WAHYU 8:2 - JANJAI BLAU Lem Bahaso Jang Bebilai

² Lajau uku kemliak ketujuak malaikat de je neak adep Allah, ngen tobo'o nelei tujuak bueak trupet.

WAHYU 8:2 ပူးပေါင်းရင်းမြစ်များ

MATIUS 18:10

“Awas! Jibeak mino suang tun-tun titik yo. Sebab ingetba, malaikat-malaikat tobo'o selalu ade neak adep Bak-Ku neak surgo. [

MATIUS 24:31

Trupet lai bakea sena'ei, ngen Anok Manusio bakea mluak malaikat-malaikat-Ne kemopoa umatne kunei kepat sudut bumai, kunei ujung lenget dedo sapei ujung lenget de luyen.”

LUKAS 1:19

Jawab malaikat o ngen si, “Ukuba Gabriel de melayan Allah ngen uku bi nutus utuk miling ngen ko ngen utuk semapei Bito Baik yo ngen ko.

LUKAS 21:36

Bejago-jagoba, ngen bedu'oba bogoa supayo udi kuet matasi kute hal de bakea tejijai ngen udi dapet madep Anok Manusio.”

1 KORINTUS 15:52

Hal o bakea tejijai tetibo lem dekejeb matai, pado waktau trupet teniup utuk terakhir kilaine. Sebab pado waktau teni'uk sa'ei trupet o, tun-tun matei bakea nidup igai ngen awok de kekal, ngen ite kutene bakea nubeak.

1 TESALONIKA 4:16

Be malaikat agung bakea menggang ngen sa'ei lek ngen terupet Allah sa'ei sebagai tando aba-aba. Lajau Tuhan Yesus suang bakea tu'un kunei surgo, ngen tun-tun de matei lem Kristus bakea lebiak dute idup igai.

WAHYU 1:4

Saudaro-saudaro de ade neak ketujuak jemaat neak daerah Asia! Uku, Yohanes, ma'ep udi nelei berkat ngen sejahtera kunei Allah – adeba Si de ade, de sudo ade, ngen de ade seterusne – ngen kulo kunei ketujuak roh de ade neak adep takhta Allah,

WAHYU 11:15

Lajau malaikat ketujuak kembus trupetne, mako neak surgo teni'uk sa'ei-sa'ei kembiak lek de madeak, “Kuaso utuk meriteak dunio uyo ade neak tangen Tuhan ite ngen Rajo Penyelamat de jenanjai-Ne. Si bakea meriteak utuk selamo-lamone!”

WAHYU 15:1

Sesudo'o uku kemliak neak lenget sesuaktau de ajaib ngen luea biaso lai ne. Ade tujuak malaikat ngen tujuak bencano de terakhir. Dioba akhir murka Allah.

WAHYU 16:1

Lajau uku temi'uk sa'ei kunei Bait Allah madeak ngen ketujuak malaikat o, “Lalauba ngen ne'engba ketujuak murka Allah o moi das bumai.”

WAHYU 8:13

Lajau uku kemliak, mako uku temi'uk dikup burung rajowali de gidong tebang lekat neak udaro, menggang, “Celako! Celako! Celakoba kute tun neak bumai amen temi'uk ketelau malaikat luyenne kembus trupetne be!”

WAHYU 8:6

Sesudo'o, tujuak malaikat de megong tujuak trupet o siap-siap utuk kembus.

WAHYU 9:1

Lajau malaikat de kelemo kembus trupetne, ngen uku kemliak debueak bitang us kunei lenget moi das bumai. Bitang o nelei anok kucai jurang maut. Penan uak neak beak bumai neak ipe roh-roh jahat nukum sapei bilai ukumanne de terakhir.