YAKOBUS 1:14 - JANJAI BLAU Lem Bahaso Jang Bebilai

¹⁴ Tapi tun tergoda amen si tenarik ngen tepiket ngen kelokne su'ang de coa baik.

YAKOBUS 1:14 ပူးပေါင်းရင်းမြစ်များ

EFESUS 4:22

Sebab o tenanggeaba manusio an ngen pola idup an de gidong nusak ngen kelok-kelokne de seset.

MATIUS 15:18

Tapi de kunei bibia, asalne kunei atei. Do'oba de menea tun ijai najis.

IBRANI 3:13

Jijai, supayo coa ade suang kulo kunei udi de keno pike ngen duso sehinggo melawen Allah, lokba udi saling melei nasihat tiep bilai selamo ite masiak idup lem zaman de senbut “Bilai Yo” lem Kiteb Sucai.

ROMA 7:13

Amen awei o, jano de baik o menea uku matei? Paset bae coa! Tapi supayo nyato, bahwo si adeba duso, mako duso makei de baik utuk menea uku matei, supayo ngen periteak o duso lebiak nyato igai keadaanne sebagai duso.

MATIUS 5:28

Tapi uyo uku madeak ngen udi: api bae kemliak selawei ngen nafsu, tun'o bi menea zina ngen selawei'o lem ateine.

ROMA 7:11

Sebab lem periteak o, duso dapet kesepatan utuk ngike uku ngen kerno periteak o si munuak uku.

MATIUS 15:20

Hal-hal'oba sembab tun ijai najis, ngen coa kerno mbuk ngen tangen de coa mepuk.”

MATIUS 4:1

Roh sucai kunei Allah mbin Yesus moi padang pasir utuk cenubo Iblis.

YAKOBUS 1:13

Amen su'ang tun tergoda ngen cobaan de awei o, jibeakba si madeak, “Godaan yo tekone kunei Allah,” sebab Allah coa dapet tegoda ngen kejahatan, coa kulo menggoda suang tun kulo.

YAKOBUS 1:15

Sesudo o, amen kelok de coa baik o tenotoa, mako laherba duso; amen duso bi lai, mako akibatne adeba matei.