YAKOBUS 1:18 - JANJAI BLAU Lem Bahaso Jang Bebilai

¹⁸ Das kelok-Ne su'ang Si jemijai ite anok-anok-Ne liwet Firman-Ne de benea. Si menea o supayo ite dapet penan de utamo neak antaro kute makhluk ciptaan-Ne.

YAKOBUS 1:18 ပူးပေါင်းရင်းမြစ်များ

YOHANES 1:13

Tun-tun de leherne iso kunei daleak atau kunei kelok jasmani iso kulo ngen kelok suang semanei, seluyen kunei Allah.

ROMA 4:17

Awei ade tetulis, “Ko sudo uku menea jijai Bapa dau bangso.” Awei'oba Allah melei janjai o ngen Abraham. Ngen Abraham pecayo ngen-Si. Siba Allah de midup tun matei, Siba kulo Allah de ngen madeak bae menea jano de coa perneak ade jijai ade.

1 KORINTUS 4:15

Sebab ukuba de jijai bak udi, mukin sebagai tun Kristen, udi bi temuan puluak ribau gu'au. Neak lem idupnu sebagai tun-tun de jijai do ngen Kristus, uku de jijai baknu, kerno uku de mbin Bito Baik tetang Kristus ngen ko.

2 KORINTUS 6:7

serto ngen melei namen bito de kunei Allah ngen kuaso Allah, keme melei namen bahwo keme yo adeba hamba-hamba Allah. Keme bepegong ngen kelok Allah sebagai senatai keme utuk semrang atau utuk mbela dirai.

EFESUS 1:12

supayo keme, de ayokne bi mpek harapan ngen Kristus, buliak jijai puji-pujian bagiak kemulioan-Ne.

EFESUS 1:13

Udi kulo bi jijai umat Allah sewaktau udi temi'uk pesen Allah, adeba Bito Baik de melei keselamatan ngen ko. Udi pecayo ngen Yesus Kristus kerno o Allah melei tando de temuan-Ne ngenko, adeba Roh-Ne de jenanjai-Ne.

2 TIMOTIUS 2:15

Lokba ko berusaho sungguak-sungguak supayo Allah makau ko sebagai tun de layak bekerjo utuk-Ne. Berusahoba supayo ko coa selek tetang kerjonu, meluyen majea seca'o tepat ajaran-ajaran benea kunei Allah.

IBRANI 12:23

Udi temotoa sesuaktau pertemuan de meriah – pertemuan anok-anok tuai Allah, de genne ade neak lem surgo. Udi teko madep Allah, Hakim kute umat manusio. Udi madep roh-roh tun-tun baik, de sudo jijai sempurno.

YAKOBUS 1:15

Sesudo o, amen kelok de coa baik o tenotoa, mako laherba duso; amen duso bi lai, mako akibatne adeba matei.

YAKOBUS 1:21

Sebab o, nuangba tiep kebiasaan de coa baik ngen kidek. Temimoba ngen rendeak atei firman de nea Allah neak lem ateinu, sebab firman o temuan kekuatan utuk semlamat udi.

YAKOBUS 3:14

Tapi amen udi nyebuau, gis atei ngen meker dirai su'ang, jibeakba ombong ngen kebijaksanaan o, kerno ngen o udi ngike melawen kebenaran kunei Allah.

1 PETRUS 1:23

Sebab liwet Firman Allah de idup ngen de kekal o, udi sudo jenijai manusio belau de iso laher kunei manusio, meluyen kunei Bapa de kekal.

1 PETRUS 1:3

Maroba ite bersyukur ngen Allah, Bapa Tuhan ite Yesus Kristus! Si kembiak mengasihi ite, do'o sebabne Si melei ngen ite idup de belau, midup igai Yesus Kristus kunei matei. Dio melei ite harapan de kuet.

1 YOHANES 3:9

Tun de sudo jijai Anok Allah, coa menea duso igai, sebab sifet Allah ade neak diraine. Ngen kerno Allah o Bapane, mako si coa dapet menea duso igai.

WAHYU 14:4

Tobo'o tun-tun de tep sucai awei perawan, kerno coa menea hubungan ngen selawei. Tobo'o temotoa Anok Bebirai o moi ipe bae si lalau. Kunei antaro umat manusio, tobo'oba de sudo bebas sebagai persembahan de pertamo ngen Allah ngen Anok Bebirai.