WAHYU 8:5 - JANJAI BLAU Lem Bahaso Jang Bebilai

⁵ Sesudo'o malaikat o mok pedupaan o, semi'ingne ngen opoi kunei mezbah, lajau melukne moi das bumai. Mako gutua gemruduk, serto glep ngen gepo.

WAHYU 8:5 ပူးပေါင်းရင်းမြစ်များ

WAHYU 11:19

Mako tukokba Bait Sucai Allah neak surgo, ngen ketenba Petai Perjanjian neak lemne. Lajau tejijaiba kilat, gutua gemruduk, gepo ngen ujen es de lai.

WAHYU 4:5

Kunei takhta o terpancar cahayo glep ngen keluea sa'ei gutua de kembiak lai. Ngen neak adep takhta o ade tujuak obor de nyala; do'oba ketujuak Roh Allah.

KISAH RASUL-RASUL 16:26

Tapi tejijaiba gepo de lai, sehinggo fondasi-fondasi sel o gucang; seketiko o kulo tukokba kute bang ngen tukokba ratoi-ratoi de meket tobo'o kute.

WAHYU 11:13

Mako waktau o kulo tejijaiba gepo lai. Seperpuluak kunei kota o ajua, ngen tujuak ribau tun matei kerno gepo o. Tun-tun luyenne jijai kembiak saben, lajau tobo'o mujai kebesaran Allah neak surgo.

WAHYU 6:12

Lajau uku kemliak Anok Bebirai o mukok segel de kenum. Tejijaiba gepo lai, matai bilai jijai meleu awei kain meleu de kasar, ngen bulen jijai mileak awei daleak.

KISAH RASUL-RASUL 4:31

Sesudo tobo'o selsei bedu'o, penan tobo'o bekopoa o unyak. Tobo'o kutene kenuaso Roh Sucai, ngen muloi miling ngen binai nien tetang bito kunei Allah.

LUKAS 12:49

“Uku teko utuk meluk opoi moi bumai ngen Uku kembiak ma'ep, opoi o bi idup!

MATIUS 24:7

Bangso de do bakea prang mlawen bangso de luyen, negara de do bakea semrang negara de luyen. Neak ipe-ipe bakea tejijai bahayo nyemen ngen gepo.

WAHYU 8:3

Suang malaikat luyen, de mbin debueak pedupaan mas, teko ngen je neak adep mezbah. Ngen si nelei dau nien kemenyen utuk persembahan ngen du'o-du'o kute umat Allah ngen utuk persembahan neak mezbah mas de ade neak adep takhta.