WAHYU 8:3 - JANJAI BLAU Lem Bahaso Jang Bebilai

³ Suang malaikat luyen, de mbin debueak pedupaan mas, teko ngen je neak adep mezbah. Ngen si nelei dau nien kemenyen utuk persembahan ngen du'o-du'o kute umat Allah ngen utuk persembahan neak mezbah mas de ade neak adep takhta.

WAHYU 8:3 ပူးပေါင်းရင်းမြစ်များ

LUKAS 1:10

Pado waktau upacara embem kemnyen, kute umat bekopoa neak luea ngen semyang.

ROMA 8:34

Kristus Yesus, de sudo matei? Bahkan lebiak igai, de sudo idup igai, de kulo temot neak peak kanen Allah, de malah jijai Pembela ite?

IBRANI 7:25

Kerno o utuk selamo-lamone Yesus dapet semlamat tun-tun de teko ngen Allah liwet Si, sebab Si idup selamo-lamone utuk melei permohonan ngen Allah bagiak tun-tun o.

IBRANI 9:4

Neak lem ruangan o ade mezbah de nea kunei mas utuk mbem dupa, ade kulo Petai Perjanjian de kutene lapis ngen mas. Neak lem Petai o ade belangai mas si'ingne manna, tokot Harun de sudo tunes, ngen duai lepeng butau tulis de neak dasne tetulis puluak periteak kunei Allah.

WAHYU 10:1

Lajau uku kemliak suang malaikat perkasa de luyen tu'un kunei surgo. Si tenutup embun, ngen pelangi melikea neak ulaune. Papeane bersinar awei matai bilai, kekeane awei tiang opoi.

WAHYU 14:18

Sesudo'o, su'ang malaikat luyen, de bekuaso das opoi, teko kunei mezbah. Ngen sa'ei de lek si menggang ngen malaikat de megong sabit de tajem o, “Nanyunba sabit nu o ngen temuun buak-buak pun anggur neak bumai, kerno buak-buakne bi mesok!”

WAHYU 5:8

Sementaro Anok bebirai o menea awei o, tukupba kepat makhluk ngen keduai puluak pat pemipin o neak adep-Ne. Tobo'o masing-masing megong kecapi ngen makuk mas de isaine kemenyen, adeba du'o-du'o umat Allah.

WAHYU 6:9

Sesudo'o Anok Bebirai o mukok segel de kelemo. Uku kemliak neak beak mezbah ade roh-roh tun-tun matei nunuak kerno tobo'o kemuet firman Allah liwet saksai tobo'o.

WAHYU 7:2

Lajau uku kemliak suang malaikat de luyen teko kunei peak timur. Si mbin segel kunei Allah de idup. Ngen sa'ei lek malaikat o menok kepat malaikat de sudo kenuaso kunei Allah utuk musak bumai ngen laut.

WAHYU 8:4

Besamo ngen du'o-du'o tobo umat Allah, asep kemenyen de gidong idup o kenek kunei tangen malaikat de je neak adep Allah o.

WAHYU 8:5

Sesudo'o malaikat o mok pedupaan o, semi'ingne ngen opoi kunei mezbah, lajau melukne moi das bumai. Mako gutua gemruduk, serto glep ngen gepo.

WAHYU 9:13

Sesudo'o malaikat de kenum kembus trupetne. Mako uku temi'uk sa'ei teko kunei kepat sudut mezbah mas de ade neak adep Allah.