WAHYU 6:16 - JANJAI BLAU Lem Bahaso Jang Bebilai

¹⁶ Tobo'o madeak ngen tebo-tebo ngen butau-butau o “Tipoba keme! Nunyinba keme kunei keliak-Ne de temot neak das takhta, ngen teadep amarah Anok domba o!

WAHYU 6:16 ပူးပေါင်းရင်းမြစ်များ

MATIUS 26:64

Yesus jemawab, “Awei'oba nadeaknu. Tapi pecayoba: muloi uyo ko bakea kemliak Anok Manusio temot neak depeak kanen Allah De Kembiak Kuaso, ngen teko neak das mbun-mbun neak lenget!”

MARKUS 3:5

Si kembiak duko kerno telo atei tobo'o ngen Si lebiak mengiak kemliak tun-tun neak le'etne lajau Si madeak ngen tobo'o, “Nuluaba tangennu!” Lajau tun mulua tangenne, mako ka'enba tangenne o.

LUKAS 23:30

Mako tun bakea muloi madeak ngen tebo-tebo, ‘Ubuakba teminggang keme!’ Ngen tebo-tebo, ‘Timbunba keme!’

WAHYU 10:6

Si supeak demi Allah de idup selamo-lamone, de jemijai lenget, bumai ngen laut serto kute de ade neak lemne. Malaikat o madeak, “Waktaune coa bakea mondor igai!

WAHYU 19:15

Kunei bibia-Ne keluea debuak pedang de tajem ngen pedang o Si bakea maleak bangsa-bangsa, ngen Si bakea meriteak tobo'o ngen tokot besai. Si bakea miyuak anggur neak lem alat utuk miyuak anggur murka Allah De Mahakuaso.

WAHYU 20:11

Sesudo'o uku kemliak debueak takhta putiak de lai ngen Si de temot neak dasne. Lenget ngen bumai nyep kunei adep-Ne, sehinggo coa keten igai.

WAHYU 4:2

Langsung bae uku kenuaso Roh Allah. Lajau uku kemliak neak surgo ade debueak takhta, ngen ade suang tun temot neak takhta o.

WAHYU 4:5

Kunei takhta o terpancar cahayo glep ngen keluea sa'ei gutua de kembiak lai. Ngen neak adep takhta o ade tujuak obor de nyala; do'oba ketujuak Roh Allah.

WAHYU 4:9

Kepat makhluk o mbin legau pujian, hormat ngen syukur ngen Si de temot neak takhta o, adeba Si de idup utuk selamo-lamone. Ngen pado waktau makhluk-makhluk o nyanyi,

WAHYU 5:1

Sesudo'o uku kemliak debueak gulungan bukau neak tangen Si de temot neak takhta o. Bukau o penuak ngen tulisan peak lem ngen peak lueane ngen dimeteraikan ngen tujuak bueak segel.

WAHYU 6:10

Tobo'o menggang ngen sa'ei de lek, “Ya Tuhan De Mahokuaso, de sucai ngen benea! Kedau an igai Ko mukum tun neak bumai ngen mukum tobo'o kerno bi munuak keme?”

WAHYU 9:6

Selamo lemo bulen o, tun-tun o berusaho supayo matei, tapi tobo'o coa nam matei; tobo'o lok matei, tapi maut uak kunei tobo'o.