WAHYU 7:2 - JANJAI BLAU Lem Bahaso Jang Bebilai

² Lajau uku kemliak suang malaikat de luyen teko kunei peak timur. Si mbin segel kunei Allah de idup. Ngen sa'ei lek malaikat o menok kepat malaikat de sudo kenuaso kunei Allah utuk musak bumai ngen laut.

WAHYU 7:2 ပူးပေါင်းရင်းမြစ်များ

MATIUS 16:16

Simon Petrus jemawab, “Bak adeba Rajo Penyelamat, Anok Allah De Idup.”

MATIUS 26:63

Tapi Yesus diem bae. Lajau nadeak imem lai'o ngen Yesus, “Kerno Allah'o idup, nadeakba ngen keme, jano Ko Rajo Penyelamat, Anok Allah atau coa?”

YOHANES 6:27

Bekerjoba, iso utuk kembuk de dapet benaso, tapi utuk kembuk de beta'en sapei ngen idup de kekal, de bakea nelei Anok Manusio ngen udi; sebab Siba de sudo nsah ngen Allah Bapa.”

2 KORINTUS 1:22

Utuk o Allah sudo menea ite jijai de Allah temuan ngen melei Roh-Ne neak lem ateite sebagoi jaminan bahwo Si bakea melei ngen ite kute de jenanjai-Ne.

EFESUS 1:13

Udi kulo bi jijai umat Allah sewaktau udi temi'uk pesen Allah, adeba Bito Baik de melei keselamatan ngen ko. Udi pecayo ngen Yesus Kristus kerno o Allah melei tando de temuan-Ne ngenko, adeba Roh-Ne de jenanjai-Ne.

EFESUS 4:30

Jibeakba udi menea atei Roh Allah jijai ibo, de sudo memateraikan udi ayok bilai penyelamatan.

1 TESALONIKA 1:9

Kute tun miling tetang awei ipe udi temimo keme ketiko keme bel'o teko ngen udi. Tobo'o miling tetang awei ipe udi teminggea patung-patung, teko ngen do-done Allah de idup utuk mengabdi ngen-Si.

2 TIMOTIUS 2:19

Tapi dasar de mpek Allah o coa dapet nunyak. Neak dasne tetulis dio, “Tuhan namen tun-tun de temuan-Ne”, ngen “Tun de madeak bahwo si de Tuhan temuan, tun o harus bedan menea de saleak”.

IBRANI 12:22

Sebelekne, udi bi teko moi Tebo Sion ngen kota Allah de idup, adeba Yerusalem de neak surgo ngen beribau malaikatne.

WAHYU 1:3

Riangba tun de mbaco ngen tun de temi'uk bito tetang bukau yo serto taat ngen jano de tetulis neak lemne. Sebab coa an igai kutene yo bakea tejijai.

WAHYU 10:1

Lajau uku kemliak suang malaikat perkasa de luyen tu'un kunei surgo. Si tenutup embun, ngen pelangi melikea neak ulaune. Papeane bersinar awei matai bilai, kekeane awei tiang opoi.

WAHYU 10:4

Sesudo ketujuak gutua o miling, uku lok temulisne, tapi uku temi'uk sa'ei kunei surgo madeak, “Neresioba jano de nadeak tujuak gutua o; jibeak temulisne!”

WAHYU 16:12

Sesudo'o malaikat kenum temupeak si'ing penanne moi Bioa Efrat de lai o. Mako bioa o ke'ing sehinggo rajo-rajo kunei timur dapet paneu melitasne.

WAHYU 5:2

Lajau uku kemliak suang malaikat de perkasa menggang ngen sa'ei de lek, “Api de layak mukok segel-segel yo ngen mukok bukau yo?”

WAHYU 8:3

Suang malaikat luyen, de mbin debueak pedupaan mas, teko ngen je neak adep mezbah. Ngen si nelei dau nien kemenyen utuk persembahan ngen du'o-du'o kute umat Allah ngen utuk persembahan neak mezbah mas de ade neak adep takhta.

WAHYU 9:14

Sa'ei o madeak ngen malaikat kenum o, “Pasba kepat malaikat de neket neak Bioa Efrat o!”

WAHYU 9:4

Tobo'o cao buliak musak dukut, atau pun-pun, atau tanem-tanem luyenne. Tobo'o cuma buliak semrang tun-tun de neak ningne coa ade tando segel kunei Allah.