WAHYU 6:11 - JANJAI BLAU Lem Bahaso Jang Bebilai

¹¹ Masing-masing tobo'o nelei delambea jubah putiak. Lajau tobo'o neluak istirahat tegoa igai, sapei bi lekap kute jumlah kekuat seperjuangan ngen saudaro-saudaro tobo'o de bakea nunuak awei tobo'o.

WAHYU 6:11 ပူးပေါင်းရင်းမြစ်များ

MATIUS 10:21

Bakea tejijai amen tun semreak pasuakne dewek utuk nunuak ngen do'o kulo de bakea tejijai neak antaro Bak ngen Anokne. Anok-anok bakea mlawen ngen bak makne, ngen semreak tobo'o utuk nunuak.

LUKAS 15:22

Tapi bak o madeak ngen pelayan-pelayanne, ‘Gacangba mbin moi miyo jubah de kembiak baik, neleiba si makei bajau'o. Nelei si cicin pado ji'aine ngen sepatu pado kekeane.

YOHANES 16:2

Udi bakea kenucea, bakea teko waktaune bahwo tiep tun de munuak udi bakea sako bahwo si males jaso ngen Allah.

KISAH RASUL-RASUL 20:24

Tapi uku coa dulai ngen idupku yo, asal uku dapet semlesei tugas de Tuhan Yesus nelei ngen uku, asal uku setia sapei uku matei utuk melei namen Bito Baik o tetang anugrah Allah.

2 TESALONIKA 1:7

Ngen udi de uyo yo saro – aweai o kulo ngen keme – Allah bakea melei kelegaan pado bilai Tuhan Yesus tu'un kunei surgo ngen kemten dirai-Ne ngen malaikat-malaikat-Ne de penuak kuaso

2 TIMOTIUS 4:7

Uku bi milau pertandingan ngen sebaik-baikne, uku bi sapei moi garis akher. Uku tep setia ngen Kristus sapei akher.

IBRANI 11:40

sebab Allah ade rencano de lebiak padek utuk te. Rencano-Ne adeba bahwo cuma besamo ngen te, tobo'o bakea jijai sempurno.

IBRANI 12:23

Udi temotoa sesuaktau pertemuan de meriah – pertemuan anok-anok tuai Allah, de genne ade neak lem surgo. Udi teko madep Allah, Hakim kute umat manusio. Udi madep roh-roh tun-tun baik, de sudo jijai sempurno.

IBRANI 4:10

Kerno tun de temimo istirahat de jenanjai Allah ngen si o, bakea istirahat kulo kunei kute pekerjaanne, serai awei Allah.

WAHYU 10:6

Si supeak demi Allah de idup selamo-lamone, de jemijai lenget, bumai ngen laut serto kute de ade neak lemne. Malaikat o madeak, “Waktaune coa bakea mondor igai!

WAHYU 13:15

Benatang de keduai o neluak melei nyabai ngen patung o, sehinggo patung o dapet miling ngen munuak kute tun de coalok nyembeak ne.

WAHYU 14:13

Lajau uku temi'uk sa'ei kunei surgo madek, “Tulisba dio: Muloi uyo, riangba tun-tun de matei waktau dong melayan Tuhan!” “Benea!” jawab Roh Allah. “Tobo'o bakea bedan kerjo keras, kerno asea pelayanan tobo'o bakea semerto tobo'o.”

WAHYU 17:6

Lajau uku kemliak bahwo selawei o mabuk ngen daleak umat Allah ngen daleak tun-tun de nunuak kerno setia ngen Yesus. Ketiko uku kemliak selawei o, uku jijai sele.

WAHYU 7:14

“Uku coa namen, Tuan, Tuan suang de namen,” jawab uku. Mako si madeak ngen uku, “Dioba tun-tun de sudo ngen selamat kunei kesusahan de luea biaso. Tobo'o bi mpuk jubah tobo'o ngen meneane jijai putiak ngen daleak Anok Bebirai o.

WAHYU 7:9

Sesudo'o uku kemliak igai, lajau keten tun dau de luea biaso daune – coa ade suang kulo de dapet mitung jumlahne. Tobo'o adeba tun-tun kunei tiep bangsa, suku, negara, ngen bahasa. Ngen makei jubah de putiak-putiak ngen megong dan-dan pun palem neak tangen, tun-tun dau o je madep takhta ngen madep Anok Bebirai o!