WAHYU 8:13 - JANJAI BLAU Lem Bahaso Jang Bebilai

¹³ Lajau uku kemliak, mako uku temi'uk dikup burung rajowali de gidong tebang lekat neak udaro, menggang, “Celako! Celako! Celakoba kute tun neak bumai amen temi'uk ketelau malaikat luyenne kembus trupetne be!”

WAHYU 8:13 ပူးပေါင်းရင်းမြစ်များ

IBRANI 1:14

Amen awei o, malaikat-malaikat o jano sebeneane? Tobo'o adeba roh-roh de melayan Allah, de neluak Allah utuk temulung tun-tun de bakea tenimo keselamatan.

WAHYU 11:14

Celako de keduai bi liwet. Tapi kenliakba! Celako de ketelau tegoa igai bakea nyusul.

WAHYU 12:12

Sebab o, lokba surgo ngen kute de tinggea neak lemne, riang! Tapi celakoba bumai ngen laut, sebab Iblis bi tu'un ngen udi, ngen kembiak mengiak, kerno si namen bahwo waktaune tinggea didik igai.”

WAHYU 14:3

Neak adep takhta ngen kepat makhluk serto paro pemipin neak sekeliling takhtane o, sotos pat puluak pat ribau tun o embin legau de blau. Coa su'ang tun kulo dapet belajea legau o seluyen kunei sotos pat puluak pat riba tun de sudo bebas kunei bumai o.

WAHYU 14:6

Lajau uku kemliak suang malaikat luyen de tebang lekat neak lenget. Malaikat o mbin bito tetang Bito Baik de abadi utuk senapei ngen manusio neak bumai adeba ngen kute bangsa, suku, bahaso ngen negara.

WAHYU 19:17

Lajau uku kemliak su'ang malaikat je neak das matai bilai. Ngen sa'ei de lek si menggang ngen kute burung de tebang neak udaro, “Maroba bekopoa utuk moi lem perjamuan Allah, perjamuan de lai.

WAHYU 3:10

Kerno udi bi kemerjo periteak-Ku supayo tekun, Uku kulo bakea jemago udi kunei bilai pencobaan de bakea teko moi kute dunio. Hal o bakea tejijai utuk cemubo kute tun neak bumai.

WAHYU 8:2

Lajau uku kemliak ketujuak malaikat de je neak adep Allah, ngen tobo'o nelei tujuak bueak trupet.

WAHYU 9:1

Lajau malaikat de kelemo kembus trupetne, ngen uku kemliak debueak bitang us kunei lenget moi das bumai. Bitang o nelei anok kucai jurang maut. Penan uak neak beak bumai neak ipe roh-roh jahat nukum sapei bilai ukumanne de terakhir.

WAHYU 9:12

Celako de pertamo bi liwet. Sesudo'o ade duai celako igai de harus teko.