WAHYU 6:9 - JANJAI BLAU Lem Bahaso Jang Bebilai

⁹ Sesudo'o Anok Bebirai o mukok segel de kelemo. Uku kemliak neak beak mezbah ade roh-roh tun-tun matei nunuak kerno tobo'o kemuet firman Allah liwet saksai tobo'o.

WAHYU 6:9 ပူးပေါင်းရင်းမြစ်များ

YOHANES 16:2

Udi bakea kenucea, bakea teko waktaune bahwo tiep tun de munuak udi bakea sako bahwo si males jaso ngen Allah.

2 KORINTUS 5:8

Do'o sebabne atei keme sabar. Keme lebiak riang keluea kunei awok keme yo, supayo dapet tinggea besamo Tuhan.

FILIFI 1:23

Uku desok kunei duai pihok. Uku lok nien teminggea dunio yo utuk lalau tinggea ngen Kristus, sebab do'oba de kebiak baik;

FILIFI 2:17

Mukin uku bakea nunuak ngen daleakku jijai awei kurban curahan neak das jano de udi melei ngen Allah sebagoi tando bahwo udi pecayo ngen Si. Amen memang do'o harus awei o, uku bersyukur das hal o ngen milau beriang ngen udi.

2 TIMOTIUS 1:8

Sebab o jibeakba selek melei saksai tetang Tuhan ite ngen jibeakba selek kerno uku, de nasuk sel kerno Si. Sebelekne, lokba ko ngen kekuatan kunei Allah, meding saro utuk Bito Baik o.

2 TIMOTIUS 4:6

Tetang diraiku, bi sapei waktaune uku bakea matei sebagai kurban ngen Allah. Tegoa igai uku bakea teminggea dunio yo.

IBRANI 12:23

Udi temotoa sesuaktau pertemuan de meriah – pertemuan anok-anok tuai Allah, de genne ade neak lem surgo. Udi teko madep Allah, Hakim kute umat manusio. Udi madep roh-roh tun-tun baik, de sudo jijai sempurno.

WAHYU 1:2

Mako Yohanes kulo cemrito kute de kemliakne o; ngen dioba laporanne tetang pesen kunei Allah de kenuet Yesus Kristus liwet saksai-Ne.

WAHYU 1:9

Uku Yohanes, saudaro udi de senasib ngen udi lem saro de nding tiep penotoa Kristus. Ite tabah saro sebagai umat-Ne. Uku nuang moi Pulau Patmes kerno uku melei namen pesan kunei Allah, de kenuet Yesus liwet saksai-Ne.

WAHYU 14:18

Sesudo'o, su'ang malaikat luyen, de bekuaso das opoi, teko kunei mezbah. Ngen sa'ei de lek si menggang ngen malaikat de megong sabit de tajem o, “Nanyunba sabit nu o ngen temuun buak-buak pun anggur neak bumai, kerno buak-buakne bi mesok!”

WAHYU 16:7

Lajau uku temi'uk sa'ei kunei mezbah madeak, “Tuhan, Allah Mahakuaso, benea ngen adeaba ukuman-ukuman de Ko melei!”

WAHYU 19:10

Uku tukup neak adep malaikat o lok nyembeakne, tapi si madeak ngen uku, “Jibeak! Jibeak nyembeak uku, sembeakba Allah! Sebab uku kulo hamba serai awei ko ngen awei kute saudaronu de bepegong teguh ngen saksai Yesus!” Sebab saksai Yesus do'oba de jijai menea tun-tun de bernubuat.

WAHYU 2:13

Uku namen neak ipe udi tinggea, neak penan Iblis tinggea. Udi setia ngen Uku. Mala ketiko Antipas, saksai Uku de setia o, nunuak neak adep udi neak penean Iblis tinggea, udi coa murtad bahwo udi pecayo ngen Uku.

WAHYU 20:4

Lajau uku kemliak takhta-takhta, ngen tun-tun de temot neak takhta-takhta o nelei kuaso utuk melei keputusan ukuman. Uku kemliak kulo tun-tun de sudo tentus ulaune kerno tobo'o melei saksai tetang Yesus, ngen melei namen firman Allah. Tun-tun o coa nyembeak benatang, atau patungne. Tobo'o kulo coa perneak temimo tando benatang o neak ning atau tangen tobo'o. Mako tobo'o idup igai ngen meriteak sebagai rajo besamo Kristus selamo seribau taun.

WAHYU 8:3

Suang malaikat luyen, de mbin debueak pedupaan mas, teko ngen je neak adep mezbah. Ngen si nelei dau nien kemenyen utuk persembahan ngen du'o-du'o kute umat Allah ngen utuk persembahan neak mezbah mas de ade neak adep takhta.

WAHYU 9:13

Sesudo'o malaikat de kenum kembus trupetne. Mako uku temi'uk sa'ei teko kunei kepat sudut mezbah mas de ade neak adep Allah.