WAHYU 7:17 - JANJAI BLAU Lem Bahaso Jang Bebilai

¹⁷ sebab Anok Bebirai de temot neak tengeak-tengeak takhta o bakea jijai gembala tobo'o. Si bakea mi'ing tobo'o moi sumber bioa de melei kehidupan. Ngen Allah bakea mapus kute bioa matai kunei matai tobo'o.”

WAHYU 7:17 ပူးပေါင်းရင်းမြစ်များ

MATIUS 2:6

‘Hoi kumu, tun-tun kota Betlehem, neak taneak Yudea, jibeak manggap kotanu bakea titik taine nebanding kota-kota utamo de ade neak taneak Yehuda. Kerno kunei lem kotanu bakea laher suang pemipin lai. Si bakea mipin Israel, umat-Ku.’ ”

MATIUS 5:4

Allah melei rahmat ngen tun de beduko Allah bakea mibur tobo'o!

YOHANES 10:11

Uku ba gembala de baik. Gembala de baik melei nyabaine utuk bebirai ne.

YOHANES 10:14

Uku ba gembala de baik ngen Uku namen bebirai-Ku ngen bebirai-Ku namen ngen Uku.

YOHANES 4:10

Jawab Yesus ngen si, “Amen ko namen tetang karunio Allah ngen api Si de madeak ngen ko, ‘Melei ba Uku menem!’ Paset ko bi minoi ngen-Si ngen Si bi melei ngen ko bioa idup.”

YOHANES 4:11

Nadeak selawei'o ngen Si, “Tuan, Ko coa temuan timbo ngen sumua yo kembiak lem; kunei ipe Ko dapet bioa idup'o?

YOHANES 4:14

Tapi api bae de menem bioa de bakea Uku melei, si coa bakea haus utuk seke'anne. Sebelekne bioa de bakea Uku melei, bakea jijai matai bioa neak lem dirai ne, de terus bae kemluea bioa sapei pado idup de kekal.”

KISAH RASUL-RASUL 20:28

Lokba udi jago dirai, jagoba kulo kute jemaat de sudo senreak Roh Sucai ngen ko utuk jenago; sebab udi coa naket jijai pengawas jemaat o. Lokba udi jemago jemaat Allah do'o awei gembala jemago dombane, kerno Allah bi jemijai jemaat o temuan-Ne suang liwet mateine Anok-Ne suang.

1 PETRUS 5:2

Supayo udi mengembala kawanan bebirai de senreak Allah ngenko. Gembalakanlah tobo'o ngen senang atei awei ipe de kenlok Allah, ngen jibeakba ngen benek atei. Jibeakba kulo menea kerjonu utuk dapet utung, tapi kerno udi sungguak-sungguak lok mlayan.

WAHYU 14:4

Tobo'o tun-tun de tep sucai awei perawan, kerno coa menea hubungan ngen selawei. Tobo'o temotoa Anok Bebirai o moi ipe bae si lalau. Kunei antaro umat manusio, tobo'oba de sudo bebas sebagai persembahan de pertamo ngen Allah ngen Anok Bebirai.

WAHYU 21:22

Uku coa kemliak Bait Sucai neak lem kota o, sebab Bait Sucaine adeba Tuhan su'ang, Allah De Mahakuaso, ngen Anok Bebirai o.

WAHYU 21:23

Kota o coa perlu cahayo matai bilai atau bulen, sebab kemulioan Allah tem'angne, ngen Anok Bebirai o adeba lapune.

WAHYU 21:4

Si bakea musep bioa matai kunei matai tobo'o. Kematian coa bakea ade igai; ibo, tangisan, atau duko cito bakea cigai. Hal-hal de an bi nyep.”

WAHYU 21:6

Lajau Si madeak, “Bi selsei! Ukuba Tuhan kunei Pertamo ngen Terakhir; Ukuba Tuhan kunei mulo sapei akhir. Tiep tun de haus, bakea Uku melei bioa ngen cuma-cuma kunei matai bioa de melei idup.

WAHYU 22:1

Malaikat o kulo kemten ngen uku bioa lai de bioane melei kehidupan. Bioa o jeniak awei kristal ngen mengalir kunei takhta Allah ngen Anok Bebirai o.

WAHYU 4:11

“Ya Tuhan, ya Allah keme! Ko bae de layak temimo pujian, hormat ngen kuaso. Sebab Koba pencipta kute sesuaktau, ngen das kelok-Nu kulo kute sesuaktau o bi tejijai ngen idup.”

WAHYU 5:6

Sesudo'o uku kemliak dikup anok bebirai je neak tengeak-tengeak takhta o, kenliling pat makhluk ngen kute pemipin o. Anok bebirai o ketenne awei bi sembeliak. Si temuan tujuak tanduk ngen tujuak matai: adeba tujuak roh kunei Allah de sudo nutus moi kute dunio.