 19:20

“Kutene periteak-periteak'o sudo ku temurut,” tun uai'o jemawab. “Jano igai de masiak ku'ang?”

MATIUS 5:48

Kerno'o harusba udi sempurno serai ngen Allahnu de ade neak surgo.”

MARKUS 10:21

Tapi Yesus kemliak si ngen meding ibo ngen Si, lajau madeak ngen si, “Cuma do igai kekurangan udi. Lalauba, jenua ba jano de udi temuan ngen neleiba'o ngen tun-tun peset, mako ko bakea dapet herto neak surgo. Sesudo'o tekoba mio ngen totoaba Uku.”

LUKAS 18:22

Temi'uk do'o Yesus madeak ngen si, “Masiak tinggea do hal igai de harus ko menea: Jenuoba kute de ko temuan ngen nagiakba do'o ngen tun-tun peset, mako ko bakea dapet hok neak surgo. Sesudo'o teko moi miyo ngen milimba Uku.”

LUKAS 21:19

Amen udi tep betaen, udi bakea dapet idupnu.”

LUKAS 8:15

Biniak de us neak taneak de subur ibarat tun de temi'uk Bito Baik o, lajau maikne neak lem atei de baik ngen jujur. Tobo'o beta'en sapei masea buak.”

YOHANES 17:23

Uku neak lem tobo'o ngen Ko neak lem Uku supayo tobo'o bebenea jijai do, supayo dunio namen bahwo Ko de mutus Uku ngen Ko mengasiak tobo'o, serai awei Ko mengasiak Uku.

1 KORINTUS 2:6

Kunyau awei o, neak antaro tun-tun de imenne bi kuet, uku memang miling tetang kebijaksanaan. Tapi kebijaksanaan yo iso kebijaksanaan dunio, atau kebijaksanaan penguaso-penguaso zaman yo, de kuasone bakea nyep.

GALATIA 6:9

Jibeakba ite bosan menea baik, kerno amen bi sapei waktaune, ite bakea dapet asea, amen ite coa jijai lemah.

KOLOSE 4:12

Salam kunei Epafras. Si kulo kunei antaro udi. Si hamba Kristus Yesus, de bogoa tekun bedu'o utuk udi. Si minoi nien ngen Allah supayo keyakinan udi jijai kuet ngen udi benea-benea dewasa, kunyau udi jijai sempurno taat ngen kelok Allah.

1 TESALONIKA 5:23

Semoga Allah suang de melei ite sejahtera, jemijai udi tun de sungguak-sungguak idup cuma utuk Allah. Semoga Allah jemago dirainu kutene, baik roh, jiwo ataupun awoknu, sehinggo coa ade cacetne pado waktau Tuhan te Yesus Kristus teko igai.

2 TIMOTIUS 3:17

Ngen awei o tiep-tiep manusio de Allah temuan, dapet jijai baik.

IBRANI 13:21

Semoga Allah sumber sejahtera o mlekep udi ngen kute de baik de udi perlu utuk menea kelok-Ne. Semoga liwet Yesus Kristus, Allah kemerjo neak lem ite, jano de kenlok-Ne. Lokba Kristus nujai selamo-lamone! Amin.

YAKOBUS 1:5

Amen ade tun neak antaro udi de kuang bijaksana, lokba si minoine kunei Allah, mako Allah bakea melei kebijaksanaan ngen udi; sebab ngen tiep tun, Allah melei ngen mu'eak atei ngen asai ibo.

YAKOBUS 3:2

Ite kute cet menea saleak. Tapi tun de coa perneak menea saleak ngen kecek-kecekne, si tun de sempurno, de dapet kemuaso kute diraine.

1 PETRUS 5:10

Tapi sesudo udi menderita tegoa, Allah suang bakea menea udi jijai sempurno. Si bakea temgok ngen kemuet udi serto kemukuak udi. Sebab Si adeba Allah de kembiak baik atei, de sudo menok ko utuk milau meraso keagungan-Ne de abadi liwet Kristus.

2 PETRUS 1:9

Tapi tun de coa temuan sifet-sifet o, pandanganne kidek; si coa nam kemliak ngen si coa tinget bahwo duso-dusone de bel'o sudo nersih.