YAKOBUS 1:12 - JANJAI BLAU Lem Bahaso Jang Bebilai

¹² Riangba tun de sabar pado waktau si cenubo. Sebab sesudo si berasea taen lem cobaan o, si bakea temimo upeakne, adeba idup de sudo jenanjai Allah ngen tun-tun de cito ngen Allah.

YAKOBUS 1:12 ပူးပေါင်းရင်းမြစ်များ

MATIUS 10:22

Kerno udi penotoa-Ku, tun bakea jengik ngen udi. Tapi tun de tep pecayo ngen Uku sapei akhir, Allah bakea semlamat si.

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

LUKAS 6:22

Bahagiaba udi amen jenngik, tenulok, nino ngen fitneah kerno Anok Manusio.

ROMA 5:4

ngen ketaatan menea ite taen nujai ngen kerno ite taen nujai, ite dapet pengharapan.

ROMA 8:28

Ite namen uyo, bahwo Allah kulo kerjo lem kute sesuaktau utuk mbin kebaikan utuk tobo'o de mengasihi Si, adeba utuk tobo'o de nok-Ne sesuai ngen rencano Allah.

1 KORINTUS 2:9

Sebelekne hal o adeba awei de tetulis lem Kiteb Sucai, “Jano de coa perneak kenliak atau teni'uk manusio, ngen coa perneak kulo timboa lem pekeran manusio, do'oba de seniap Allah utuk tun-tun de sayang ngen-Si.”

1 KORINTUS 8:3

Tapi de sungguak kemasiak Allah, Allah namen ngen si.

1 KORINTUS 9:25

Tiep tun de gidong latihan, tema'en dirai lem kute hal. Si menea o kerno si lok dapet hadiah. Hadiah o coa taen an. Tapi ite yo temaen dirai lem kute hal kerno ite lok hadiah de taen an.

2 TIMOTIUS 2:15

Lokba ko berusaho sungguak-sungguak supayo Allah makau ko sebagai tun de layak bekerjo utuk-Ne. Berusahoba supayo ko coa selek tetang kerjonu, meluyen majea seca'o tepat ajaran-ajaran benea kunei Allah.

2 TIMOTIUS 4:8

Uyo bi seniap utuk uku kemenangan. Pado Bilai Kiamat, Tuhan, Hakim de adea o bakea semreak hadiah o ngen uku, kerno uku idup baik ngen Allah. Ngen iso uku bae de bakea temimo hadiah o, tapi kulo tun de kembiak indau mbot tekone Tuhan.

IBRANI 10:32

Ingetba awei ipe keadaan Saudaro-saudaro pado waktau de sudo. Pado waktau o, sesudoh cahayo Allah menyinarimu, udi dau menderita; tapi udi tep bejuang ngen gigih.

IBRANI 11:17

Kerno berimen kulo, mako Abraham melei Ishak sebagai kurban ketiko si cenubo Allah. Ngen Abrahamba Allah melei janjai-Ne, tapi Abraham rela semreak anokne dedone o.

IBRANI 12:5

Jibeakba coa inget nasehat Allah yo, de nelei ngenko sebagai anok-anok-Ne: “Anok-Ku, kenliakba bebaik ajaran Tuhan, ngen jibeakba titik atei amen Tuhan mengiakko.

IBRANI 6:15

Abraham mbot ngen sabar, mako si temimo jano de jenanjai Allah ngen si.

YAKOBUS 2:5

Ingetba, Saudaro-saudaro de tecito! Tun de peset neak dunio yo, niliak Allah utuk jijai tun de kayo lem imen. Tun-tun o bakea jijai anggota umat Allah awei de jenanjai Allah ngen tun de mengasihi-Ne.

YAKOBUS 5:11

Tobo'o senbut bahagia sebab tobo'o sabar. Udi bi temi'uk tetang kesabaran Ayub, ngen udi namen awei ipe Tuhan pado akhirne memberkati si. Sebab Tuhan kembiak sayang ngen baik atei.

1 PETRUS 3:14

Tapi kunyau udi harus saro kerno menea hal-hal de baik, udi butung! Jibeakba saben ngen api bae, jibeak khawatir.

1 PETRUS 4:13

Malah, lokba udi meraso senang kerno milau menderita besamo-samo ngen Kristus. Mako konyo amen keagungan Kristus kenten, udi bakea bersukacita.

1 PETRUS 4:14

Udi butung amen udi nino sebab udi penotoa Kristus. Do'o beartai Roh de mulio, adeba Roh Allah, ade padonu.

1 PETRUS 5:10

Tapi sesudo udi menderita tegoa, Allah suang bakea menea udi jijai sempurno. Si bakea temgok ngen kemuet udi serto kemukuak udi. Sebab Si adeba Allah de kembiak baik atei, de sudo menok ko utuk milau meraso keagungan-Ne de abadi liwet Kristus.

1 PETRUS 5:4

Pado waktau Gembala Agung o teko konyo, udi bakea temimo mahkota de gemilang, de coa bakea pudea kegemilanganne.

1 YOHANES 4:19

Ite mengasiak, sebab Allah lebiak dute mengasiak ite.

WAHYU 2:10

Jibeakba saben te'adep penderitaan de coa an igai harus udi meding. Tinget, Iblis bakea embin kekedau kunei udi masuk lem sel utuk cemubo udi. Udi bakea saro puluak bilai an ne. Lokba udi setia ngen Uku sapei matei, mako Uku bakea melei ngen udi idup sejati ngen kekal sebagai hadiah kemenangan.

WAHYU 3:19

Tun-tun de uku kasihi, tobo'oba de Uku tema'ok ngen Uku cambuk. Kerno o lokba udi semangat, ngen tobatba kunei duso-dusonu.

WAHYU 3:21

Tobo'o de menang, bakea Uku melei izin temot neak takhta-Ku besamo Uku, serai awei Uku suang bi menang ngen uyo temot besamo Bapa-Ku neak takhta-Ne.