YAKOBUS 1:25 - JANJAI BLAU Lem Bahaso Jang Bebilai

²⁵ Hukum Allah sempurno ngen temuan kekuataan utuk mbebas manusio. Tun de semlidik ngen kemliak bebaik serto kemerjo hukum-hukum o, iso temi'uk bae lajau coa mingetne, tun o bakea diberkati Allah lem kute hal de neane.

YAKOBUS 1:25 ပူးပေါင်းရင်းမြစ်များ

LUKAS 11:28

Tapi Yesus jemawab, “Lebiak bahagia igai tun de temi'uk kecek Allah ngen maneune!”

YOHANES 13:17

Amen udi namen kutene yo, mako riang ba udi, amen udi menea ne.

YOHANES 8:36

Jijai, amen Anok o mbebas udi, udi kulo benea-benea mbebas.”

KISAH RASUL-RASUL 13:43

Sesudo selesei semyang, dau tun Yahudi ngen penganut-penganut agamo Yahudi de saben ngen Allah, temotoa Paulus ngen Barnabas; keduai rasul'o majea tobo'o ngen melei nasihat supayo tobo'o tep idup neak lem anugrah Allah.

KISAH RASUL-RASUL 2:42

Tobo'o tekun lem pengajaran rasul-rasul ngen bogoa bekopoa sesamo. Tobo'o mukmei sesamo ngen bedu'o sesamo.

KISAH RASUL-RASUL 26:22

Tapi berkat tulung Allah uku dapet idup sapei uyo, jijai saksai bagiak tun-tun titik ngen tun-tun lai. Jano de uku melei namen o coa luyen kunei de ayokne sudo nelei namen nebai-nebai ngen Musa,

ROMA 11:22

Sebab o kemliakba kemurahan Allah ngen kulo kekerasan-Ne, adeba kekerasan teadep tun-tun de sudo us, tapi das udi kemurahan-Ne, adeba amen udi tep lem kemurahan-Ne; amen coa, udi kulo coa bakea tentok.

ROMA 2:13

Kerno iso tun de temi'uk hukum agamo Yahudi de benea neak adep Allah, tapi tun de kemerjo hukum agamo Yahudiba de bakea benea.

ROMA 7:12

Jijai hukum agamo Yahudi adeba sucai, ngen periteak o kulo adeba sucai, benea ngen baik.

ROMA 8:15

Sebab udi coa temimo roh budok de menea udi jijai saben igai, tapi udi bi temimo Roh de jemijai udi anok-anok Allah. Ngen Roh o ite menggang, “ya Abba, ya Bapa!”

ROMA 8:2

Roh, de melei idup bi mbebas udi lem Kristus kunei hukum duso ngen hukum maut.

1 KORINTUS 15:58

Kerno o, Saudaro-saudaro de uku cemito, lokba udi kuet ngen teguak. Kerjoba terus utuk Tuhan ngen bebenea, sebab udi namen bahwo kute de udi kemerjo utuk Tuhan, coa bakea sesio.

2 KORINTUS 13:5

Cubo udi cemubo dirai suang jano udi benea-benea idup das dasar pecayo ngen Kristus! Paset udi sadar bahwo Kristus Yesus ade neak lem udi! Sebab amen coa awei o, udi coa taen cenubo.

GALATIA 2:4

Memang ade tun-tun de makso hal o. Tobo'o adeba tun-tun de makso masuk moi lem golongan ite ngen nyamar sebagoi pasuak. Tobo'o masuk seca'o dediem utuk semlidik kebebasan de ade ngen ite kerno ite jijai do ngen Kristus Yesus, supayo ngen ca'o o tobo'o dapet menea ite jijai hambane.

GALATIA 5:1

Ite uyo bi bebas, kerno Kristus bi mbebas ite. Kerno o, jagoba kebebasannu, ngen jibeak lok jijai bodok igai.

GALATIA 6:2

Lokba udi tulung temulung temanggung beban tun! Ngen awei o udi taat ngen periteak Kristus.

KOLOSE 1:23

Sebab o udi harus tep setia pecayo ngen kepercayaannu. Jibeak sapei udi muang harapan de sudo nelei ngen udi ketiko udi temimo Bito Baik kunei Allah. Bito o bi nelei namen ngen kute tun neak kute dunio. Ngen utuk do'oba kulo uku, Paulus, bi jijai pelayan.

1 TIMOTIUS 2:15

Tapi selawei bakea senlamat kerno melaher anok, asl si tep pecayo ngen Kristus, tep mengasihi tun luyen serto idup cuma utuk Allah.

1 TIMOTIUS 4:16

Ko harus ngawas diraine suang ngen ajarannu. Lokba ko setia menea kutene o, sebab ngen awei o ko bakea selamat baik dirainu suang atau tun-tun de temi'uk ko.

IBRANI 12:15

Jagoba jibeak sapei ade suang kulo de keluea kunei lingkungan kebaikan atei Allah, supayo jibeak ade de jijai awei tanem de ade acun neak tengeak-tengeak udi sehinggo timboa saro ngen musak dau tun ngen acunne.

YAKOBUS 2:12

Milingba ngen betindakba sebagai tun de bakea nukum temurut hukum Allah de mbebas manusio.

1 PETRUS 2:16

Lokba udi idup sebagai tun bebas, tapi jibeakba makei kebebasannu o utuk temutup kejahatan, meluyen idupba sebagai hamba Allah.

1 YOHANES 2:24

Sebab o, bito de sudo udi temi'uk sejak udi muloi pecayo harusba udi jemago bebaik neak lem atei. Amen bito o udi kemliak bebaik, udi bakea bogoa idup jijai do ngen Anok ngen Bapa.

WAHYU 14:13

Lajau uku temi'uk sa'ei kunei surgo madek, “Tulisba dio: Muloi uyo, riangba tun-tun de matei waktau dong melayan Tuhan!” “Benea!” jawab Roh Allah. “Tobo'o bakea bedan kerjo keras, kerno asea pelayanan tobo'o bakea semerto tobo'o.”

WAHYU 22:14

Riangba tun de mpuk jubahne sapei bersi sehinggo tobo'o berhok mbuk bueak kunei pun kehidupan ngen masuk moi lem kota o liwet gerbangne.