WAHYU 7:14 - JANJAI BLAU Lem Bahaso Jang Bebilai

¹⁴ “Uku coa namen, Tuan, Tuan suang de namen,” jawab uku. Mako si madeak ngen uku, “Dioba tun-tun de sudo ngen selamat kunei kesusahan de luea biaso. Tobo'o bi mpuk jubah tobo'o ngen meneane jijai putiak ngen daleak Anok Bebirai o.

WAHYU 7:14 ပူးပေါင်းရင်းမြစ်များ

MATIUS 24:21

Bilai-bilai de menyaben'o bakea ade sikso ngen luea biasoawei de ati perneak tejijai sejok awal dunio sapei uyo ngen de coa bakea tejijai igai.

MARKUS 13:19

Sebab pado maso'o bakea tejijai sikso awei de ati perneak tejijai sejok mulone dunio, de cenipto Allah, sapei uyo ngen de coa bakea tejijai igai.

YOHANES 16:33

Kutene o Uku madeak ngen udi, supayo udi dapet damoi sejahtera lem Uku. Neak dunio udi bakea saro. Tapi kenuetba ateinu! Uku bi maleak dunio!”

KISAH RASUL-RASUL 14:22

Neak penan'o tobo'o kemuet atei murid-murid'o ngen melei nasihat tobo'o supayo tep pecayo ngen Yesus, madeak bahwo utuk masuk moi lem Allah meriteak sebagai Rajo ite harus meding dau kesaro.

ROMA 5:3

Ngen iso do'o bae. Ite malah bangga kulo lem derito ite, kerno ite namen bahwo derito o menea tun jijai taat,

1 KORINTUS 6:11

Kekedau tun neak antaro Saudaro memang aweiyo kileak. Tapi Saudaro bi melei dirainu senucai, Saudaro bi senucai, Saudaro bi jijai bnea neak lem gen Tuhan Yesus Kristus kulo lem Roh Allah ite.

2 TESALONIKA 1:4

Do'oba sebabne getai keme miling tetang udi tiep kilai keme semulau jemaat-jemaat Allah. Ngen bangga keme cemrito awei ipe udi tep pecayo ngen Kristus neak lem penganiayaan ngen penderitaan de udi meding.

IBRANI 13:12

Do'oba sebabne Yesus kulo matei neak luea gerbang kota utuk semucai umat-Ne kunei duso ngen daleak-Ne suang.

IBRANI 9:14

Nah, amen daleak nge abu o dapet semucai tun-tun o, jano igai daleak Kristus! Liwet Roh de kekal, Kristus melei dirai-Ne suang ngen Allah sebagai kurban de sempurno. Daleak-Ne semucai atei nurani ite kunei upacara agamo de coa beguno, supayo ite dapet melayan Allah de idup.

1 PETRUS 1:19

meluyen sesuaktau de kembiak bego; adeba dirai Kristus suang, de jijai sebagai bebirai coa ade cacet ngen cela de kenorban ngen Allah.

1 YOHANES 1:7

Tapi amen ite idup neak lem teang serai awei Allah ade neak lem te'ang, mako ite idup erat, rukun do ngen de luyenne, ngen daleak Yesus, Anok-Ne, semucai ite kunei kute duso.

WAHYU 1:5

ngen kunei Yesus Kristus, saksai de setia. Siba de pertamo-tamo idup igai kunei matei ngen Siba penguaso das rajo-rajo dunio. Yesus mengasiak ite, ngen kematian-Ne Si bebas kunei duso-duso ite,

WAHYU 12:11

Saudaro-saudaro ite sudo maleak si ngen daleak Anok Bebirai, ngen bito benea kunei Allah de tobo'o melei namen. Tobo'o rela melei nyabai tobo'o sapei matei.

WAHYU 15:2

Sesudo'o uku kemliak sesuaktau de ketenne awei lautan kaco becapua opoi. Uku kemliak kulo tun-tun de sudo menang das benatang ngen patungne, ngen menang das tun de genne nelei tando ngen ako. Tun-tun de menang o je neak biding laut kaco samo megong kecapi de nelei Allah ngen tobo'o.

WAHYU 17:6

Lajau uku kemliak bahwo selawei o mabuk ngen daleak umat Allah ngen daleak tun-tun de nunuak kerno setia ngen Yesus. Ketiko uku kemliak selawei o, uku jijai sele.

WAHYU 2:9

Uku namen kesaro-kesaro udi; Uku namen udi peset – tapi sebeneane udi kayo! Uku namen fitnahan-fitnahan tobo'o, de madeak diraine tu Yahudi, padahal iso; tobo'o adeba umat Iblis!

WAHYU 22:14

Riangba tun de mpuk jubahne sapei bersi sehinggo tobo'o berhok mbuk bueak kunei pun kehidupan ngen masuk moi lem kota o liwet gerbangne.

WAHYU 5:9

Tobo'o mbin legau de blau: “Ko layak mok bukau o ngen mecuak segel-segelne Sebab Ko bi nunuak, ngen kematian-Nu, manusio kunei kute suku, bahaso, negara ngen bangsa bi nukuanu utuk Allah.

WAHYU 7:9

Sesudo'o uku kemliak igai, lajau keten tun dau de luea biaso daune – coa ade suang kulo de dapet mitung jumlahne. Tobo'o adeba tun-tun kunei tiep bangsa, suku, negara, ngen bahasa. Ngen makei jubah de putiak-putiak ngen megong dan-dan pun palem neak tangen, tun-tun dau o je madep takhta ngen madep Anok Bebirai o!