YAKOBUS 1:27 - JANJAI BLAU Lem Bahaso Jang Bebilai

²⁷ Ketaatan beragamo de sucai ngen sejati temurut pandangan Allah Bapa adeba: temulung anok-anok yatim ngen rando-rando de saro, jemago dirai su'ang supayo jibeak nusak dunio yo.

YAKOBUS 1:27 ပူးပေါင်းရင်းမြစ်များ

MATIUS 12:32

Amen tun miling sesuatu tetang anok manusio, si dapet napun, tapi amen si mino Roh Sucai kunei Allah si coa bakea napun, teak uyo kulo neak akhirat!”

MATIUS 5:8

Allah melei rahmat ngen tun de sucai ateine; tobo'o bakea kemliak Allah.

LUKAS 1:6

Keduaine idup benea ngen sepenuakne neak adep Allah ngen temurut kute periteak de tentep Tuhan.

ROMA 12:2

Jibeakba udi serai awei dunio yo, tapi bubeakba ngen pribadinu de blau, sehinggo udi dapet mbeda ipe de kelok Allah: jano de baik, de semnang atei Allah ngen de sempurno.

ROMA 2:13

Kerno iso tun de temi'uk hukum agamo Yahudi de benea neak adep Allah, tapi tun de kemerjo hukum agamo Yahudiba de bakea benea.

GALATIA 1:4

Taat ngen kelok Allah Bapa ite, Kristus semreak dirai-Ne jijai kurban utuk duso-duso ite, supayo ite senlamat kunei zaman de jahat yo. Uku jijai rasul iso ngen perantara manusio atau kerno naket ngen manusio, mluyen ngen Yesus Kristus ngen Allah Bapa ite de sudo midup Si igai kunei matei.

GALATIA 3:11

Coa suang kulo de baik igai ngen Allah kerno kemerjo hukum agamo, kerno, “Tun de benea bakea idup ngen imen.”

GALATIA 5:6

Sebab bagiak tun-tun de ade neak lem Kristus Yesus hal sunat coa temuan tai, cuma imen de bekerjo ngen kasih.

GALATIA 6:14

Tapi uku samo sekilai coa lok ombong tetang jano bae, seluyen tetang Tuhante Yesus Kristus de sudo matei senalib. Sebab justru kerno Si bi matei senalib, mako dunio coa igai ade taine bagiak uku. Ngen teadep dunio yo, uku kulo seolah-olah bi matei.

EFESUS 2:2

Udi idup neak lemne, kerno udi temotoa dalen dunio yo, udi taat ngen penguaso kerajaan angkasa, adeba roh de uyo dong bekerjo neak antaro tun-tun durhako.

1 TIMOTIUS 1:5

Tujuan nasihat uku o adeba supayo tun dapet temuan atei de sucai serto sungguak-sungguak pecayo ngen Tuhan, ngen awei o tobo'o dapet mengasihi sesamone.

1 TIMOTIUS 5:4

Tapi amen suang rando temuan anok ngen kepau, tobo'oba de pertamo-tamo harus nelei pengertian bahwo tobo'o wajib memperhatikan keluargo tobo'o, ngen males jaso tun tuai ngen ninik tobo'o. Sebab hal o ba semnang atei Allah.

TITUS 2:12

Rahmat Allah o majea ite supayo coa igai idup melawen kelok Allah ngen coa temotoa kelok duniawi. Ite najea utuk idup lem dunio yo ngen namen temaen dirai, tulus, setia ngen Allah.

YAKOBUS 3:17

Tapi tun de temuan kebijaksanaan de kunei das adeba pertamo-tamo sucai, sesudo'o galok damoi, rama ngen penurut. Si penuak ngen asai ibo ngen masea perbuatan-perbuatan de baik. Si coa berpihok ngen coa munafik.

YAKOBUS 3:9

Ite makeine utuk madeak mokasiak ngen Tuhan, Bapa ite, tapi kulo utuk semupeak sesamo manusio de sudo cenipto temurut rupo Allah.

YAKOBUS 4:4

Udi adeba tun de coa setia? Jano udi namen bahwo amen udi bekuat ngen dunio, mako udi jijai musuak Allah? Jijai api de lok kuat dunio yo, si jemijai diraine musuak Allah.

2 PETRUS 1:4

Ngen ca'o do'oba Allah melei anugerah ngen ite berkat-berkat de kembiak luea biaso ngen bego de sudo jenanjai-Ne. Ngen berkat-berkat o udi dapet mbebas udi kunei kelok-kelok kidek de musak neak dunio yo, ngen udi temimo sifet ilahi.

2 PETRUS 2:20

Tun de kemnal Tuhan ngen Penyelamat ite Yesus Kristus sudo bebas kunei kuaso-kuaso dunio de menea manusio jijai najis. Tapi amen sesudo'o si tejerat igai sehinggo aleak ngen kuaso-kuaso o, mako keadaan tun o pado akhirne lebiak kidek kunei ayokne.

2 PETRUS 3:14

Sebab o, saudaro-saudaro de tecito, sementaro udi mbot kutene o, berusahoba sungguak-sungguak utuk idup sucai ngen coa ade cacet neak adep Allah, neaba hubungan de baik ngen Allah.

1 YOHANES 5:18

Ite namen bahwo kute tun de sudo jijai anok-anok Allah, coa bogoa menea duso, sebab Anok Allah semlamatne, ngen de jahat coa dapet menea jejano teadepne.