WAHYU 8:12 - JANJAI BLAU Lem Bahaso Jang Bebilai

¹² Lajau malaikat kepat kembus trupetne. Mako tetepokba sepertelau kunei matai bilai, sepertelau kunei bulen, ngen sepertelau kunei bitang-bitang sehinggo nyepba sepertelau kunei kekuatan cahayo tobo'o. Kulo sepertelau kunei lueng coa te'ang ngen awei o kulo sepertelau kunei kelmen.

WAHYU 8:12 ပူးပေါင်းရင်းမြစ်များ

MATIUS 24:29

“Coa an sesudo maso de saro'o, matai bilai bakea jijai gelep ngen bulan coa becayo igai. Bitang-bitang bakea us kunei lenget ngen paro penguaso lenget bakea kacau balau.

MATIUS 27:45

Pado tengeak bilai, selamo telau jam, kute negerai'o jijai gelep.

MARKUS 13:24

“Tapi pado maso o, sesudo sikso o, matai bilai bakea jijai kelem ngen bulen coa becahayo.

MARKUS 15:33

Pado jam duai belas, kelem kute daerah'o ngen belangsung sapei jam telau pelbea.

LUKAS 21:25

“Ngen bakea ade tando-tando pado matai bilai ngen bulen ngen bitang-bitang, ngen neak bumai bangso-bangso bakea saben ngen bingung madep sa'ei umbok laut.

KISAH RASUL-RASUL 2:20

Matai bilai bakea bubeak jijai kelem, ngen bulen jijai mileak ayok tekone Bilai Tuhan, bilai de lai ngen mulio o.

2 KORINTUS 4:4

Tun-tun de coa pecayo, de pekeranne bi tetutup ngen ilah zaman yo, sehinggo tobo'o coa kemliak cahayo kunei Bito Baik o de adeba gambar Allah.

WAHYU 12:4

Ngen ikoane si seme'et sepertelau kunei bitang-bitang neak lenget ngen nuangne moi bumai. Nagai o je neak adep selawei de lok melaher o ngen maksud temlen anokne, sesudo anokne laher.

WAHYU 16:10

Lajau malaikat kelemo temupeak si'ing penanne moi takhta benatang o. Mako kute kerajaan benatang o jijai kelem, ngen manusio menget dileak kerno gis.

WAHYU 6:12

Lajau uku kemliak Anok Bebirai o mukok segel de kenum. Tejijaiba gepo lai, matai bilai jijai meleu awei kain meleu de kasar, ngen bulen jijai mileak awei daleak.

WAHYU 9:15

Kepat malaikat o nepas. Tobo'o sudo seniap khusus bagiak jam, bilai, bulen ngen taun o utuk munuak sepertelau kunei kute umat manusio.

WAHYU 9:18

Sepertelau kunei umat manusio matei kerno bencana o; adeba opoi, asep ngen bli'ang de keluea kunei bibia kudo-kudo o.