WAHYU 5:9 - JANJAI BLAU Lem Bahaso Jang Bebilai

⁹ Tobo'o mbin legau de blau: “Ko layak mok bukau o ngen mecuak segel-segelne Sebab Ko bi nunuak, ngen kematian-Nu, manusio kunei kute suku, bahaso, negara ngen bangsa bi nukuanu utuk Allah.

WAHYU 5:9 ပူးပေါင်းရင်းမြစ်များ

MATIUS 20:28

Samo awei Anok Manusio'o kulo; Si teko coa utuk nelayan, tapi utuk mlayan ngen semreak nyabaine utuk mbebas tun dau.”

MATIUS 26:28

Sebab dioba daleak-Ku, de ijai tando janjai de sah kunei Allah de tenu peak bagiak dau tun utuk mapun duso tobo'o.

KISAH RASUL-RASUL 20:28

Lokba udi jago dirai, jagoba kulo kute jemaat de sudo senreak Roh Sucai ngen ko utuk jenago; sebab udi coa naket jijai pengawas jemaat o. Lokba udi jemago jemaat Allah do'o awei gembala jemago dombane, kerno Allah bi jemijai jemaat o temuan-Ne suang liwet mateine Anok-Ne suang.

1 KORINTUS 6:20

Allah bi temukua udi ngen bi masen udi lunas. Sebab'o, muliakanba Allah ngen awoknu.

1 KORINTUS 7:23

Allah sudo temukua ngen masen lunas Saudaro. Kerno o, jibeakba Saudaro semreak dirai utuk jijai hamba manusio.

EFESUS 1:7

Sebab, ngen mateine Kristus, Allah mbebas ite, taine Allah bi mapun ite kunei duso-duso ite.

EFESUS 5:19

Pakeiba kecek-kecek kunei mazmur, legau puji-pujian ngen legau rohani. Lokba udi ngen riang atei mbin legau puji-pujian bagiak Tuhan.

KOLOSE 1:14

Kerno Anok-Ne o ite bebas; taine duso-dusote bi napun-Ne.

KOLOSE 1:23

Sebab o udi harus tep setia pecayo ngen kepercayaannu. Jibeak sapei udi muang harapan de sudo nelei ngen udi ketiko udi temimo Bito Baik kunei Allah. Bito o bi nelei namen ngen kute tun neak kute dunio. Ngen utuk do'oba kulo uku, Paulus, bi jijai pelayan.

TITUS 2:14

Si bi melei dirai-Ne bagiak ite utuk mbebas ite kunei kute kejahatan, ngen jemijai ite umat de bebas kunei duso, de jijai de Si temuan bae, serto de rajin menea baik.

IBRANI 11:14

Tun de madeak awei o temunjuk ngen jelas bahwo tobo'o dong mesoa negrai de bakea jijai taneak tanai tobo'o.

2 PETRUS 2:1

Pado maso de bel'o neak antaro umat Allah bi timboa nebai-nebai palsu. Awei o kulo neak antaronu bakea timboa gu'au-gu'au palsu. Tobo'o bakea memasukan ajaran-ajaran de coa benea, de membinasakan tun. Ngen tobo'o bakea menyangkal Penguasa de sudo mbebas tobo'o. Ngen awei yo tobo'o mendatangkan kebinasaan das dirai suang, de bakea tejijai pado tobo'o ngen gacang.

1 YOHANES 1:7

Tapi amen ite idup neak lem teang serai awei Allah ade neak lem te'ang, mako ite idup erat, rukun do ngen de luyenne, ngen daleak Yesus, Anok-Ne, semucai ite kunei kute duso.

1 YOHANES 2:2

Ngen liwet Yesus Kristus o ba duso-duso ite napun. Iso duso-duso ite bae, tapi duso kute umat manusio kulo.

WAHYU 10:11

Sesudo'o uku nelei periteak, “Melei namenba debat igai bito Allah tetang bangsa-bangsa, negara-negara, bahaso-bahaso, ngen rajo-rajo.”

WAHYU 11:9

Tun-tun kunei kute negrai, sukau, bahaso, ngen bangso bakea kemliak mayit tobo'o selamo telau setengeak bilai, ngen coa mizin mayit-mayit o kenubua.

WAHYU 13:7

Si neluak kulo melawen umat Allah serta maleak tobo'o. Ngen kuaso das kute suku, negara bahaso, ngen bangso nelei ngen si.

WAHYU 13:8

Benatang o bakea senbeak kute tun de idup neak dunio, kecuali tun-tun de genne bi terdaftar ayok dunio ade, neak lem bukau tun idup milik Anok Bebirai de sudo sembeliak.

WAHYU 14:6

Lajau uku kemliak suang malaikat luyen de tebang lekat neak lenget. Malaikat o mbin bito tetang Bito Baik de abadi utuk senapei ngen manusio neak bumai adeba ngen kute bangsa, suku, bahaso ngen negara.

WAHYU 15:3

Ngen tobo'o mbin legau Musa, hamba Allah, ngen legau Anok Bebirai. Awei yo sa'eine, “Tuhan, Allah Maha Kuaso, padeak lai ngen ajaibne perbuatan-perbuatan-Nu! Rajo kute bangso, padeak adea ngen benea tindakan-tindakan-Nu!

WAHYU 17:15

Malaikat o madeak kulo, “Bioa de ko kemliak o, penan selawei nakea o temot, adeba bangsa-bangsa, rakyat-rakyat, negara-negara ngen bahaso-bahaso.

WAHYU 4:11

“Ya Tuhan, ya Allah keme! Ko bae de layak temimo pujian, hormat ngen kuaso. Sebab Koba pencipta kute sesuaktau, ngen das kelok-Nu kulo kute sesuaktau o bi tejijai ngen idup.”

WAHYU 5:12

Ngen tobo'o nyanyi ngen sa'ei de lek, “Anok Bebirai de sudo sembeliak o, layak utuk temimo kuaso, kekayaan, kebijaksanaan ngen kekuatan; Si layak nelei hormat, diagungkan ngen nujai!”

WAHYU 5:6

Sesudo'o uku kemliak dikup anok bebirai je neak tengeak-tengeak takhta o, kenliling pat makhluk ngen kute pemipin o. Anok bebirai o ketenne awei bi sembeliak. Si temuan tujuak tanduk ngen tujuak matai: adeba tujuak roh kunei Allah de sudo nutus moi kute dunio.