WAHYU 9:14 - JANJAI BLAU Lem Bahaso Jang Bebilai

¹⁴ Sa'ei o madeak ngen malaikat kenum o, “Pasba kepat malaikat de neket neak Bioa Efrat o!”

WAHYU 9:14 ပူးပေါင်းရင်းမြစ်များ

WAHYU 16:12

Sesudo'o malaikat kenum temupeak si'ing penanne moi Bioa Efrat de lai o. Mako bioa o ke'ing sehinggo rajo-rajo kunei timur dapet paneu melitasne.

WAHYU 7:1

Sesudo'o, uku kemliak pat tun malaikat je neak kepat penjuru bumai. Tobo'o temaen kepat angin neak bumai supayo jibeak ade ibut de kembus neak da'et atau neak laut, atau neak pun-pun.

WAHYU 7:2

Lajau uku kemliak suang malaikat de luyen teko kunei peak timur. Si mbin segel kunei Allah de idup. Ngen sa'ei lek malaikat o menok kepat malaikat de sudo kenuaso kunei Allah utuk musak bumai ngen laut.

WAHYU 8:2

Lajau uku kemliak ketujuak malaikat de je neak adep Allah, ngen tobo'o nelei tujuak bueak trupet.

WAHYU 8:6

Sesudo'o, tujuak malaikat de megong tujuak trupet o siap-siap utuk kembus.

WAHYU 9:15

Kepat malaikat o nepas. Tobo'o sudo seniap khusus bagiak jam, bilai, bulen ngen taun o utuk munuak sepertelau kunei kute umat manusio.