WAHYU 8:8 - JANJAI BLAU Lem Bahaso Jang Bebilai

⁸ Lajau malaikat keduai kembus trupetne, ade sesuaktau awei tebo lai de menyala-nyala neluk moi lem laut. Sepertelau lautan bubeak jijai daleak,

WAHYU 8:8 ပူးပေါင်းရင်းမြစ်များ

MARKUS 11:23

Uku madeak ngen udi: Sesungguakne api de madeak ngen tebo yo: ‘Taketba ngen tekuangba moi lem laut!’ Asal coa ragau ateine, tapi masai, bahwo jano de nadeakne'o bakea te jijai, mako hal'o bakea te jijai utukne.

WAHYU 11:6

Tobo'o temuan kuaso utuk temutup lenget supayo jibeak tu'un ujen selamo tobo'o melei namen bito kunei Allah. Tobo'o temuan kulo kuaso das kute matai bioa, utuk mubeak bioa jijai daleak. Ngen tobo'o temuan kulo kuaso utuk mokoa bumai ngen kute mecem bencano, tengen bae tobo'o lok meneane.

WAHYU 12:4

Ngen ikoane si seme'et sepertelau kunei bitang-bitang neak lenget ngen nuangne moi bumai. Nagai o je neak adep selawei de lok melaher o ngen maksud temlen anokne, sesudo anokne laher.

WAHYU 8:7

Lajau malaikat de pertamo kembus trupetne ngen tejijaiba ujen es, ngen opoi capua daleak tu'un ngen de'esne moi bumai. Sepertelau bumai habis tekemben; awei'o kulo sepertelau kunei pun-pun ngen tiep dukut de ijo.

WAHYU 9:15

Kepat malaikat o nepas. Tobo'o sudo seniap khusus bagiak jam, bilai, bulen ngen taun o utuk munuak sepertelau kunei kute umat manusio.

WAHYU 9:18

Sepertelau kunei umat manusio matei kerno bencana o; adeba opoi, asep ngen bli'ang de keluea kunei bibia kudo-kudo o.