WAHYU 6:17 - JANJAI BLAU Lem Bahaso Jang Bebilai

¹⁷ Bilai lai bi sapei, uyo tobo'o mengiak, coa suang kulo dapet taen teadep tobo'o!”

WAHYU 6:17 ပူးပေါင်းရင်းမြစ်များ

LUKAS 21:36

Bejago-jagoba, ngen bedu'oba bogoa supayo udi kuet matasi kute hal de bakea tejijai ngen udi dapet madep Anok Manusio.”

ROMA 2:5

Tapi udi telo ulau ngen coa lok tobat, udi suangba de menea hukuman udi jijai tambeak benek pado Bilai Kiamat, amen Allah kemten murka-Ne ngen melei hukuman de adea.

YUDAS 1:6

Tingetba kulo tobo malaikat de coa taat ngen liwet batas-batas kuaso tobo'o, sehinggo lalau teminggea penan tinggea tobo'o. Allah meket malaikat-malaikat o ngen ratoi abadi, neak lem penan de kelem neak beak bumai. Neak di tobo'o nukum trus sapei tobo'o nelei ukuman pado bilai lai.

WAHYU 11:18

Tun-tun de coa kemnal Tuhan, ngamuk sebab bi waktaune Ko mengiak, ngen bi waktaune Ko mukum tun-tun matei. Dioba waktaune utuk melei upeak ngen hamba-hamba-Nu, tobo nebai, ngen kute umat-Nu, adeba kute tun de semyang ngen Ko, lai atau titik. Dioba waktaune utuk majua tun-tun de majua bumai!”

WAHYU 16:14

Tobo'o adeba roh-roh jahat de menea keajaiban-keajaiban. Ketelau roh o lalau magea kute rajo neak kute dunio ngen kemopoa tobo'o utuk tepua pado Bilai lai, adeba Bilai kunei Allah Mahakuaso.