WAHYU 8:7 - JANJAI BLAU Lem Bahaso Jang Bebilai

⁷ Lajau malaikat de pertamo kembus trupetne ngen tejijaiba ujen es, ngen opoi capua daleak tu'un ngen de'esne moi bumai. Sepertelau bumai habis tekemben; awei'o kulo sepertelau kunei pun-pun ngen tiep dukut de ijo.

WAHYU 8:7 ပူးပေါင်းရင်းမြစ်များ

WAHYU 9:4

Tobo'o cao buliak musak dukut, atau pun-pun, atau tanem-tanem luyenne. Tobo'o cuma buliak semrang tun-tun de neak ningne coa ade tando segel kunei Allah.

WAHYU 9:18

Sepertelau kunei umat manusio matei kerno bencana o; adeba opoi, asep ngen bli'ang de keluea kunei bibia kudo-kudo o.

WAHYU 9:15

Kepat malaikat o nepas. Tobo'o sudo seniap khusus bagiak jam, bilai, bulen ngen taun o utuk munuak sepertelau kunei kute umat manusio.

WAHYU 16:21

Ujen es lai, masing-masing si'ingne lemo puluak kilo, cucia kunei lenget keno tun-tun. Mako tobo'o nyupeak Allah kerno bencano ujen es de kembiak lai o.

WAHYU 16:2

Malaikat pertamo lalau ngen temupeak si'ing penanne moi das bumai. Mako timboaba bisoa-bisoa de kidek ngen bahayo utuk kute tun de makei tando kunei benatang o, ngen tun-tun de nyembeak patungne.

WAHYU 12:4

Ngen ikoane si seme'et sepertelau kunei bitang-bitang neak lenget ngen nuangne moi bumai. Nagai o je neak adep selawei de lok melaher o ngen maksud temlen anokne, sesudo anokne laher.

WAHYU 6:8

Uku kemliak, lajau keten dikup kudo pucet. Gen de ngembinne adeba Maut ngen kerajaan maut notoane. Kuaso das seperapat kunei bumai yo senreak ngen tobo'o, supayo tobo'o dapet munuak liwet perang, liwet kelaparan, liwet wabah olon ngen liwet benatang-benatang buas.

1 PETRUS 1:24

Lem Kiteb Sucai tetulis awei yo, “Kute umat manusio awei dukut, ngen kute kebesaranne awei bungai dukut. Dukut lew, bungaine kulo gugua;

YAKOBUS 1:11

Pado waktau matai bilai terbit ngen panesne tenget, mako dukut o bakea jijai leu sehinggo guguaba bunggaine ngen nyepba kulo kebaesne. Awei'oba kulo ngen tun de kayo; si bakea ajua pado waktau si gidong maneu usahone.

WAHYU 7:1

Sesudo'o, uku kemliak pat tun malaikat je neak kepat penjuru bumai. Tobo'o temaen kepat angin neak bumai supayo jibeak ade ibut de kembus neak da'et atau neak laut, atau neak pun-pun.