WAHYU 6:12 - JANJAI BLAU Lem Bahaso Jang Bebilai

¹² Lajau uku kemliak Anok Bebirai o mukok segel de kenum. Tejijaiba gepo lai, matai bilai jijai meleu awei kain meleu de kasar, ngen bulen jijai mileak awei daleak.

WAHYU 6:12 ပူးပေါင်းရင်းမြစ်များ

MATIUS 11:21

“Celako ko, Korazim! Ngen celako kulo, Betsaida! Seandaine mujizat-mujizat de nea neak antaronu sudo menea neak Tirus ngen Sidon, sahe tun-tun neak di bi an betobat kunei duso-duso tobo'o ngen makei keracok duko serto mpek abau moi das ulau.

MATIUS 24:29

“Coa an sesudo maso de saro'o, matai bilai bakea jijai gelep ngen bulan coa becayo igai. Bitang-bitang bakea us kunei lenget ngen paro penguaso lenget bakea kacau balau.

MATIUS 24:7

Bangso de do bakea prang mlawen bangso de luyen, negara de do bakea semrang negara de luyen. Neak ipe-ipe bakea tejijai bahayo nyemen ngen gepo.

MATIUS 27:45

Pado tengeak bilai, selamo telau jam, kute negerai'o jijai gelep.

MATIUS 27:54

Pemipin tentra serpok ngen tentra-tentrane de gidong jemagai Yesus jijai saben nien waktau kemliak gepo, ngen kute de tejijai'o. Tobo'o madeak, “Sungguak Si yo Anok Allah!”

MATIUS 28:2

Tetibo tejijai gepo de lai. Su'ang malaikat Tuhan tu'un kunei surgo lajau gemuling butau penutup'o, ngen temot neak dasne.

MARKUS 15:33

Pado jam duai belas, kelem kute daerah'o ngen belangsung sapei jam telau pelbea.

WAHYU 11:13

Mako waktau o kulo tejijaiba gepo lai. Seperpuluak kunei kota o ajua, ngen tujuak ribau tun matei kerno gepo o. Tun-tun luyenne jijai kembiak saben, lajau tobo'o mujai kebesaran Allah neak surgo.

WAHYU 16:18

Lajau tejijaiba gelep, ngen sa'ei gutua gemeruduk, serto gepo de kembiak lai. Coa perneak tejijai gepo awei o sejak manusio ade. Dioba gepo de paling lai!

WAHYU 16:8

Sesudo'o malaikat kepat temupeak si'ing penane moi matai bilai, mako matai bilai kulo nelei kuaso utuk mbem manusio ngen opoi.

WAHYU 8:12

Lajau malaikat kepat kembus trupetne. Mako tetepokba sepertelau kunei matai bilai, sepertelau kunei bulen, ngen sepertelau kunei bitang-bitang sehinggo nyepba sepertelau kunei kekuatan cahayo tobo'o. Kulo sepertelau kunei lueng coa te'ang ngen awei o kulo sepertelau kunei kelmen.

WAHYU 8:5

Sesudo'o malaikat o mok pedupaan o, semi'ingne ngen opoi kunei mezbah, lajau melukne moi das bumai. Mako gutua gemruduk, serto glep ngen gepo.